2 PITOR 1:6 - ANU LUGOD N. T. (BSI)

⁶ odokkc ainc ager gernamko kinnamki, odokkc kinnamdcm avyc mentumsunamki, odokki avyc mentumsunamdcm lo:dv longkvpc du:tvdagtvnamdcm dormokanamdokki,

2 PITOR 1:6 ပူးပေါင်းရင်းမြစ်များ

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

HIBRIUKVDVNG 10:36

Kapcnc nolukkc mentumsunamcm mapcnammc, odomvlojen nolu Ru:ncpvnckc mcngkamdcm iycpc odokkc okodcm pesutoji pa:ycpc.

LU:KKC 21:19

Noluk sagtumsula du:namdokki noluk turnamkvdv:dcm pa:ycpc.

HIBRIUKVDVNG 12:1

Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,

1 KORINTIANG KVDVNG 9:25

Cdcmpidag dugtoka no:jen cdcm pa:ycpc. Appvng moduduka:mvnsunc mentumsula du:namcm appvng agerlo idag. Bulu cdcm omvgpcnc dogsori: abvlcgang idag, cmpige:la ngolu omvgpcma:nc abv lcgangc ido.

TITUS 2:2

Abv:ya:nc tani:kvdv:dcm mc:jupmcngkapdopc lulvglangka, mcnga:lang, mcngcsagcla, mc:jvglo aiyo:pc mcnga:la, aipc mc:la, odokkc kvnggv:la du:namlo.

GALATIANG KVDVNG 5:23

aikamponammc, mc:jvg-jvrvgnammc, ainc asin gcla inamc, avycm mentumsula du:namc; cdcmbulumpinclok birudi:pc oko lujvglurrosin kamang.

LUNGOR LUNAM 14:12

Cdcna aipc kumnc tani:kvdv:dok mentumsula du:dopc gognamko, cdc sc:kobulu Ru:ncpvnckc odokkc Jisukc mc:jvgdcm lulvg lunamdcm tadgabdagji.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

TITUS 1:8

cmpige:la mibobolv:nc, arrom aipc mc:namc, bvk avyc avkc ru:tumpc isula, lc:si-lc:romkama:pc, angunnc, odokkc avycm mentumsula du:la:ncpc;

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

KOLOSIANG 1:11

Nolu appvngc appvng ilang gvlangkokki kvnggvnka:langka, amin gvbu:nc tornamdokki, kapcnc appvng mentumsula du:namclang menya:sula du:namki mc:pobadnamki,

2 KORINTIANGKVDVNG 6:4

Ckvdaggom Ru:ncpvnckc ager gerncpc ngolu avyc avycm appvng lambclo aidopc lusudo: kvnggv:pc mcnga:sula.

ROMANKVDVNG 8:25

Cmpige:la ngolu okodcm ka:begma:ji cdcm mc:tinmvlo, ngolu cdcm mentumsula toya:la du:do.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

AGER KVDVNG 24:25

Odokkc bv aropc kcba: ba:namc, avyc motumsula du:namcm odokkc ro:yampokc kcba:ba:nam agomcm svgka:mvnsunammc, Pelikbv aglvng sangkang odokkc luto, “Su:pakkcpc gc:rpongkang; cdvlo ngo tadmo:ycnc ngo nom goga:ycku.”

LU:KKC 8:15

Odokkc ainc amo:do dc:yi:nckvdv:dokkcpc, bulu cdc sc:kobulu, agomdcm taddagnc, cdcmbulum aiyo:pc asinbo mc:jupla lc:dagnc, odokkc mcnggaptvla du:namki a:ycm e:modag.

ROMANKVDVNG 15:4

Kapila:nc okodcmci lekkem adtungaji ngolum luyir lcgangc adtungai, jc cngungcma:pc du:namdokki odokkc Ru:nckc agom jvggabdokki ngolukkc mc:bomsunamc du:ycpcji.

LUNGOR LUNAM 13:10

Akonc jodi yc:bomkupcnammc, bv yc:bomkunamlo:pc gvdag, jodi sc:kaiyc madsvgdokki papakdo, madsvgru:dokki bvm papakpcnamc.

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

2 PITOR 3:11

Cdcmpinamc sc appvng attarkvdv:sc cdcmpila jitpagamycnc, kapinc tani:pc nolu ipcnammcn angunna turnamlo:bulu odokkc dormokanamlo,

HIBRIUKVDVNG 6:15

Odokkc cdcmpila Abrahambv, mentumsula du:to, pesunamdcm pa:to.

HIBRIUKVDVNG 6:12

odomvlo jen nolu aso-aso:ma:ycpc, cmpige:la mc:jvgla odokkc mentumsunamki pesunamdcm pa:nckvdv:dcm ka:yi:sula imvnncpc incpc itoka.

TITUS 1:1

Poulbv, ager gerya:nckon Ru:ncpvnckc odokkc Jisu Kristokc mclvgla ager gerncko, Ru:ncpvnckc balennamkvdv:dok mc:jvgdcm mc:barmopc buluk arodok kinnamdcm okodc dormo kanamki lckopc imvndagji,

2 TIMOTI 3:5

dormo incpc ido cmpige:la odok ilang-gvla:dcm lupaksunnc. Cdcmpinc tani:kvdv:dcm jonsuyok.

1 TIMOTI: 6:11

Cdcmpige:la kapc nokkcpc, Ru:ncpvnckc tani:pc ila, cdc appv:dcm mcpaktoka; dormokanamdcm ka:mi:toka, ainc ager gernam, mc:jvgc, aipc mc:namc, mcmangke:ke:pc du:tvnammc, asin aipc inam gvnamcm.

1 TIMOTI: 6:6

Dormo Kanamno bottcru:nc la:bko dung mc:tv:sumvlo;

1 TIMOTI: 6:3

Akonc jodi angupc luyiryc odokkc Ru:tum Jisu Kristokc aro agomkvdv:dok lukamdcmpc tolvgma:yc odokkc dormokanampcma:yc,

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

1 TIMOTI: 2:10

Kapc dormo inc nc:ngkvdv:dokkcpc aidagji.

1 TIMOTI: 2:2

Kapcnc migomkvdv:dc odokkc appv:dc sc:kobulu bottcnnc ager gerkolo du:nc, jc ngolu ansv:nc odokkc mcngannc turnamcm turdopc, dormokanc odokkc mcnggcnammc appvng lambclo.

2 TISSALONIANG 3:5

Ru:tumbv noluk asinkvdv:dcm Ru:cpvnckc aipc mc:namdo:pc lukanlvglangka odokkc Kristokc du:tvdagtvnamdo:pc.

2 TISSALONIANG 1:4

Cdcmpidag ngolu Ru:ncpvnckc mondoli:do lubonsula av-avyc lusudo mcnggab garabla du:namdokki odokkc mc:jvgdok lcgangc noluk appvng ipusire: kvdv:do odokkc du:g gvnamlo okodcm nolu menbomna du:nc.