2 TIMOTI 3:15 - ANU LUGOD N. T. (BSI)

¹⁵ sckkolok no cdcm kintoji odokkc kapc kowawdokkc no angunnc adnamkvdv:dcm kintoji okodc:bulu nom moturnam lcgangc luyirla:dagji Kristo Jisukolo mc:jvgla.

2 TIMOTI 3:15 ပူးပေါင်းရင်းမြစ်များ

LU:KKC 24:45

Odo Bv Ru:ncpvnckc agom adgabnam kvdv:dcm mcngkindopc buluk asinkvdv:dcm mcngkinmoto,

LU:KKC 24:27

Odokkc Mose:kolokkclang lungorlunc kvdv:dokkc lurobbomna Bv Ru:nckc agom adgab appv:dcm lukur lule:la lubito Bvk agom lunamdcm.

METIU 22:29

Ckvdaggom Jisubv lubito, “Nolu murdung, kapila:nc nolu Ru:ncpvnckc potindcm cdcmanggom tornamdcm kinmang.

2 TIMOTI 1:5

Ngom noluk mc:juppc mc:jvgnamdcm mc:pa:motok, cdc nok ya:yo Loiskolo dunga:danna mc:jvgdcm dunganc odokkc nok anc Iunisekolo odokkc su:pak, ngo su:pak kindagrung, nokkolo dung.

LU:KKC 2:40

Odokkc ko:dc bottcla gvla kvnggv:sangkang, kinnc pa:ncpc ila; odokkc Ru:ncpvnckc ayang abbo Bvkkolo dungai.

ROMANKVDVNG 16:26

Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–

ROMANKVDVNG 1:2

Ru:ncpvnckc tadponc lutad lunamdok lcga:pc okodcm langutagji po:pcbong bv bvk lungor lunckvdv:dokki pesutoji angunnc astrong kvdv:do,

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

LU:KKC 24:32

Bulu akoncm akonc luka:mvnsuto, “Ali: lambcdo ngolum agom ludodo ngoluk asin ara:bo gua:manggalang Bv ngolum Ru:nckc agom adgabdcm tamge:la pokurpole:la pobidodo?”

AGER KVDVNG 17:2

Odokkc Poulbv gva:to, bvk agin gvkamv:pc, odokkc kvnvd longc awumkopc buluk lcdulo bv agomcm svgka:mvnsuto astro:dok lcganc,

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.

AGER KVDVNG 13:29

Odokkc Bvk agomcm adkam appv:dcmpc cdvlo ingapka:ji, bulu Bvm vsv:dokkcm la:yito, odokkc agokolo Bvm lc:to.

2 PITOR 3:16

Sc agomscm adla kapc bvk appvng atvko kinma:nammc dung, okodcm cdc mcngkinma:nam odokkc du:nga:ma:pc (lukcrcp-lumcrcpnamdc) bulukkcpc avyc sikunammc, kapc bulu avkc astrong agomcm ludoji.

LU:KKC 1:15

Kapila:nc bv Ru:tumkc kangkolo bottcpakyc, odokkc bv apongcmmanggom angur alang vrncm tv:ma:yc. Odokkc Bvk ancdok aki:ara:bo du:dodokkcboi Angunnc Yalodc bvkkolo bi:danna du:yc.

JO:N 5:47

Cmpige:la nolu bvk adnamdcm mc:jvgma:mvlo, kapc nolu ngok gomugkvdv:dcm mc:jvgycn?”

AGER KVDVNG 16:1

Odokkc bv Derbi:do:pclang Listra:do:pcsin gvto odo agom tadjvgla gvmvnnc tani: ako dungai, Timoti: cmnamko, Jiwu nc:ng akodok awokonc sc:kobv mc:jvgnc tani:ka:ji; cmpige:la bvk abudc Girikkai.

AGER KVDVNG 26:24

Odokkc bv cdcmpc lurasunamc, Pestu:bv bottapakpc jc:la luto, “Poula, no simaddu:nci; nok kvnggv:pc kinnamdc nom simad modung.”

ROMANKVDVNG 2:27

Cmpcmvlo cdc sc:kobulu amvr-amopc gadpukma:namcji ckvdaggom lujvglurodcm taddagji nolum aimang cmna luke:yc nolu sc:kobulukkc adla lc:nam lujvgko du:ji odokkc gadpugc dung odokkc lujvglurodcm tadma:ji.

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

IPESIANG KVDVNG 6:4

Abukvdvnga, noluk ommangkvdv:dcm aglvng sa:dopc ge:yoka, cmpige:la bulum Ru:tumkc moyinsunamclang luyirlo ka:sa:mosa:toka.

1 TIMOTI: 4:13

Ngok gvlatkuma:sisscm, tani:kvdv:dok dungkolo astrong agom ponamdcm potvlangka, lutadcm luyirtvlang, poyirlang.

2 TIMOTI 1:1

Poulbv, Ru:ncpvnckc mcngkamdcmpc Kristo Jisukc mclvgla ager gerncko turnamdo pesunamdo:pc okodc Kristo Jisukolo du:ji.