2 PITOR 2:4 - ANU LUGOD N. T. (BSI)

⁴ Kapcnc jodi Ru:ncpvncbv taycng among lutad lunckvdv:dcmci cpv:pc mctomang cdvlo bulu pa:bcm itoji, cmpige:la bulum ui-amo:bo:pc crrvgto odokkc bulum kcvgkc kcmmo jvng cmnc aru:do:bulu tolvgtag odo kcba:bangkunam longcdo:pc;

2 PITOR 2:4 ပူးပေါင်းရင်းမြစ်များ

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

METIU 8:29

Odokkc ka:toka bulu jc:la luto, “No ngolukkokki okkom iycn, O: Ru:ncpvnckc Aowa? Ayirdc pvnga:ma:dapci no ngolum moke momarkapc gvdu:nci?”

MARKKC 5:7

Odokkc bottapakpc bc:dopc jc:la, bv luto, “Okkom no ngom inaycn, Jisua, Appvngcm Bottcya:nc Ru:ncpvnna? Ngo Ru:ncpvncmc petomna nom pesubidung, ngom mogvtmomatyoka.”

LU:KKC 10:18

Odokkc Bv bulum luto, “Ngo taycngamo:tokkc yari:cmpc Satandcm kcdleddopc ka:to.

LU:KKC 8:31

Odokkc bulu opv:ma:nam aru:bo:pc mcilvgyoka cmna kumna luto.

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

ROMANKVDVNG 11:21

Kapila:nc Ru:ncpvncbv jodi aiyo:pc rc:lennc rcngke:kvdv:dcm cpv:pc mc:tomang, nolumsin cpv:pc mc:ma:yc.

ROMANKVDVNG 8:32

Sc:ko Bv Bvk avkc Awodcm cmmumpc mctoma:ji cmpige:la ngoluk appvngkcpc bipaktonc, Bv ngolum appvng attarcm Bvkkokki bima:yclang?

2 PITOR 2:11

Migangru:pc odokkc asin mcngkvsupc bulu amin gvnckvdv:dcm aima:pc ge:la lupc pcsomang, cdcmpige:la okolo taycng among lutad lunckvdv:dc, bottaya:pc migangclang ilang-gvlangla:daggomci, buluk lume:nc tayc:lok ge:la lula kcbang ba:nam agomko Ru:tumkc kcra:do lumang.

2 PITOR 2:5

jodi Bv aku mo:pvdcm cmmumpc mclvgtomang, ckvdaggom Noamc mosv:tonc, dormo kanamlok tadponc lutad lunckopc, kvnvdkopcda ake tani:ycm, cdvlo Bv pu:mi asiko dormokama:nc mo:pvso:pc gvmotonc;

2 PITOR 2:9

odokkc Ru:tumbv kindag kapc dormokancdcm kcba:ba:namlokkc ankang kangkvnamlokkcm mopvpcnamcji, odokkc dormokama:ncdcm palvg lvgpc cdc kcba:bangkunam longcdc pvngangkuma:dapc,

1 JO:N 3:8

Sc:kobv pa:bcm idoji bv uidokkc; kapcnc uidc lendoa:do dokkcbong pa:bcm ito. Ru:ncpvnckc Awodok lennamdok lcga:dc uidok agerdcm momvgkapc cmna.

JU:D 1:13

siycnglok bottcru:nc asi lu:nc, buluk avkc anyingcm pimpudcm tayc:pc lu:sa:monnc; dcnggo:nc takarc odokki lcgangc bclc ui aru:bcm lo:dvlongkvlo:pc mc:danna lc:tagji.

JU:D 1:6

Odokkc taycng lutadkvdv:dc buluk avkc dunggodcm du:toma:nc cmpige:la buluk du:tcng du:namcm mc:tonc Bv lodvlongkvpc ikoli:ki yc:la lc:tobong kcvgkkc uiamo:bo cdc kcba:ba:nam bottcru:nc longdo:pc;

LUNGOR LUNAM 20:10

odokkc cdc uidc okodc bulum yattoji vmmclang gondog siycng pa:ta:do:pc cryi:lvgto okolo cdc simvndc:lang lume: lungor luncdc, odokkc bulum longgcm odokkc yummcm lo:dv longkvpc mogvtmomatto.