2 PITOR 3:11 - ANU LUGOD N. T. (BSI)

¹¹ Cdcmpinamc sc appvng attarkvdv:sc cdcmpila jitpagamycnc, kapinc tani:pc nolu ipcnammcn angunna turnamlo:bulu odokkc dormokanamlo,

2 PITOR 3:11 ပူးပေါင်းရင်းမြစ်များ

1 PITOR 1:15

cmpige:la Bv sc:ko nolum gogtoji angunnc, nolusin anguntoka noluk appvng agerlo gernamlo;

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

2 PITOR 3:12

toya:la odokkc mcnka:mvnsula Ru:ncpvnckc angkupcnc longcdcm, kapila:nc okodok lcga:dokki taycng kvdv:tcm monotyc odokkc momvgla jitpakmoyc, odokkc dungabla ncrkvgpc du:nckvdv:dcm vmvki jitpagammoyc!

1 TIMOTI: 6:11

Cdcmpige:la kapc nokkcpc, Ru:ncpvnckc tani:pc ila, cdc appv:dcm mcpaktoka; dormokanamdcm ka:mi:toka, ainc ager gernam, mc:jvgc, aipc mc:namc, mcmangke:ke:pc du:tvnammc, asin aipc inam gvnamcm.

JAKOB 3:13

Noluk ara:lo kinncpa:ncdc:lang mcngkinncdc sc:kon? Bvkkc ainc turnamdokki bvk ainc agerkvdv:dcm lcngkanmotok asinc ansv:pc mc:sula kinnam pa:namki.

PILIPIANG KVDVNG 3:20

Cmpige:la ngoluk appvngkc mitcmircmdc taycngamo:tc, odokkc tolokkc ngolu moturncko toka:do, Ru:tum Jisu Kristomc,

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

1 TIMOTI: 6:3

Akonc jodi angupc luyiryc odokkc Ru:tum Jisu Kristokc aro agomkvdv:dok lukamdcmpc tolvgma:yc odokkc dormokanampcma:yc,

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

METIU 8:27

Odokkc tani:kvdv:dc mcngapla:ma:pc ikang, scmpc lula, “Sc kapinc tani:koncmcv cdc csarcla: siycngcsin Bvk lunamdcmpc taddagnc?”

JAKOB 1:24

kapcnc bv avdcm avdc ka:sudo odokkc gvpakdakku odokkc bv kapidagaji vgcmpc mitpandakku.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

1 TISSALONIANG 1:5

kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.

1 TIMOTI: 6:6

Dormo Kanamno bottcru:nc la:bko dung mc:tv:sumvlo;

2 PITOR 1:6

odokkc ainc ager gernamko kinnamki, odokkc kinnamdcm avyc mentumsunamki, odokki avyc mentumsunamdcm lo:dv longkvpc du:tvdagtvnamdcm dormokanamdokki,

HIBRIUKVDVNG 13:5

Noluk turnamdo murkongcm aipc mc:bola mc:yoka, odokkc nolukkc okko du:ji cdcmong mc:tv:sula du:langka; kapcnc Bv luto, “Ngo cdvlosin bila:ma:pc ima:yc cdcmanggom nolum mcma:yc.”

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

ROMANKVDVNG 13:11

Odokkcsin nolu kindag sc oko ayircji, cddvkojc sc ayirsc pvngka:bo:ji nolukkc yubkolokkc kinsupcnamcbo:nc. Kapila:nc mopvtnamdc ngoluk kcra:pc pvngangka:bong su:pak noluk mcnga:po:la mc:jvgpo:nam dokkcmpcyam;

ROMANKVDVNG 13:12

yumcdc bojcrungko mo:tc:pc gvpakka:bong, longcdc aninpc pvnga:dandu:bong. Kajc ngolu cmpcmvlo kcmolok agerdcm mcpakla odokkc pva:lok mimagmonanc attarkvdv:dcm gclai

2 PITOR 3:10

Cmpige:la Ru:tumkc longcdc dopsongkoncmpc pvnga:yc, odokkc odo taycngkvdv:tc bottcru:pc bc:la gvpagamyc, odokkc ncrkvgpc du:nckvdv:dc vmvlo jitpakyc, odokkc mo:pvsc:lang sok gernam agerkvdv:scm rompagamyc.