2 TIMOTI 2:22 - ANU LUGOD N. T. (BSI)

²² Cdcmpidag ya:me: sv:sang aima:pc mc:namcm mcpaktoka odokkc dormokama:ncm ka:mi:toka, mc:jvgcm, aipc mc:namcm, odokkc mcngancm, cdc sc:kobulu Ru:tummc gogdagji narcngo:nc asinki.

2 TIMOTI 2:22 ပူးပေါင်းရင်းမြစ်များ

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

1 PITOR 3:11

Bvm aima:nclokkcm gc:rmotoka odokkc aincm germotoka; bvm mcngancm mamotoka odokkc cdcm mcnna gvmotoka.

1 KORINTIANG KVDVNG 6:18

Aisi:ma:nc ager gernamcm mcpaktoka. Tani:akonc inam ake pa:p appv:dcm amvrdok ru:yido idag; cmpige:la aisi:ma:nc ager gernc tani:dc bvk avkc amvrdok birudivpc gerdag.

1 TIMOTI: 6:11

Cdcmpige:la kapc nokkcpc, Ru:ncpvnckc tani:pc ila, cdc appv:dcm mcpaktoka; dormokanamdcm ka:mi:toka, ainc ager gernam, mc:jvgc, aipc mc:namc, mcmangke:ke:pc du:tvnammc, asin aipc inam gvnamcm.

HIBRIUKVDVNG 12:14

Appvng tani:kokki mc:nganna du:pc kvnggv:pc ilang sa:langka, odokkc angunnam lcgangc okodc:ma:mvloi sc:kosin Ru:tummc ka:begma:yc.

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

1 KORINTIANG KVDVNG 10:14

Cdcmpidag, ngok mc:bomsunam ajonkvdvnga, monam moimang kumnamdcm mcpaktoka.

1 TIMOTI: 1:5

cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

3 JO:N 1:11

Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.

1 KORINTIANG KVDVNG 1:10

Ngo nolum kumna ludung, bvrokvdvnga, ngoluk Ru:tum Jisu Kristokc aminkokki, jc noluk ara:lo luker luyermvnsunammc kapcma:namc, cmpige:la jc nolu asin akko:do lckotoka odokkc c:mo:pinc kcbangcm ba:toka.

ROMANKVDVNG 14:19

Kajc cmpcmvlo okodc mcnganmodagji luyirra lubilai odokkc lckolakkopc owudpc mosa:dagji.

1 KORINTIANG KVDVNG 14:1

Noluk turnamsok kanggoddcm aipc mcnamdcm itoka, odokkc kvnggv:pc taycng among aman binam kvdv:dcm pa:pc cmna mc:toka, anguru:pc nolu jen lungordcm ludopc.

1 KORINTIANG KVDVNG 1:2

Korinto:do Ru:ncpvnckc oko mondoli:do du:nc odopc, Kristo Jisukolo sc:kobulum narcngmotonc odobulu:pc, lckko:pc angunnctani:pc gognamkvdv:do:pc appvng mo:taklo ngoluk Ru:tum Jisu Kristokc amincm gognckvdv:dokki lckko:pc, bulukkclang ngoluk Ru:tum Jisu Kristo anyipakpc:

ROMANKVDVNG 14:17

Kapila:nc Ru:ncpvnckc migom doko mo:pvdc dormo kanamclang mcnganc odokkc Angunnc Yalodo mc:pobadnamc;

AGER KVDVNG 9:14

odokkc sc:na bvkkc dormo ager gerncdokkcm ilang gvla:namlok jvgnamc dung nok amincm minnc appv:dcm ycnggabampc.”

1 TIMOTI: 2:8

Ngo pa:pc cmna mc:dag odokkc jc appvng dungkolo milbong tani:kvdv:dc kumpcnammc, angunnc alagkvdv:dcm lagsa:la aglvng sa:ma:pc cdcmanggom pamvnsuma:pc;

1 TIMOTI: 1:14

aya:dc ngok lcga:pc bi:pokkang Kristo Jisukc mc:jvgclang aipc mc:namkokki.

AGER KVDVNG 7:59

Odokkc bulu Stipenmc vlvngkokki crdodcm, bv kumto, “Ru:tum Jisua, ngok yaloscm torvgsutei.”