2 PITOR 1:4 - ANU LUGOD N. T. (BSI)

⁴ okodokki Bv ngolum bitonc Bvk airu:pc arc kanc odokkc bottcru:nc pesubinamdcm, jc odokbulukki nolu aima:n ager gernamdokbulukkc dunggcnla:ycpc cdc mo:pvso du:ncdc mc:boka:bokokki, odokkc taycng dungkotok inam gvnam gctc:mvnncpc ikang.

2 PITOR 1:4 ပူးပေါင်းရင်းမြစ်များ

ROMANKVDVNG 9:4

Bulu Israeldo du:nc, odokkc bulu awo omma:pc idag, amin gvnamdc, ru:scg lujvg lurodc:bulu, lujvg lurodcm binamdc, kumnamdc;

2 KORINTIANGKVDVNG 1:20

Kapila:nc Ru:ncpvnckc pesubinam appv:dc buluk c:vdcm Bvkkolo pa:dag. Cdcmpila:yam Bvkkoki ngolu Amendcm ludo, Ru:ncpvnckc amin gvnam lcgangc.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

2 KORINTIANGKVDVNG 6:17

Cdcmpidag buluk ara:dokkc gvlentoka odokkc bulukkolokkc angutoka, Ru:tumbv ludag, odokkc narc:ma:nc okkomsin gakkvyoka; odo ngo nolum gogrvgsuyc.

GALATIANG KVDVNG 3:16

Su:pak pesunamkvdv:dcm Abrahammc pebika odokkc bvkkolokkc lennckvdv:dcm cdc lumang, “Odokkc osetnamkvdv:do:pc,” bojcrungcm lukanna; cmpige:la akkongcm lukanna, “Odokkc akolokkc lennckvdv:dcm,” sc:kobv Kristobv:ji.

GALATIANG KVDVNG 6:8

Kapila:nc sc:kobv bvk avkc adin amvrdok lcgangc pidycnc adindokkcm aisi:ma:ncm gadycku; cmpige:la sc:kobv Yalodokkcpc pidycnc Yalodokkcm bv lo:dvpc turnamcm gadycku.

IPESIANG KVDVNG 4:13

Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

KOLOSIANG 3:10

Okodcm kinnamlo anumotakji odok ru:ncdok dumsimigmo ila.

HIBRIUKVDVNG 12:10

Kapcnc bulu ngolum mogvtmomatto buluk adjioko mc:po lcgangc, cmpige:la Bv ngolum lujvg luyircm ludag ngoluk ainam lcgangc, odomvlo jen ngolu Bvk angundcm pa:mvnycpc.

HIBRIUKVDVNG 9:15

Cdcmpidag Bv anu lugodkolok pongkokdo dungge:la igurbincdc, odomvlo jen cdc sc:kobulum gogtu:nc lo:dv-longkvpc dungkunamdok pesunamdcm pa:ycpc, sinamko a:la:yam okodc lupo:nam lugodokki buluk imur-siyarkvdv:dokkcm rcpvttagji.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

2 PITOR 3:13

Cmpige:la Bvk pesunamdcmpc ngolu anu taycng among odokkc anu mo:pvko toya:la dung okodo dormokanamdc dagycji.

2 PITOR 3:9

Ru:tumbv Bvk pesunamdcm asoaso:mang kapc aso-aso:dagncmpc idagji, cmpige:la nolukkcpc mentumsubila dung, akosinci sipakmangka:langka cmna mc:la, cmpige:la appv:dc asinc mc:dvrra mc:latsutokuka cmna mc:dag.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.