2 TIMOTI 3:2 - ANU LUGOD N. T. (BSI)

² Kapcnc tani:kvdv:dc avycm aipc mc:ncpc iyc, murkongcm aipc mc:ncpc, lubonsunnc, ngowong cmna mc:sunc, keker-jengerla lunnc, buluk ancabukvdv:dok lunam tadma:nc,

2 TIMOTI 3:2 ပူးပေါင်းရင်းမြစ်များ

METIU 15:6

Cdcmpidag noluk ta:toya:yokc longcdok igod gvgoddok lcgangc, nolu Ru:nckc agomcm mcpakto.

LU:KKC 12:15

Odokkc Bv bvm luto, “Ansutoka, odokkc ka:bomc:bonam appv:lokkcm avyc ansula du:langka; kapila:nc tani:akolok turnamdc bvk bojcrungko attar kanamsv:nam-dokkimang.”

LU:KKC 16:14

Parisi:kvdv:dc sc:kobulu murko: mc:bodagaji, cdc appv:dcm tatto, odokkc bulu Bvm luka:la luto.

LU:KKC 6:35

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

AGER KVDVNG 5:36

Kapila:nc sc longckvdv:scmyam po:pcbong Tiudasbv dagrobka, bv avdc tani:kopc mc:sula, odokkc bojcrungko tani:yc, lvngko appi: kvram konc, bvk lcdulo lenmvnkang; cmpige:la bvm papakto odokkc bvk lcdulo gvmvnnc appv:dc gvkum gvkumsuge:la yogamkang.

ROMANKVDVNG 11:18

Nolu bottapc lusumvlo, mc:pa:langka cdc nolumang jc appvrdcm pvrgabla dung, cmpige:la appvrdc:mvn nolum pvrrasula du:n.

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

PILIPIANG KVDVNG 2:21

Bulu appvngc avkc av mala aipc mc:namcm kanggo:dag, Jisu Kristokcmang.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

2 TISSALONIANG 2:4

momvg-mosvgnc awodc, sc:kobv avdc bottcsudagji cdc lunam appvng uikvdv:dcm cdcmanggom kumnam atvkvdv:dcm, odomvlo jen Bv Ru:ncpvncbv cmna lusuycpc.

1 TIMOTI: 1:20

odokbuluk ara:dok Himenaeiubv odokkc Alekjandarbv, sc:kom ngo Satanlo:pc tolvgto jc bulu nindaima:ycpc.

1 TIMOTI: 1:9

cdcm mcngkinge:la, jc lujvglurodcm dormokancdok lcga:pcmang cmpige:la lujvgluro kama:ncdok lcgangc odokkc lukamdcmpc tadma:ncdok lcgangcmvn jvgtang, dormokama:nc odokkc pa:p inckvdv:dok lcgangc, angunma:nc odokkc napvnarc:ma:nc kvdv:dok lcgangc, abukvdv:dcm mokenckvdv:dok lcgangc odokkc anckvdv:dcm mokenam lcgangc, tani: pakenckvdv:dok lcgangc,

1 TIMOTI: 3:3

amin gvnc, mibobolv:nc, agom kinnc poyirncko, apong tvngvrsugo:ma:nc, momvnsugo:ma:pc cmpige:la asin ansv:ncpc, pamvnsugo:ma:ncpc odokkc murkongcm mc:boma:nckopc.

1 TIMOTI: 6:10

Kapcnc murkongcm aipc mc:bonamdc appvng aima:n agerlok appvrc, cdc cdcmpc mc:bonamdc jc akke bulu mc:jvgkvdv:dokkc gvyotla gvpakka:bong odokkc buluk asinkvdv:dcm bojcrung dvgnamkokki nvgkesungaptobong.

