2 TIMOTI 1:10 - ANU LUGOD N. T. (BSI)

¹⁰ odokkc su:pak ngoluk Moturnc Kristo Jisukc lennamdokkc lcngkantag, sc:kobv sinamcm la:paktonc odokkc turnamclang lo:dv longkvpc dornc mcrupc tadponc lutaddokki.

2 TIMOTI 1:10 ပူးပေါင်းရင်းမြစ်များ

LU:KKC 11:36

Cdcmpimvlo nok amvrappv:dc pvang bi:dagmvlo, inyopkosin kcmmokama:mvlo, cdc appv:dci unjeryc, mcru akonc nolum pvangcm pukannammcmpc.”

LU:KKC 13:7

Odokkc bv angur ba:ri:dok ka:ya:ncdcm luto, ‘Ka:toka, sc dv:tak tagumscm ngo sc tajvg amv:sokkcm a:ycm mala gva:to, cmpige:la ngo apvkosin pa:tomang. Scm tc:paktok; kapila sc amo:scm du:bomna du:ycn?’

LU:KKC 2:11

Kapila:nc noluk lcga:pc silo Dawidkc nogorolo Moturyangkunc ako oto sc:kobv Ru:tum Jisubv:nc.

JO:N 1:9

Tani: appvngcm pvangpumonc aroru:pc pva:dc mo:pvso:pc gvdungai.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 20:31

ckvdaggom scmbulum Jisu Kristomc mc:jvgycpc cmna adto, Ru:ncpvnckc Awodcm, odokkc mc: jvgla nolu jen Bvk aminno turnamcm pa:ycpc cmna.

JO:N 4:42

Bulu cdc nc:dcm luto, “cdc nok agom dokkima:bong ngoluk mc:jvgnamdc, kapila:nc ngolu avyc avkcpc tadbegsutobong, odokkc sc:ru:bong mo:pvsok mopvtkuncdc.”

JO:N 5:40

Ckvdaggom nolu ngokkolo:pc gvangge:mang cmdag nolu turnamcm pa:pcnammcm.

AGER KVDVNG 13:23

Cdc tani:dok pu:pojarponamki Ru:ncpvncbv Israeldo:pc Moturncko, Jisumc langa:to, Bvk pesubinamdcmpc.

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

ROMANKVDVNG 16:26

Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

ROMANKVDVNG 3:31

Cdcmpcmvlo ngolu lujvglurodcm sc mc:jvgsokki yogpakmodu:nci? Kapcsinmang! Kekonpc, ngolu lujvg lurodcm kvnggv:pc dungkamdcmpc du:mu:dung.

ROMANKVDVNG 6:6

Ngolu kindagjc ngoluk aku amvrdcm Bvk lcdulo kurusdo pvtketo odomvlojen pa:b kanc amvrdcm momvgmosvgycpc cmna, odokkc ngo cdvlosin pa:blok pagbopc ima:dopc cmna.

1 KORINTIANG KVDVNG 15:26

Mokepcnam du:tcrkc mirudc sinamdc.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

2 KORINTIANGKVDVNG 5:4

Kapila cdvlo ngolu sc tombu okumso du:tv:du:nc, ngolu mcnggu:-mcnga:ma:la sagvgvdo; ngolum jc attar pvdyc cdcmpcmang, cmpige:la jc ngolum odokkcsin attarcm molvgyc, odomvlo jen okodo sikupcnncnc turnamdokki metpakycpc.

GALATIANG KVDVNG 5:4

Nolum Kristokolokkc ibi-sa:bitung, nolu sc:kobulum lujvglurodokki dormokannc cmna lutoji, nolu aya:dokkc gvpakkang.

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

IPESIANG KVDVNG 1:9

Kapila:nc Bv ngolum kinapmoto. Bvk mcngapla:ma:nam mc:namdcm appvng taycng among dungkotok kinnamki odokkc asin ara:bok agomki, Bvk tarungki mc:namdcmpc okodcm Bv Kristokolo lukantoji ayirdok pvngapnamdok taru:dcmpc,

2 TISSALONIANG 2:8

Odokkc Ru:tum Jisubv Bvm Bvk nappangki munnamkokki mokeyc odokkc bvm momvgyc Bvk lenkunamdokki odokkc Bvk gvkunamdokki.

