2 PITOR 3:17 - ANU LUGOD N. T. (BSI)

¹⁷ Nolu cdcmpidag, aipc mc:bomsunamkvdvnga, scm kinpo:suge:la, ansutoka ckvma:mvlo lujvgluro kama:nc tani:kvdv:dok imurki gvyotboyc odokkc noluk avkc du:namdagnamdcm yogmoyc.

2 PITOR 3:17 ပူးပေါင်းရင်းမြစ်များ

METIU 16:11

Ngo pitang agomcm lumangai cmna nolu cdcm kapila mcngkinma:n? Parisi:kvdv:dok odokkc Sadduki:kvdv:dok go:sa:bonc komircm ansutoka.”

METIU 16:6

Jisubv bulum luto, “Parisi: kvdv:dok odokkc Sadduki: kvdv:dok go:sa:bonc komircm ansutoka.”

METIU 7:15

“Lume:ycm lungorla lunc tani:kvdv:dcm ansuka:sulangka, sc:kobulu nolukkolo:pc bera soben galugcm gcge:la gva:dagnc cmpige:la asin ara:bo gamke:nc ra:m iki:ycnc.

JO:N 16:4

Ckvdaggom ngo sc agomkvdv:scm nolum lubidung, jc cdvlo buluk ayirc pvnga:ycnc nolu mc:pa:ycpc jc ngo buluk agomcm nolum lubika. “Ngo lua:dodokkcbong sc agomkvd:scm lubitomang, kapila:nc ngo noluk lcdulo dungai.

AGER KVDVNG 2:42

Odokkc bulu avkvdv:dc mclvgla ager germonam tani:kvdv:dok luyirnamlo:lang lckopc dungkolo, pitangcm penpansula dokolo odokkc kumkolo dunggabla du:mvnto.

ROMANKVDVNG 16:18

Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag.

1 KORINTIANG KVDVNG 10:12

Cdcmpidag sc:kobv dagla dung cmna mc:sudagji ansumotoka ckvma:mvlo bv kcdtabyc.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

2 KORINTIANGKVDVNG 11:3

Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

GALATIANG KVDVNG 5:4

Nolum Kristokolokkc ibi-sa:bitung, nolu sc:kobulum lujvglurodokki dormokannc cmna lutoji, nolu aya:dokkc gvpakkang.

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

PILIPIANG KVDVNG 3:2

Iki:kvdv:dcm ansu-kasutoka, aima:nc ager gernckvdv:dcm ansula ka:toka, adin amvrdcm mopanmoransunc kvdv:dcm ansuka:sutoka.

KOLOSIANG 2:5

Kapcnc ngo amvrpc kamanggom, ckvdaggom ngo noluk lcdulo yalodo dung mc:polo noluk aipc du:namdcm ka:pc cmna odokkc Kristokolo noluk mc:jvgnamdcm kvnggvdopc ka:pcmna. Kristokolo Turnamc Pv:namc

KOLOSIANG 2:8

Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

2 TIMOTI 4:15

Bvm no avyc ansuka:sulangka, kapcnc kvnggv:pc ngoluk lutaddcm lutumto.

HIBRIUKVDVNG 3:14

Kapcnc ngolu Kristokolo orsudo, jodi ngolu mc:tinar–po:namdcm du:tcrdo:pc mcnggabtvla du:mvlo,

1 PITOR 5:9

Bvm morasutoka, noluk mc:jvglo kvnggv:tarv:la, kinsula jc cdc ipusire: ikv-kangkvnamkvdv:dcm rcngam appv:so noluk bvrra:pc mc:namdo madag.

2 PITOR 2:7

kvnggv:ru:pc lume:lula bipodc a:la aima:pc ager gernckvdv:dokki.

2 PITOR 3:1

Sc su:pak lcdukc borkon do:jvgc nolukkolo:pc ngok adnamc, aipc mc:bomsunam kvdvnga, odokkc ngo noluk mc:jubmcngkabnc asindcmbulum mc:sa:lvgto odo anyido mc:pa:monam kokki;

LUNGOR LUNAM 2:5

Mc:pa:langka cdcmpinamc no okolokkc kcdledka:ji, asinc mc:dvrra mc:latsutokuka odokkc agerdcm nok gerangarpo:la gernamdcm gertoka. Germa:mvlo, ngo nokkolo:pc gvyc odokkc nok saki: tvgcnancdcm odok tvkodokkc la:pakyc, no asinc mc:dvrra mc:latsukuma:mvlo.