2 PITOR 3:9 - ANU LUGOD N. T. (BSI)

⁹ Ru:tumbv Bvk pesunamdcm asoaso:mang kapc aso-aso:dagncmpc idagji, cmpige:la nolukkcpc mentumsubila dung, akosinci sipakmangka:langka cmna mc:la, cmpige:la appv:dc asinc mc:dvrra mc:latsutokuka cmna mc:dag.

2 PITOR 3:9 ပူးပေါင်းရင်းမြစ်များ

ROMANKVDVNG 13:11

Odokkcsin nolu kindag sc oko ayircji, cddvkojc sc ayirsc pvngka:bo:ji nolukkc yubkolokkc kinsupcnamcbo:nc. Kapila:nc mopvtnamdc ngoluk kcra:pc pvngangka:bong su:pak noluk mcnga:po:la mc:jvgpo:nam dokkcmpcyam;

ROMANKVDVNG 13:12

yumcdc bojcrungko mo:tc:pc gvpakka:bong, longcdc aninpc pvnga:dandu:bong. Kajc ngolu cmpcmvlo kcmolok agerdcm mcpakla odokkc pva:lok mimagmonanc attarkvdv:dcm gclai

ROMANKVDVNG 2:4

Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna?

ROMANKVDVNG 9:22

Kapc iyya:n Ru:ncpvncbv jodi, Bvk aglvngcm odokkc Bvk ilang gvlangcm kinpc cmna mc:ya:mvlo, aglv:lok lcgang mopen morenpc cmna monamdcm airu:pc mentumsuto,

1 TIMOTI: 1:16

Odokkc ngo papi:kvdv:dok pa:pkayangarncdc; cmpige:la ngo mc:yinsunam ayangcm odok lcgangc pa:to, jc ngokkolo, kayangarncpc ila, Jisu Kristobv Bvk pv:dannnc mentumsunamdcm kanggod akopc lcngkanpc ila cdc sc:kobulu cdcmbulum Bvm lo:dv longkcm turyarla turnamdok lcgangc mc:jvgpcnamcji.

1 TIMOTI: 2:4

sc:kobv appvng tani:ycm moturpcnamc cmna mc:dagji odokkc arodok kinnamdo:pc gva:pc.

HIBRIUKVDVNG 10:37

“Kapcnc ckvdaggom ayir adji:okoda, odokkc gvkupcncdc gvycku odokkc ngedtedla du:ma:yc;

1 PITOR 3:20

cdvlo Ru:ncpvnckc mentumsula du:namc Noakc longckvdv:do toya:la du:tonc, ollu:dcm pado longcdo, okolo anggongkonc, cdcyam, pi:nyi tani:yc asidokkc turkang.

2 PITOR 1:4

okodokki Bv ngolum bitonc Bvk airu:pc arc kanc odokkc bottcru:nc pesubinamdcm, jc odokbulukki nolu aima:n ager gernamdokbulukkc dunggcnla:ycpc cdc mo:pvso du:ncdc mc:boka:bokokki, odokkc taycng dungkotok inam gvnam gctc:mvnncpc ikang.

2 PITOR 3:15

Odokkc ngoluk Ru:tumkc mentumsula du:tedpo:la du:namdcm mopvnammc cmna kvlangka. Cdcmv:pc ngoluk aipc mc:bomsunam Bvro Poulbv:sin nolukkolo:pc bvm kinnam agom binamdcmpc adka,

LUNGOR LUNAM 2:21

Ngo bvm asinc mc:dvrra mc:latsudokupc ayircm bika, cmpige:la bvk aisi:ma:nc ager geryitnam kvdv:dcm bv mcge:mang cmdag.