2 TIMOTI 4:1 - ANU LUGOD N. T. (BSI)

¹ Ngo nom Ru:ncpvnckc ka:de:pc lulvgdung odokkc Kristo Jisukc sc:kobv turnclang sinckvdv:dok kcba:ba:nc, odokkc Bvk lennamdokki odokkc migomdokodokki:

2 TIMOTI 4:1 ပူးပေါင်းရင်းမြစ်များ

AGER KVDVNG 10:42

Odokkc Bv tani:kvdv:dcm lutadgo:bidopc ngolum lulvgto, odokkc lukanbidopc jc Bv cdc Ru:ncpvnckokki vrnamdc turra du:nc kvdv:dcmna: sinkvdv:dok kcba:ba:ncpc.

2 TIMOTI 4:8

Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.

1 TIMOTI: 5:21

Ru:ncpvnckclang Kristo Jisukc odokkc balenna la:nam taycng among lutadlunc kvdv:dok kangkolo ngo nolum lujcmna ludung sc lujvgluro kvdv:scm sckkcpcsin kcmvnsuma:pc lukamdcmpc tadlangka, akonongcm ka:bila okkomsin ibi-gvbima:pc.

2 TIMOTI 2:14

Scmbulum bulum mc:pa:motokuka, odokkc Ru:tumkc kcra:lo sanggabla lutoka gomug luker-luyermvnsunammcm mcdopc, okodc atv aincmsin ima:ji, cmpige:la tadncdcm momvgdag.

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

1 JO:N 2:28

Odokkc su:pak, ameo:nc ommangkvdvnga, Bvk dungkolo du:mvntoka, odomvlo jen cdvlo Bv lcngkansuycnc ngolukkc ncrkvgpc mcnga:nammc du:ycpc odokkc Bvkkolokkc ngetsuk suma:ycpc Bvk gvdokudo anyv:sula.

1 PITOR 4:5

cmpige:la bulu Bvm isabcm bipa:ycku sc:kobv cdc turnckvdv:dcmnang sinckvdv:dcm kcbangcm bangkupc cmna mosv:sudagji.

1 PITOR 1:7

cdcmpc jc noluk mc:jvgdok mc:jupmcngkamdc, avncmyam arc kaya:dag okodcm jitpakpcnc daggom vmvlo romka:dagji, aipai binapc lenycpc odokkc amin gvnamdc odokkc mcnggcnamdc Jisu Kristokc lendokudo mcnggcycpc.

2 TISSALONIANG 2:8

Odokkc Ru:tum Jisubv Bvm Bvk nappangki munnamkokki mokeyc odokkc bvm momvgyc Bvk lenkunamdokki odokkc Bvk gvkunamdokki.

ROMANKVDVNG 2:16

ngok tadponc agomdcmpc, Ru:ncpvncbv tani:lok lc:sinam kvdv:dcm kcbangcm Kristo Jisukkokki ba:dag.

AGER KVDVNG 17:31

kapila:nc Bv mo:pvscm bvk mclvgnam tani: akokokki dormokokki kcbangcm bangkupc cmna longcko mctung, odokkc odokki Bv tani: appvngcm aroru:dcm lubitung bvm sikolokkcm darobmolangge:kula.”

2 PITOR 1:11

Cdcmpila nolum kvnggv:pc mircmpc biycpc nolukkcpc cdc lo:dvlongkvpc du:nc migomdokodo:pc gva:namdo ngoluk Ru:tumbv odokkc Moturnc Jisu Kristobv.

LU:KKC 23:42

Odokkc bv luto, “Jisua, ngom no cdvlo migom dokodo gva:yckuji mc:pa:langka.”

LU:KKC 19:15

“Cdvlo bv gvlattokuji, migom dokodcm torvgsuge:la, bv cdc ager gerya:nc kvdv:dcm lulvgto, sc:kobulum bv murkongcm bikaji, bulu cddvkopc rcnam konamdokki pa:toji kinna:dopc, bvkkolo:pc goga:moto.

LU:KKC 19:12

Bv cdcmpila luto, “Bottcnc tani: akonc migom doko mo:pvko torvgsukapc mo:tcpc gvge:la gvlattoku.

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

2 PITOR 1:17

Kapcnc cdvlo Bv mcnggcnammcmnang amingvnamcm Ru:ncpvnckolokkcm torvgsutonc odokkc gombugdcm Bvkkcpc bugbitonc cdc Migang ga:nc Amingvnamdokki. “Sc ngok aipc mc:bomsunam Awo, sckkolo ngo airu:pc mc:lvgsudonc,”

KOLOSIANG 3:4

Cdvlo Kristobv sc:ko ngoluk turnamc lcngkansuycji, odo nolusin amin gvla Bvk lcdulo lcnyckupc.

2 TIMOTI 1:10

odokkc su:pak ngoluk Moturnc Kristo Jisukc lennamdokkc lcngkantag, sc:kobv sinamcm la:paktonc odokkc turnamclang lo:dv longkvpc dornc mcrupc tadponc lutaddokki.

2 TIMOTI 4:18

Ru:tumbv ngom appvng aima:nclokkc moturyc odokkc Bvk taycng dungkodok lcgangc mopvtag. Bvkkcpc amin gvnamdc ika:langka lo:dv-longkcm. Amen.