2 PITOR 1:7 - ANU LUGOD N. T. (BSI)

⁷ odokkc dormokanamdc bvrrangpc aipc mc:namki, odokkc bvrrangpc aipc mc:namdc aipc mc:namki.

2 PITOR 1:7 ပူးပေါင်းရင်းမြစ်များ

HIBRIUKVDVNG 13:1

Bvrra:pc aipc mc:namcm mc:tvtoka.

ROMANKVDVNG 12:10

akoncm akonc bvrrangpc aipc mc:mvnsula; mcngcnanamcm mc:dom akoncm akonc mc:badlangka.

1 TISSALONIANG 3:12

odokkc Ru:tumbv nolum akonc akoncm odokkc appvng tani:ycm aipc mc:namdcm mc:barra gvmoteika, ngolu kapc nolum idagji,

GALATIANG KVDVNG 6:10

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

1 JO:N 4:21

Odokkc sc lulvgnamsc ngolukkc Bvkkolo dung, jc sc:kobv Ru:ncpvncmc aipc mc:dagji bvk bvrodcm aipc mc:pa:do.

1 JO:N 3:16

Odokki ngolu aipc mc:namcm kindag, jc Bvk turnamcm ngoluk lcgangc tolvgto; odokkc ngoluk turnam kvdvngcm bvrokvdv:dok lcgangc tolvgpa:do.

1 JO:N 3:14

Ngolu kindag jc nolu sikolokkc turnamlo:pc gvko:tobong, kapila:nc ngolu bvrrangkvdv:dcm aipc mc:dag. Sc:kobv aipc mc:ma:nc sinamv:lo dung.

1 PITOR 2:17

Bvrra:pc mc:namcm aipc mc:langka. Ru:ncpvncmc pcsolangka. Migomlok migom kvdv:dcm mcnggclangka.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

KOLOSIANG 3:14

Odokkc odo appv:dokkcmyam aipc mc:namcm gctoka, okodc appvngcm lckopc aropakpc ogpumsudagji.

1 PITOR 3:8

Adtcrso, nolu appvngc, yalo atcrongkopc ilangka, aya:sitapc mc:mvnsunamlo, bvrokvdv:dcm aipc mc:namlo, rcmakpc asin gcnamlo odokkc asinc rcmago:la ila.

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.