2 PITOR 2:15 - ANU LUGOD N. T. (BSI)

¹⁵ Pelvgnam ommangkvdvnga! Aro lambcdcm mcge:la bulu gvyotla gvkang; bulu Balaamkc lambcdok gvmvnkang, Beorkc awodc, sc:kobv arcko pa:namdcm aipc mc:toji,

2 PITOR 2:15 ပူးပေါင်းရင်းမြစ်များ

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

JU:D 1:11

Bulukkcpc mc:dvrpcnamc! Kapcnc bulu Kainkc lambclok lambcm gvdag, odokkc arc pa:nam lcgangc avkvdv:dc mc:paksudag Balaamkc imurgvmurdcm, odokkc Kora:kc birudi:pc mimag monamdo singabamdag.

2 PITOR 2:13

Imurlokkc lcgangc imurcm pa:la. Bulu cdcm mc:ponammc cmna mc:dag longcdo birudi:pc ipc longgayirv:do. Bulu buluk ise-siyenamlo birudi:pc idag, mu:pakla narc:ma:pc imodag, nolukkolo tvngvrdowursula.

AGER KVDVNG 13:10

“C:i uikc aowa no appvng dormo kanamlok mirua, yadnam agom kannc odokkc lujcgjcgmona, Ru:tumkc lambcdcm gc:yodgc:madmonamdcm ingasuma:ycbonci!

AGER KVDVNG 1:18

(Cdcmpidodcm tani:dc bvk germur ager gerla pa:nam mo:takko rcto; odokkc mittukdc tu:yi:la kcdledla bv kvdvsukodo odadsula dadporkang odokkc bvk aki:dok rokki: appv:dc budsurra lengkang.

METIU 26:9

Kapila:nc cdc tula:dcm murkong abaru:lok kola:ru:ya:pc, odokkc opanki:pankvdv:dcm bila:ya:pc.”