2 PITOR 3:7 - ANU LUGOD N. T. (BSI)

⁷ Cmpige:la cdc agom akku:dokki taycngtc:lang mo:pvsc cdc dunggabla du:ncdcm vmvlo rompcmna mckumsula lc:tag, cdc kcba:bangkunanc longcdo:pc lc:la odokkc dormo kama:nc tani:kvdv:dcm mokekunamdok lcga:pc.

2 PITOR 3:7 ပူးပေါင်းရင်းမြစ်များ

METIU 10:15

Aropakpc, ngo lubidung nolum, Sodomclang Gomurang amo:dokkcpci du:jcmla:ycpc bottcru:nc kcbang ba:do longcdcm cdc tawondcmyam!

METIU 11:22

Ckvdaggom ngo nolum lubidung, bottcru:nc kcba:ba:doku longcdo Ti:rdc:lang Sidondokkcpc du:jcmna du:poya:ycpc nolukkcmyam.

METIU 11:24

Ckvdaggom ngo nolum lubidung cdc bottapaknc kcbang longcdo nolukkcmyam Sodum amo:dokkcpc du:jcmla du:la:ya:ycpc!”

METIU 12:36

“Ngo nolum lubidung tani:kvdv:dc ka:ma:tadma:pc lunam appvng gompirkvdv:dokkcm bottcru:nc kcba:ba:do longcdo kvnamcm kvkanbipa:ycku.

METIU 24:35

Taycng amongtc: odokkc tani:amo:sc yogpagyc, ckvdaggom ngok agomkvdv:dc yogma:yc.

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

MARKKC 6:11

Odokkc nolum oko dungkolo:sin torvgsuma: ycmvlo odokkc bulu nolum tadge:mang cmna luycnc nolu gvdokudodcm, noluk alckvdv:do du:nc koiyang kvdv:dcmsin pipu:sulang buluk agom lukampc tadma:nc kvdv:dok lcgangc.”

JO:N 12:48

Sc:kobv ngom lupakycnc odokkc ngok agom lunamkvdv:dcm torvgsuma:ycnc kcbang ba:namko du:do; ngok lunam agomkvdv:dc:na du:tcr longcdo bvk kcba:pc iycku.

ROMANKVDVNG 2:5

Cmpige:la nok turnc odokkc mentumsula du:la:ma:nc asindokki no aglvngcm mckumsudung avyc avkc lcgangc aglvng longcdokkcpc cdvlo Ru:ncpvnckc dormoki ba:nam kcba:dcm ba:yckuji.

1 KORINTIANG KVDVNG 3:13

vsvngkokki, sannc ncsinkokki, amrongkokki momvlo– tani: appv:dok agerkvdv:dcm ka:begamycku; kapila:nc cdc Longcdc cdcm lenapmoycku, kapila:nc cdcm vmvkokki romnenamycku, odokkc vmvdc ukka:la ka:ycku kapinc agercm sc:ko sc:ko gerkaji.

PILIPIANG KVDVNG 1:28

odokkc noluk birudi:kvdv:dok okkomsin pcsoma:pc. Sc narcngo:pc bulum sinamcm ka:pangc, cmpige:la nolukkc motunamdc, odokkc cdc Ru:ncpvnckolokkc.

2 TISSALONIANG 2:3

Nolum sc:komsin yadkosuyoka kapci kapci idaggom; kapcnc cdc longcdc pvnga:ma:yc, mimag monamdc pvnga:ma:sisscm a:pongarpc, odokkc lujvgluro kama:nc tani:dc lenma:sisscm,

1 TIMOTI: 6:9

Cmpige:la cdc sc:kobulu mircmpc cmna mc:dagnc ka:bo-mc:bonam lendag, keteplo pandag, bojcrungko kinma:pa:ma:nam odokkc mojog-morognam mc:namcm mc:dag cdc tani: kvdv:dcm sinamno:pc obudsumodag odokkc omvgosvgsunamlo:pc.

HIBRIUKVDVNG 12:29

kapcnc ngoluk Ru:ncpvncbv ugpagnc vmmc.

2 PITOR 2:9

odokkc Ru:tumbv kindag kapc dormokancdcm kcba:ba:namlokkc ankang kangkvnamlokkcm mopvpcnamcji, odokkc dormokama:ncdcm palvg lvgpc cdc kcba:bangkunam longcdc pvngangkuma:dapc,

2 PITOR 3:10

Cmpige:la Ru:tumkc longcdc dopsongkoncmpc pvnga:yc, odokkc odo taycngkvdv:tc bottcru:pc bc:la gvpagamyc, odokkc ncrkvgpc du:nckvdv:dc vmvlo jitpakyc, odokkc mo:pvsc:lang sok gernam agerkvdv:scm rompagamyc.

2 PITOR 3:12

toya:la odokkc mcnka:mvnsula Ru:ncpvnckc angkupcnc longcdcm, kapila:nc okodok lcga:dokki taycng kvdv:tcm monotyc odokkc momvgla jitpakmoyc, odokkc dungabla ncrkvgpc du:nckvdv:dcm vmvki jitpagammoyc!

1 JO:N 4:17

Odo ngolukkolo aipc mc:pcnamdc du:pvtdag, jc ngolu kcba:ba:nam longcdo:pc mc:tinsula du:ycpc, kapila:nc Bv kapc idagji cdcmv:pc ngolu mo:pvso idag.

JU:D 1:7

Kappar Sodomdc:lang Gomora:dc odokkc dunggo:-ycgong nogor kvdv:dcm, okodc cdcmv:pc aisi:ma:pc itoji odokkc ipcgvpcma:namcm mc:boka:bom mc:toji, lukan-bikancmpc idag lo:dvlongkvpc turnamdok palvgnam pa:la.

LUNGOR LUNAM 17:11

Cdc simvndok lcgangc cdc du:ncdc odokkc cdcma:ncdc, cdc pi:nyiko cmpige:la cdc kvnvddokkai, odokkc cdc lo:dv:pc sipakkokudo:pc gvdag.

LUNGOR LUNAM 17:8

Cdc nok ka:nam simvndc, odokkc cdcmang, odokkc du:tcrkama:nc jiko:dokkc lensa:pcnamc odokkc lo:dv longkvpc sipakkunamdo:pc gvpcnc; odokkc mo:pvsok du:nc-dagnckvdv:dc sc:kobuluk amincm turnckvdv:dok potindo adtoma:ji mo:pvscm mogabdodokkc, simvndcm ka:la mcngapla:ma:pc kangaksuyc, lcga:dc cdcai odokkc cdc gvkupcncdc cdcmangai.

LUNGOR LUNAM 20:11

Odo ngo bottapaknc kamponc migom dungkoko odokkc odo sc:ko teddagji Bvm ka:to; Bvk kangkodokkc mo:pvsc odokkc do:mvrtc dc:pakkang, odokkc buluk lcgangc oko dungkomsin pa:tomang.

LUNGOR LUNAM 21:1

Odokkc ngo anu taycng among odokkc anu mo:pvko ka:begto; kapcnc du:po:nc taycng amo:dc:lang du:pongarnc mo:pvdc gvpakkang, odokkc siycngdc cdvlosin katoma:bong.