1 TIMOTI: 6:4

bv ngo:kc cmna bottcpc mc:bomsula mc:namki mc:bomsudag, bv okkomsin kinmang; bvkkc aima:nc kinamcmpc agom luker luyernamko dung, okodc ncka:mvnsunammcm lenmodagnc, pamvnsunamc, lume:pc lugc:lvgnam, mc:monam mc:sa:modagji,

2 TIMOTI 3:4

aincm tayumnc, kvnggv:pc ammem aima:pc ager gernc, ansuka:suma:nc, bottcpc ngowong cmna mc:sula, du:po-dunganongcm aipc mc:nc Ru:ncpvncmc aipc mc:namdcmyam,

JAKOB 2:8

Nolu aroru:pc migom lujvglurodcm lukamdcmpc imvru:lo, astro:dok lukamdcmpc, “Noluk kumrv-ko:rv kvdv:dcm noluk avyvngkcmpc aipc mc:ycpc,” nolu ainc agerko gerdo.

JAKOB 4:16

Cdc kapc idagji, nolu aisi:ma:nc agercm gerge:la ngo:na cmna mc:suge:la bottcpc mc:sudo. Cdcmpinc appv:dc aima:nc agerc.

JAKOB 4:6

Cmpige:la Bv bojcya:pc ayang abbom bidag; cdcmpidag cdc ludag, “Ru:ncpvncbv bottcpc lubonsuncdcm lutumdag, cmpige:la asin ansv:ncdcm ayangcm bidag.”

1 PITOR 5:5

Cdcmv:pc nolu cdc ame:ya:nkvdv:dc abv:nckvdv:dok lukamcm tadtoka. Nolu avyc avycm attarpc gctoka, kapcnc, nolu appvngc asinc akonc akoncm ansv:la “Ru:ncpvncbv bottapc mc:sunckvdv:dcm motumdag, cmpige:la asinc agamnckvdv:dcm ayangcm bidag.”

2 PITOR 2:10

odokkc ncrkvgpc cd sc:kobulu mc:bo ka:bonammcm mc:la mcnggomola narc:ma:pc imodagji odokkc ka:sv:mosv:ncm agom lukamcm tadmang.

2 PITOR 2:12

Cmpige:la sc:kobulu, okkomsin kinma:nc simvncmpinc kvdv:dc, simvnsirapc ru:namkvdv:sc, sogabge:la mokedopc onamkvdv:dc, bulu okodcm kinma:nc cdc agerkvdv:dcm ge:la aima:pc lula, cdc mokekamv:dcmpc buluk lcdulo mokeycpc.

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

JU:D 1:16

Cdcbulu ngvr ngvrainc, mc:tv:suma:nc migom birudi:pc, buluk avkc mcngkam gvkampc incgvnnc, bottcpc nappangc bc:la lubonna lusunc, atv arcko pa:pc cmna tani:kvdv:dcm luyumlupola.

LUNGOR LUNAM 13:1

Odokkc ngo simvn adorko siycngdokkc daropdopc ka:to, a:rcng so:nyiko kancko odokkc mittuk kvnvdko kancko, dumlubc pvyingko odok a:rcng so:yv:do odokkc odok mittukkvdv:do aisi:mang cmna lunamko.

LUNGOR LUNAM 16:11

tani:kvdv:dc buluk a:yckvdv:dcm dokcrcbbamsukang asinc dvgnamki tanycng amo:tok Ru:ncpvncmc buluk kinamki pelvgto odokkc tarckvdv:dokki, odokkc buluk inamkvdv:dok lcgangc asinc mc:dvrra mc:latsutokumang.

LUNGOR LUNAM 16:21

odokkc bottcru:n vlvngtangc, lvngko i:dkopc i:dncmpinnc, tani:kvdv:dcm taycngtokkc orumyc, Ru:ncmc tani:kvdv:dc joar kinamlok pcdongdok lcgangc pelvgma:sisscm, cddvkopc cdc joardc pcsopcnamai.

LUNGOR LUNAM 16:9

tani:kvdv:dcm kvnggv:pc amnamki ugbomdungai, odokkc bulu Ru:ncpvnckc amindcm pelvgto sc:kokc cdc ipusire:dok joar kinamramnamdok tayc:do ilanggvlangc dungai, odokkc bulu asinc mc:dvrra mc:latsutokumang odokkc Bvm amincm gvmotomang.