2 PITOR 3:2 - ANU LUGOD N. T. (BSI)

² jc nolu angunnc lungor-lunckvdv:dok ro:yampokc do:yvng kvdv:dcm mc:pa:pcnamc odokkc Ru:tumclang Moturnckc lulvg agomkvdv:dcm noluk mclvgla ager gernc tani:kvdv:dokkcm.

2 PITOR 3:2 ပူးပေါင်းရင်းမြစ်များ

LU:KKC 1:70

Lekelokkcbong Bvk lungor lunckvdv:dokki Bv lunamdcmpc,

LU:KKC 24:27

Odokkc Mose:kolokkclang lungorlunc kvdv:dokkc lurobbomna Bv Ru:nckc agom adgab appv:dcm lukur lule:la lubito Bvk agom lunamdcm.

LU:KKC 24:44

Odo Bv bulum luto, “Sc-bulu ngok agomkvdv:dc ngo nolum oko okodcm ludu:ji ngo noluk lcdulo du:mvndodo:bong, jc ngok agomcm Mose:kc lujvg lurodo odokkc lungor lunamkvdv:do odokkc ni:tomkvdv:do adkamdcmpc ingapru:pa:yc.”

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

AGER KVDVNG 28:23

Bulu cdvlo bvk lcgangc longcko ru:scgtoji, bulu bvk dungkodo:pc bojcrungkonc gva:to. Odokkc agomdcm kvlenkva:la ro:dokkc yumcdo:pc kvbito, Ru:ncpvnckc migompila du:namdok agomdcm lukanbila odokkc Mose:kc lujvglurodokkcmnang lungor lunam anyipak dokkcm Jisukc agomcm bulum mcnga:mopc cmna.

AGER KVDVNG 3:18

Cmpige:la Ru:ncpvncbv okodcm nappangki lutonc appvng lungornc tani:kvdv:dok agomcm, jc Bvk Kristobv mogvtmomatdcm mopvnammc pa:pcnammc, Bv cdcm lukamdcmpc imoto.

AGER KVDVNG 3:21

sc:kom taycngtc Ru:ncpvnckc agom lunam appv:dcm ima:sisscm torvgru:supa:yc leketo:dvlokkcbong Bvk angunnc lungor agom lunckvdv:dok nappangki lukamdcmpc.

GALATIANG KVDVNG 6:2

Akonc akonkc jo:namcm jo:langka, odokkc cdcmpc Kristokc lujvglurodcm gvpvtlangka.

IPESIANG KVDVNG 2:20

mclvgla ager germonam odokkc lungor lunckvdv:dok tayclo mosa:nammc, Kristo Jisubv avdci su:kdok vlv:pc ila:yam,

IPESIANG KVDVNG 3:5

Okodcm tani: awokvdv:dcm kinmomangaji ake opvn kvdv:dcm kapc su:pak cdcm Bvk angunnc mclvgla ager germonam tani:kvdv:dcm lungor lunckvdv:dcm Yalodokki lcngkantoji;

1 TIMOTI: 6:14

ngo lujcmna nom ludung lulvgnam agomdcm narc:dopc lc:lang odokkc lugcng kama:dopc Ru:tum Jisu Kristobv lenkuma:sisscm;

2 PITOR 2:21

Kapcnc bulukkcpc cdvlosin kinma:yamvlo cdc aiya:ya:pc cdc dormokanamdok lambcdcm cdc cdcm kinge:la:sin bulum angunnc lulvgcm lunamdokkc gvlatkunamdcmpcyam.

2 PITOR 3:15

Odokkc ngoluk Ru:tumkc mentumsula du:tedpo:la du:namdcm mopvnammc cmna kvlangka. Cdcmv:pc ngoluk aipc mc:bomsunam Bvro Poulbv:sin nolukkolo:pc bvm kinnam agom binamdcmpc adka,

2 PITOR 3:16

Sc agomscm adla kapc bvk appvng atvko kinma:nammc dung, okodcm cdc mcngkinma:nam odokkc du:nga:ma:pc (lukcrcp-lumcrcpnamdc) bulukkcpc avyc sikunammc, kapc bulu avkc astrong agomcm ludoji.

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

JU:D 1:17

Cmpige:la nolu mc:pa:ru:pa:yc, mc:bomsupcnam kvdvnga, ngoluk Ru:tum Jisu Kristokc luno:la lunamkvdv:dcm;

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.