2 PITOR 1:8 - ANU LUGOD N. T. (BSI)

⁸ Kapcnc jodi sc atvkvdv:sc nolukkc odokkc pv:namkopc du:yc, cdcbulu nolum agom ka:boma:pc cdcmanggom a:yc e:ma:dopc ngoluk Ru:tum Jisu Kristokc kinnamlo lc:pakma:yc.

2 PITOR 1:8 ပူးပေါင်းရင်းမြစ်များ

METIU 13:22

Ta:ng alcgdok pidnamdok agomdc, cdc bv sc:ko agomdcm taddagnc ckvdaggom mo:pvsok agomcm mc:la odokkc mircmcm mc:bola agom dcm ncrkela, odokkc cdc a:yc e:ma:namdcm lcngkandag.

METIU 20:3

Odokkc ko nang ayirkopc idodo gvlenna gvnamc attar koko mo:di:do akke cmmumpc du:nckonckkcm ka:to; odokkc bulum bv luto,

METIU 20:6

Odokkc ayir anggoko idodo bv gvlento odokkc akkem dagla du:dopc ka:to; odokkc bv bulum luto, ‘Kapila nolu longc lo:bu:scm cmmumpc dagla du:n?’

METIU 25:26

“Cmpige:la bvk ru:tumdc bvm luto, ‘C:i aima:nc odokkc magbagnc pagba! No kindaganci ngo:jc okolo ngo kappu manganc odo ringkumsudagkuji?

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 5:42

Cmpige:la ngo kindag jc noluk ara:lo Ru:ncpvnckc ayangc kamang.

ROMANKVDVNG 12:11

Bottapc ager gernamlo cdvlosin lo:bagyok, Yalodokki dorrangka, Ru:ncpvnckc agercm gertoka.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

2 KORINTIANGKVDVNG 13:5

Avycm avyc anka:sula ka:sutoka, noluk mc:jvgcm mcnggaptvla du:ji du:ma:ji. Avycm avyc ankang kangkvsutoka. Nolu mcngkvsuma:nci nolujc Jisu Kristokolo du:nc?– aroru:pc nolu ankang kangkvnamdcm ka:la:ma:mvlo!

2 KORINTIANGKVDVNG 8:2

Kapila:nc kvnggv:pc ipusire:pa:namlok ankang ka:namki, buluk pv:namko kvnggv:pc mc:namclang okokosin kama:sv:ma:namdc bulukkcpc kanamsvnamlo bojcyangkang.

2 KORINTIANGKVDVNG 8:7

Su:pak nolu kapc appvng agerlok ammemyam aiya:dagnc–mc:jvglo, bottapc lubinamlo, kinnamlo, appvng asin kvnggv:namlo, odokkc noluk ngolum aipc mc:namlo–ka:langka nolu sc aya:nam agerso:sin ammem aiya: dopc.

2 KORINTIANGKVDVNG 9:14

Cdvlo bulu nolum asinang odonc odokkc noluk lcgangc kumdonc Ru:ncpvnckc ammemyang abaya:pc nolum aya:namdokki.

PILIPIANG KVDVNG 1:9

Odokkc cdc ngok kumnamc jc noluk aipc mc:namdc jen bojc bojcya:pc du:ycpc kinnamkokkilang mcngkin-sagkinnam-kokki.

PILIPIANG KVDVNG 2:5

Sc asinsc nolukkolo gctoka, okodc noluk Kristo Jisukolo du:ji, sc:kobv,

PILIPIANG KVDVNG 3:8

Aropakpci appvngcm ngo yogkang cmnai kvdo ngok Kristo Jisu Ru:tummc kinnamdok appvngcmyam arckaya:namdok lcgangki. Bvk lcgangc du:gcm gvto, odokkc cdcmbulum yoppaknam attarc cmna kvtobong.

KOLOSIANG 1:10

Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

KOLOSIANG 2:7

appvrc pvra:la odokkc mosa:la odokkc mc:jvgdo mongapto, kapc nolum poyirtoji, aipai binamc pv:se-pv:yelangka.

KOLOSIANG 3:16

Odokkc aipai bisuncpc itoka. Kristokc agomdc nolukkolo mitcmircmpc dungka:langka, akoncm akonc poyirra odokkc lusv:la, appvng taycngamong kinnamki, odokkc ni:tomcmna: kumnam ni:tomcm odokkc yalosok ni:tomkvdvngc Ru:ncpvnckolo:pc noluk asinkvdv:do aipai bipc bila.

1 TISSALONIANG 3:12

odokkc Ru:tumbv nolum akonc akoncm odokkc appvng tani:ycm aipc mc:namdcm mc:barra gvmoteika, ngolu kapc nolum idagji,

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

1 TIMOTI: 5:13

Cdcmpila:sin, bulu lo:si-lo:bagla du:ncpc dungkaisudag, buluk kumrvkc okum okumlo:pc cmmumpc gvgong gvgo:la, odokkc lo:si-lo:bagncppong imang cmpige:la do:ying kvgo:la odokkc jasisugo:la, okodcm bulu lupcma:nama:ji lugo:la.

TITUS 3:14

Odokkc ngoluk tani:kvdv:dcm bulu avkvdv:dcm ainc ager gernamdo gerdopc dungkaisumolang, mcna:pc manam atvlo idum gvdumsunam pa:dopc, odokkc arc kama:dopc ima:dopc.

PILEMON 1:6

odokkc ngo kumdojc nok mc:jvgdcm lubinamdc Kristokolo ngoluk ainam appvng kinnamcm aila gvbommoycpc.

HIBRIUKVDVNG 6:12

odomvlo jen nolu aso-aso:ma:ycpc, cmpige:la mc:jvgla odokkc mentumsunamki pesunamdcm pa:nckvdv:dcm ka:yi:sula imvnncpc incpc itoka.

2 PITOR 1:2

Ayangclang mcnganc nolukkolo Ru:ncpvnckc kinnamlo odokkc Jisukc ngoluk Ru:tumkolo bojc bojcla gvka:langka.

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

2 PITOR 2:20

Kapcnc jodi, bulu mo:pvsok napv-narc:ma:namdokkc ngoluk Ru:tumkc kinnam agomdokki dugpvtsuge:la odokkc Mopvtnc Jisu Kristobv, bulu lckoda odobulu yetsudag odokkc mopvkosudag, cdc du:tcrkc du:nam dagnamdc cdc dungangarpo:nam dcmyam aiyangarma:pc ido.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.