2 PITOR 3:12 - ANU LUGOD N. T. (BSI)

¹² toya:la odokkc mcnka:mvnsula Ru:ncpvnckc angkupcnc longcdcm, kapila:nc okodok lcga:dokki taycng kvdv:tcm monotyc odokkc momvgla jitpakmoyc, odokkc dungabla ncrkvgpc du:nckvdv:dcm vmvki jitpagammoyc!

2 PITOR 3:12 ပူးပေါင်းရင်းမြစ်များ

METIU 16:27

Kapil:nc tani:kc Awodc Bvk Abukc aipaidokki Bvk taycng among lutad lunc tani:kvdv:dokki gvkupcnamc, odokkc odo Bv appv:tani:ycm sc:kobv oko okkom ikanc odok bikupcnamcm biycku.

METIU 16:28

Aropakpc, ngo nolum lubidung, sc akke dagla dung sc:kobulu sinamcm pangkvma:ycnc bulu Tani:kc Awodcm Bvk migom doko mo:pvdo ka:begma:sisscm.”

PILIPIANG KVDVNG 1:6

Odokkc ngo kindagrung jc sc:kobv ainc agerko gerrobtonc noluk ara:lo cdcm Jisu Kristokc longcdo ingapla boma:ycku.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

2 PITOR 3:10

Cmpige:la Ru:tumkc longcdc dopsongkoncmpc pvnga:yc, odokkc odo taycngkvdv:tc bottcru:pc bc:la gvpagamyc, odokkc ncrkvgpc du:nckvdv:dc vmvlo jitpakyc, odokkc mo:pvsc:lang sok gernam agerkvdv:scm rompagamyc.

2 PITOR 3:11

Cdcmpinamc sc appvng attarkvdv:sc cdcmpila jitpagamycnc, kapinc tani:pc nolu ipcnammcn angunna turnamlo:bulu odokkc dormokanamlo,

2 PITOR 3:4

“Bv gvkunamdok pesubinamdc okolon? Cmna lula: lula, kapcnc cdvlokkcbong abukvdv:dc singapka:ji, appvng attarkvdv:dc cdcmv:pc itvla dung kapc cdcbulu ru:lendodokkc idagaji.”

2 PITOR 3:7

Cmpige:la cdc agom akku:dokki taycngtc:lang mo:pvsc cdc dunggabla du:ncdcm vmvlo rompcmna mckumsula lc:tag, cdc kcba:bangkunanc longcdo:pc lc:la odokkc dormo kama:nc tani:kvdv:dcm mokekunamdok lcga:pc.

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.