2 PITOR 2:1 - ANU LUGOD N. T. (BSI)

¹ Cmpige:la lume:pc lungor lunckvdv:dc:sin tani:kvdv:dok ara:lo lenkang, kappar noluk ara:lo lume:pc luyir lunnc lenycnc, sc:kobulu kinmango:pc momvgmosvgpcnc dormokama:nc agomcm lua:biycji, cdcmo:mang Ru:tumdcmsin lupaksula sc:kobv bulum rctoji, buluk avkc ara:lo mcna:pc lomdanna momvnsunamcm.

2 PITOR 2:1 ပူးပေါင်းရင်းမြစ်များ

METIU 10:33

ckvdaggom sckobvi ngom tani:kvdv:dok kcra:lo lupaksuycnc, ngo:sin taycngamo:tok du:nc Abukc kcra:lo lupaksuyc.

METIU 24:11

Odokkc bojcrungko Ru:nckc agomcm lume:pc lungornc lenna odokkc bojcrungko gvmurla gvyodboyc.

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 24:5

Kapila:nc ngok amin-minsula bojcrungc gvyc, scmpc lula, ‘Ngo:na Kristobv,’ odokkc bulu bojcrungko gvmurla gvyodboyc.

METIU 7:15

“Lume:ycm lungorla lunc tani:kvdv:dcm ansuka:sulangka, sc:kobulu nolukkolo:pc bera soben galugcm gcge:la gva:dagnc cmpige:la asin ara:bo gamke:nc ra:m iki:ycnc.

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

LU:KKC 12:9

Cmpige:la tani:kcra:do sc:ko ngom lupaksuycji Ru:ncpvnckc taycng among lutad lunckvdv:dok kcra:lo lupaksuyc.

LU:KKC 21:8

Odo Bv luto, “Nolumjen gvyodla gvbopckc ansutoka; kapila:nc bojcrungc ngok aminno scmpc lula: lula gvyc, ‘Ngo Bv!’ Odokkc ‘Ayirdc aninpc pvnga:dandu:bong!’ Buluk lcdulo gvyoka.

LU:KKC 6:26

“Nolu mc:dvrpcnamc, appvng tani:kvdv:dc cdvlo nolum aidag cmna ludagji, kapila:nc cdcmv:pc buluk abukvdv:dc lume:pc lungor lunc tani:kvdv:dcm luka.

ROMANKVDVNG 16:18

Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag.

1 KORINTIANG KVDVNG 11:19

Kapila:nc noluk ara:do pamvnsunc pakerpayernc kcrcngc du:ru:pc sc:kobulu noluk ara:do mc:jupmcngkapdagji kangkinna:ma:dopc.

1 KORINTIANG KVDVNG 6:20

Nolu noluk avkcmang; nolum arckokki rctung. Cdcmpidag Ru:ncpvncmc noluk amvrkvdv:do amin gvmotoka.

1 KORINTIANG KVDVNG 7:23

Nolum arckokki rcnamc; tani:lok pagbopc iyoka.

GALATIANG KVDVNG 2:4

Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

GALATIANG KVDVNG 4:17

Bulu nolum aipakpc aincpc lumodag, cmpige:la oko ainc mc:namko lcgangcsin imang; bulu nolum angupc lc:lv:dag, jc nolu bulum airu:pc aincpc luycpc cmna.

GALATIANG KVDVNG 5:20

monam moimangcm kumgo:nammc, morunammc, mirupc imvnsunamc, pamvnsunamc, ka:ruka:ma:nammc, aglvng sa:namc, atcgongkcpc mc:sunammc, lukermvnsunammc, kcra:pc dagrobla lunamc,

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

KOLOSIANG 2:18

Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

KOLOSIANG 2:8

Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

1 TIMOTI: 5:8

Jodi sc:kaiyc bvk ope:ncgvngcm o:koi bisumang, odokkc anguru:pc bvk avkc cra:dcm, bv mc:jvgdcm mcpakto odokkc mc:jvgma:ncmyamsin aiya:mang.

2 TIMOTI 4:3

Kapcnc ayirdc pvnga:dobong cdvlo tani:kvdv:dc aipaknc poyirnammcm tadka:ma:ycnc, cdcmpige:la a:gnc yerung gctaksula bulu avkc lcgangc avyc poyirncpc isuyc buluk avkc aipc mc:nam kvdv:dcmpc idopc,

TITUS 1:11

bulum aso:pc du:moru:pa:yc; bulu crang appvngcm aglvng sangapmola:yam aima:pc ncrkvg arc pa:nam lcgangc poyirgo:la:yam okodcm bulukkc poyirpcnam sotto kama:ji.

TITUS 3:10

Kapc milbong tani:lokkcpc sc:kobv kcvgpc mc:doji, bvm lckomam lcnyikopc lusvngge:la, bvkkokki okkomsin ipcnam kama:bong odokkc kinna jc cdcmpinc tani:dc gvyodla gvnnc odokkc pa:pkannc;

HIBRIUKVDVNG 10:29

cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?

1 PITOR 1:8

Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

1 JO:N 2:26

Ngo scm nolukkolo:pc addung cdc sc:kobulu nolum yadycnc buluk agomcm;

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

JU:D 1:18

bulu nolum luto, “Du:tcr dungap ayirdo aima:pc lugc gcgo:nc lenyc, buluk dormo kama:nc ka:bomc:bonam kvdv:dcmpc.”

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

LUNGOR LUNAM 13:14

odokkc kanggod kvdv:dokki okodc cdcm ager gerdopc mclvgdagji simvndok dungkolo, cdc yaddag sc:kobulu mo:pvso du:dagji, bulum simvndokkcpc monam moimangko modopc lulvgko lula: lula okodcm madsvgdokki pakedaggom turra du:toji;

LUNGOR LUNAM 2:13

Ngo kindag no okolo dagdoji, okolo Satan migom dungkodc:ji; Antipaskc longcdo ngom lukan lubinamdo:sinci no ngok amincm gagtvla dung odokkc no ngok mc:jvgcm lupaksutomang, ngok mc:jvgnc okodc sc:kom nolukkolo moketoji, okolo uidc du:doji.

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

LUNGOR LUNAM 3:8

“Ngo nok agerkvdv:dcm kindag. Ka:toka, ngo nok kcra:lo yabgoko moge:la lc:bitag, okodcm sc:kosin mokapla:ma:ji; ngo kindag jc nokkc cmpige:la adjio:ko ilang gvlangc dung, odokkc ckvdaggom no ngok agomcm gagla du:to odokkc ngok amincm lupaksutomang.

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

LUNGOR LUNAM 6:10

bulu bottapakpc jcla lusangkang, “O: Appvngcm bottaya:nc Ru:tuma, angunnc odokkc arro, cddvkojc po:pcbong no kcbangcm ba:ycnc odokkc ngoluk i:ycm palvgcm lvgyckunc cdc sc:kobulu mo:pvsok tayc:so du:ycdagycji?”