2 PITOR 1:5 - ANU LUGOD N. T. (BSI)

⁵ Sok lcgangarpc appvng ankvla inamcm ilangka noluk mc:jvgcm ainc asin mc:namkokki,

2 PITOR 1:5 ပူးပေါင်းရင်းမြစ်များ

LU:KKC 16:26

Odokkc cdc appv:dcm mcge:la, ngolu:kkcla: nokkolok pongkokdc bottcru:nc arungko lc:tung nokkolo:pc sc:kobulu gvycnc gvla:ma:dopc cmna, odokkc sc:kosin odokkc ngolukkoso:pc gvla:ma:dopc.’

LU:KKC 24:21

Cmpige:la ngolu mc:tintagai Bv Israeldcm mopvtpcncdcai. C:, odokkc odo appv:dcmyam, silo cdcmpinamc lowumko ika:bong.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

1 KORINTIANG KVDVNG 14:20

Bvrrangkvdvnga, noluk asinc ko:ka:pc iyoka; aima:nc agerlo onam kowawpc ilang, cmpige:la mc:namsagnamlo sv:titsunncmpc itoka.

IPESIANG KVDVNG 5:17

Cdcmpidag okkomsin monba:ncmpc iyoka, cmpige:la Ru:tumkc asin mc:namdc okkoji kintoka.

PILIPIANG KVDVNG 1:9

Odokkc cdc ngok kumnamc jc noluk aipc mc:namdc jen bojc bojcya:pc du:ycpc kinnamkokkilang mcngkin-sagkinnam-kokki.

PILIPIANG KVDVNG 2:12

Cdcmpidag, ngok mc:bomsunamkvdvnga, nolu kapc lo:dvscm agom lukamdcmpc tadtonc, cdcmv:pc su:pakgom, ngok ka:dodo:mang cmpige:la airu:p bojcyangko ngok ka:ma:dodcm, pcsola odokkc jinna noluk avkc motunam agerkvdv:dcm gerrentoka;

PILIPIANG KVDVNG 4:8

Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

KOLOSIANG 1:9

Odokkc cdcmpila, ngolu cdcm tadbegdo longcdokkc, ngolu noluk lcgangc kumngasumang, ngolujen Bvk mcngkamdcmpc kinnamki odokkc mcngkinnamkokki Ru:tumkolo arckanc turnamcm turgcboycpc cmna.

KOLOSIANG 2:3

sckkolo:pc appvng taycng among kinjvgla kinnam odokkc kinnamlok murkongkvdv:dc du:ji.

HIBRIUKVDVNG 11:6

Odokkc mc:jvgkama:pc Bvm mc:lvgsumopc mc:lvgsumola:mang. Kapcnc sc:kobvi Ru:ncpvnckc kcra:pc gva:ycnc mc:jvgru:pa:yc jc Bv dung sc:kobulu Bvm madagji.

HIBRIUKVDVNG 12:15

Ka:toka cdcm jc sc:kobv:sin Ru:ncpvnckc aya:pc mc:namdcm pa:ma:pc ipc lagimang; jc oko “Konc appvrcsin” pvrsa:pc odokkc ipu sire:lok lcga:pc imopc lagimang, odokkc odokki bojcrungc napvnarc:ma:pc idag;

HIBRIUKVDVNG 6:11

Odokkc ngolu mc:dag noluk appvngc c:mo:pinc kvnggv:pc mc:namcm pv:namkopc mc:tindokkc du:tcrdo:pc du:ma:sisscm lcngkanka:langka cmna,

1 PITOR 3:7

Cdcmv:pc nolu milbongkvdvnga, noluk nc:ng kvdv:dokki mcngcsagcla mc:jo:langka, nc:ngkvdv:dcm mcnggcla mc:la bulum rcmagncpc ru:namla:yam, kapc turnamsok aya:pc mc:namila:yam, cdcmpc ipc cmna jc noluk kumnamdcm motum morumma:dopc.

2 PITOR 1:10

Cdcmpidag, bvrrangkvdvnga, bojcya:pc mc:bola ager gerncpc itoka nolum gognamdcmlang balennamdcm aroru:pc mcnga:supc, kapcnc jodi nolu cdcm iyc nolu cdvlosin ilang gvla:ma:pc ima:yc;

2 PITOR 1:11

Cdcmpila nolum kvnggv:pc mircmpc biycpc nolukkcpc cdc lo:dvlongkvpc du:nc migomdokodo:pc gva:namdo ngoluk Ru:tumbv odokkc Moturnc Jisu Kristobv.

2 PITOR 3:14

Cdcmpidag, aipc mc:bomsunamkvdvnga, nolu scmbulum toya:la du:namc, Bvkkokki oko koiyangcmsin kama:pc pa:dokupc cdcmanggom imursiyar kama:dopc, odokkc mcnganna mcngandopc.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.