2 PITOR 2:2 - ANU LUGOD N. T. (BSI)

² Odokkc bojcrungc buluk ka:bomc:bonammcm ka:bomc:bomvnyc, odokkc buluk lcgangongc arodok lambcdc aima:si:ma:pc lunampc iyc.

2 PITOR 2:2 ပူးပေါင်းရင်းမြစ်များ

ROMANKVDVNG 2:24

Kapila:nc, cdcm adla lc:namdcmpc, “Ru:ncpvnckc amindcm lugc gcto nolukkokki Ru:ncpvncmc angu tani:kvdv:dok ara:lo.”

JU:D 1:10

Cmpige:la sc tani:kvdv:sc ge:dag aima:pc lugc gcdag okodcmci bulu mc:ngkinma:ji, odokkc cdc attardokki jc bulu kindag aginpc mcngkampc mc:nam gvnamki kapc okkomsin kinma:nc simvnkvdv:dc idagji, bulu mokkeyamkosudag.

LUNGOR LUNAM 13:14

odokkc kanggod kvdv:dokki okodc cdcm ager gerdopc mclvgdagji simvndok dungkolo, cdc yaddag sc:kobulu mo:pvso du:dagji, bulum simvndokkcpc monam moimangko modopc lulvgko lula: lula okodcm madsvgdokki pakedaggom turra du:toji;

JU:D 1:15

odokkc appvng dormokama:ncm mcnga:modokupc buluk dormokama:nc ager gernckvdv:dokkcm okodcmbulu itogvtoji cdcmpinc dormokama:nc lambclo, odokkc appvng torpc lunam tanyi:pc lunam agomkvdv:dcm okodcm dormokama:nc pa:pikvdv:dc lutoji Bvk birudi:pc.”

2 PITOR 2:15

Pelvgnam ommangkvdvnga! Aro lambcdcm mcge:la bulu gvyotla gvkang; bulu Balaamkc lambcdok gvmvnkang, Beorkc awodc, sc:kobv arcko pa:namdcm aipc mc:toji,

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

TITUS 2:8

odokkc aropc ainc agomcm lunamcm cdc okodcm lupakla:ma:dopc, odomvlo jen atv birudi:nckoncm anyi:sumoycpc, ngolum akosin aima:ncko lunam kama:pc ila.

AGER KVDVNG 24:14

Cmpige:la scm ngo nom arro cmna lubidung, jc Lambcdok gvkampc, okodcm bulu c:mo:pin opvn cmdu:ji, ngo ngoluk abukvdv:dok Ru:ncpvncdcm kumdo, lujvg-lurodo lukam appv:dcm mc:jvgla cdcmanggom lungor lunckvdv:do adnamkvdv:dcm,

AGER KVDVNG 16:17

Bv Poulkclang ngoluk lcdu lcdulo gvmvnto, scmpc jc:la lula: lula, “Sc tani:kvdv:sc Appvngcmyam Owudyangkodo Du:ncdok Ru:ncpvnckc ager gerya:nc, sc:kobulu turnamdok lambcdcm nolum lutadla lubidu:ji.”

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

2 PITOR 2:21

Kapcnc bulukkcpc cdvlosin kinma:yamvlo cdc aiya:ya:pc cdc dormokanamdok lambcdcm cdc cdcm kinge:la:sin bulum angunnc lulvgcm lunamdokkc gvlatkunamdcmpcyam.

TITUS 2:5

odokkc buluk milbongkvdv:dok agomcm tadla du:dopc, jc Ru:ncpvnckc agomdcm aima:pc tadmoma:ycpc.

1 TIMOTI: 5:14

Cdcmpidag ngo lupc ame:nc tumbokvdv:dc midangcm mopcnammc, ommangcm pa:toka, buluk okum crangkvdv:dcm ka:sv:mosvpcnamc, odokkc ngolum mirudc okkomsin nindaila:ma:dopc itoka.

AGER KVDVNG 19:9

ckvdaggom cdvlo akke asin torla odokkc mc:jvgtoma:nc, Lambcdok agomcm aimang cmna mondoli:dok tani:kvdv:dok tadkolo lutoji, bv bulukkolokkc gvpakkang, bvk lcdulo agom tadjvgla gvmvnnc kvdv:dcm gvbola, odokkc Tiranu:dok gvkumsuko okumdo longgcm agomcm svkka:mvnsuto.

AGER KVDVNG 18:26

Bv kumko okumdo asin bottapc lurobbomkang; cmpige:la cdvlo Prisilla:bv:lang Akuilla:bv bvm tadbegto, bulu bvm langa:to odokkc Ru:ncpnckc lambcdcm aiya:pcda lukurlule:la lubito.

AGER KVDVNG 14:2

Cmpige:la mc:jvgma:nc Jiwukvdv:dc Ru:ncpvncmc kinma:nc ope:kvdv:dcm nvgurlvgto odokkc bvrokvdv:dok tadma:pc buluk asinkvdv:dcm dvgammoto.

AGER KVDVNG 13:10

“C:i uikc aowa no appvng dormo kanamlok mirua, yadnam agom kannc odokkc lujcgjcgmona, Ru:tumkc lambcdcm gc:yodgc:madmonamdcm ingasuma:ycbonci!

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

MARKKC 12:14

Odokkc bulu gvla Bvm luto, “Luyirna, ngolu kindung no arro cmna, odokkc oko tani:ycmsin pcsomang; kapila:nc no tani:lok nappangcm ka:mang, cmpige:la aropakpc Ru:ncsa:nckc lambcdcm lcngkandag. Kaesarmc dorpcnam murko:dcm dornamdc lujvgluro adnamdcmpc bipa:doyc bipa:ma:yc?

METIU 22:16

Odokkc buluk agom tadjvgla gvmvnnc tani:kvdv:dc Bvkkolo:pc mclvgto, Herodkc tani:kvdv:dok lcdulo, scmpc lula, “Luyirna, ngolu kindag no arro, odokkc Ru:ncpvnckc lambcdcm arokopcrung luyirdag, odokkc oko tani:ycmsin sc:komsin pcsomang; kapila:nc no tani:lok adji:bottcm Ka:mang.

METIU 7:14

Kapilainc yabgodc ponme:la odokkc lambcdc gvnyi:ncdc, turkolo:pc gvbodag, odokkc cdcm pa:nckvdv:dc adji:ko.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.

2 PITOR 2:12

Cmpige:la sc:kobulu, okkomsin kinma:nc simvncmpinc kvdv:dc, simvnsirapc ru:namkvdv:sc, sogabge:la mokedopc onamkvdv:dc, bulu okodcm kinma:nc cdc agerkvdv:dcm ge:la aima:pc lula, cdc mokekamv:dcmpc buluk lcdulo mokeycpc.

AGER KVDVNG 22:4

So lambcsok gvnckvdv:dcm ngo sigcdopc mogvtomomatto, ycnggabamge:la bulum makana:lo:pc tumlvgla nc:ngcmna milbongcm anyipagcm,

2 PITOR 2:7

kvnggv:ru:pc lume:lula bipodc a:la aima:pc ager gernckvdv:dokki.

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

JU:D 1:7

Kappar Sodomdc:lang Gomora:dc odokkc dunggo:-ycgong nogor kvdv:dcm, okodc cdcmv:pc aisi:ma:pc itoji odokkc ipcgvpcma:namcm mc:boka:bom mc:toji, lukan-bikancmpc idag lo:dvlongkvpc turnamdok palvgnam pa:la.