2 PITOR 2:19 - ANU LUGOD N. T. (BSI)

¹⁹ Bulu avkc mcngkam mcngkampc agomcm pesula lubidag, cmpige:la bulu avkvdv:dc imursiyarnclok pagbo; kapcnc okodci tani:akoncm mopvdagnc, odokkcpc bv pagbopc idag.

2 PITOR 2:19 ပူးပေါင်းရင်းမြစ်များ

JO:N 8:34

Jisubv Bulum lubito, “Aroru:pc aroru:pc, ngo nolum lubidung, pa:p inc takamc pa:plok pagbo.

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

1 PITOR 2:16

Av mcngkampc du:ncpc turla du:langka, cdcmanggom noluk av mcngkampc du:namdcm aima:nc ager gernapc iyoka; cmpige:la Ru:ncpvnckc ager gerya:ncpc ilangka. Appvng tani:ycm mcnggclangka.

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

2 TIMOTI 2:26

odokkc bulu uidok ketelepdokkc duggcla:ycpc, bvk mcngkamcm idopc lcdudo sogabdag.

2 PITOR 2:20

Kapcnc jodi, bulu mo:pvsok napv-narc:ma:namdokkc ngoluk Ru:tumkc kinnam agomdokki dugpvtsuge:la odokkc Mopvtnc Jisu Kristobv, bulu lckoda odobulu yetsudag odokkc mopvkosudag, cdc du:tcrkc du:nam dagnamdc cdc dungangarpo:nam dcmyam aiyangarma:pc ido.

AGER KVDVNG 19:16

Odokkc oko tani:do cdc aima:nc yalodc dungaji buluk tayc:do berangkang odokkc, appv:dcm motabamto, odokkc bulum mopvamto, odoyam bulu odo okumdokkc pvtsula odokkc mojogmorogamla duglenamkang.

2 PITOR 1:4

okodokki Bv ngolum bitonc Bvk airu:pc arc kanc odokkc bottcru:nc pesubinamdcm, jc odokbulukki nolu aima:n ager gernamdokbulukkc dunggcnla:ycpc cdc mo:pvso du:ncdc mc:boka:bokokki, odokkc taycng dungkotok inam gvnam gctc:mvnncpc ikang.