2 TIMOTI 1:1

Poulbv, Ru:ncpvnckc mcngkamdcmpc Kristo Jisukc mclvgla ager gerncko turnamdo pesunamdo:pc okodc Kristo Jisukolo du:ji.

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

2 TIMOTI 4:1

Ngo nom Ru:ncpvnckc ka:de:pc lulvgdung odokkc Kristo Jisukc sc:kobv turnclang sinckvdv:dok kcba:ba:nc, odokkc Bvk lennamdokki odokkc migomdokodokki:

2 TIMOTI 4:8

Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.

TITUS 2:11

Kapila:nc Ru:ncpvnckc aya:dc tani:kvdv:dok moturlcgangc lenkang,

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

TITUS 3:4

cmpige:la cdvlo Ru:ncpvnckc ainamdc odokkc ansv:nc asin gcnam aya:pc mc:nam ngoluk Moturncdc lenka:nc, Bv ngolum moturto,

HIBRIUKVDVNG 10:32

Cmpige:la po:pckc longckvdv:dcm mc:pa:toka cdvlo, nolum pvang kinnamcm kinmo:ge:la, nolu torncrung momvnsunamcm du:g kvdv:dcm gvla mentumsuto,

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

2 PITOR 1:11

Cdcmpila nolum kvnggv:pc mircmpc biycpc nolukkcpc cdc lo:dvlongkvpc du:nc migomdokodo:pc gva:namdo ngoluk Ru:tumbv odokkc Moturnc Jisu Kristobv.

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

2 PITOR 2:20

Kapcnc jodi, bulu mo:pvsok napv-narc:ma:namdokkc ngoluk Ru:tumkc kinnam agomdokki dugpvtsuge:la odokkc Mopvtnc Jisu Kristobv, bulu lckoda odobulu yetsudag odokkc mopvkosudag, cdc du:tcrkc du:nam dagnamdc cdc dungangarpo:nam dcmyam aiyangarma:pc ido.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

2 PITOR 3:2

jc nolu angunnc lungor-lunckvdv:dok ro:yampokc do:yvng kvdv:dcm mc:pa:pcnamc odokkc Ru:tumclang Moturnckc lulvg agomkvdv:dcm noluk mclvgla ager gernc tani:kvdv:dokkcm.

1 JO:N 1:2

cdc turnamlok gomugdok agomcm–turnamcm lendopc lcngkantagaji, odokkc ngolu cdcm ka:begto, odokkc cdcm lukanbito, odokkc nolum lo:dv-longkvpc du:nc turnamdcm lukanna lubito odokkc ngolum lendopc lcngkantoji.

1 JO:N 4:14

Odokkc ngolu ka:tobong jc lukancm lubitu:bong jc Abudc Rcngamsok Mopvtncpc idopc Bvk Awodcm mclvgto.

LUNGOR LUNAM 18:1

Odok lcdupc ngo taycngtokkc gvinc taycng among lutad lunckoda ka:to, bottcpakpc lulvg lula:namko; odokkc mo:pvscm Bvk unjvg-jvrvgdokki unjermoto.

LUNGOR LUNAM 2:7

“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.

LUNGOR LUNAM 20:14

Odokkc Sinamclang Uiamongcm siycngcmpinc vmv pa:ta:lo crpaklvgto. Cdcna lckon sikunamdc cdc siycngcmpinc vmv pa:ta:dc;

LUNGOR LUNAM 22:14

Cdc sc:kobulu migom gcnam attar kvdv:dcm nvpu:sula du:dagji bulu akirba:d pa:nc ja:te bulukkc turnam vsv:dokkcm pa:la:nam ilang gvlang pa:ycpc odokkc bulu nogordo:pc yabgokvdv:dok gva:laycpc.

LUNGOR LUNAM 22:17

Cdc Yalodc:lang Magbodc luda, “Kajc Gvtoka.” Odokkc bvm sc:kobv taddagji “Kajc!” Lumotoka. Odokkc bvm sc:ko tv:lv:dagji gva:motoka, arc la:ma:pc sc:kobv mc:dagnc turnamdok asidcm tv:motoka.