2 PITOR 2:9 - ANU LUGOD N. T. (BSI)

⁹ odokkc Ru:tumbv kindag kapc dormokancdcm kcba:ba:namlokkc ankang kangkvnamlokkcm mopvpcnamcji, odokkc dormokama:ncdcm palvg lvgpc cdc kcba:bangkunam longcdc pvngangkuma:dapc,

2 PITOR 2:9 ပူးပေါင်းရင်းမြစ်များ

METIU 10:15

Aropakpc, ngo lubidung nolum, Sodomclang Gomurang amo:dokkcpci du:jcmla:ycpc bottcru:nc kcbang ba:do longcdcm cdc tawondcmyam!

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

ROMANKVDVNG 2:5

Cmpige:la nok turnc odokkc mentumsula du:la:ma:nc asindokki no aglvngcm mckumsudung avyc avkc lcgangc aglvng longcdokkcpc cdvlo Ru:ncpvnckc dormoki ba:nam kcba:dcm ba:yckuji.

1 KORINTIANG KVDVNG 10:13

Oko ankangka:namcsin nolum imurko imomang okodc tani:lokkcpc cmmo:pc ima:ji. Ru:ncpvncbv mc:jvgdag, odokkc bv noluk torasula:namdcmyam bottaya:nc ankang-ka:namcm imoma:yc, cmpige:la ankang ka:namdokkisin dugpvtsunanc lambcm biycpc, jc nolu cdcm menrasula:ycpc.

2 TIMOTI 3:12

Aropakpci sc:ko dormokanc turnamko Kristo Jisukolo turycnc ipusire:ycm pa:yc,

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

2 PITOR 2:4

Kapcnc jodi Ru:ncpvncbv taycng among lutad lunckvdv:dcmci cpv:pc mctomang cdvlo bulu pa:bcm itoji, cmpige:la bulum ui-amo:bo:pc crrvgto odokkc bulum kcvgkc kcmmo jvng cmnc aru:do:bulu tolvgtag odo kcba:bangkunam longcdo:pc;

2 PITOR 3:7

Cmpige:la cdc agom akku:dokki taycngtc:lang mo:pvsc cdc dunggabla du:ncdcm vmvlo rompcmna mckumsula lc:tag, cdc kcba:bangkunanc longcdo:pc lc:la odokkc dormo kama:nc tani:kvdv:dcm mokekunamdok lcga:pc.

JU:D 1:6

Odokkc taycng lutadkvdv:dc buluk avkc dunggodcm du:toma:nc cmpige:la buluk du:tcng du:namcm mc:tonc Bv lodvlongkvpc ikoli:ki yc:la lc:tobong kcvgkkc uiamo:bo cdc kcba:ba:nam bottcru:nc longdo:pc;

LUNGOR LUNAM 3:10

No ngok aso:pc dunggcla mentumsunamcm gagla du:to, ngo nom kcbang ba:nam ayirdokkcm la:pakyc okodc mo:pv appv:so:pc pvnga:dagbo:ji, mo:pvso sc:kobulu du:nc cdcmbulum anka:la ka:pc.