2 PITOR 1:1 - ANU LUGOD N. T. (BSI)

¹ Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

2 PITOR 1:1 ပူးပေါင်းရင်းမြစ်များ

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

TITUS 1:4

Tituskolo:pc, ngok awodc lo:dcm mc:jvgnamlo: Ayangc odokkc mcnganc Ru:ncpvnc cdc Abudokkc odokkc Kristo Jisubv ngoluk Morturnckolokkc.

2 KORINTIANGKVDVNG 4:13

Ngolukkc c:mo:pinc mc:jvgnam yallo du:namc sc:kobv adtoji, “Ngo mc:jvgto odokkc cmpila ngo luto,” ngolusin, mc:jvgdo, odokkc ngolu ludo,

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

ROMANKVDVNG 1:12

jc ngolujen lckolakkopc akonkc mc:jvgki akonc asin bottadopc, nolukkclang ngokkc.

2 PITOR 1:4

okodokki Bv ngolum bitonc Bvk airu:pc arc kanc odokkc bottcru:nc pesubinamdcm, jc odokbulukki nolu aima:n ager gernamdokbulukkc dunggcnla:ycpc cdc mo:pvso du:ncdc mc:boka:bokokki, odokkc taycng dungkotok inam gvnam gctc:mvnncpc ikang.

1 PITOR 1:1

Pitorbv, Jisu Kristokc mclvgla ager germonam tani: akonc, Dugpitsula amikc dungko among kvdv:do du:nckvdv:do:pc Pontusdo, Galatia:do, Kapadokia:do, Asiado, odokkc Bitinia:do,

IPESIANG KVDVNG 4:11

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

ROMANKVDVNG 1:1

Poulbv, Jisu Kristokc ager gerya:nc akonc, mclvgla gerdopc mclvgnampc gognamkonc.

LU:KKC 1:47

Odokkc ngok asinsc Ru:ncsa:nckolo mc:podung ngok Moturnckolo,

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

2 TIMOTI 1:5

Ngom noluk mc:juppc mc:jvgnamdcm mc:pa:motok, cdc nok ya:yo Loiskolo dunga:danna mc:jvgdcm dunganc odokkc nok anc Iunisekolo odokkc su:pak, ngo su:pak kindagrung, nokkolo dung.

PILIPIANG KVDVNG 3:9

Cdcmpc ipc cmna jc ngo Kristomc avpc pa:pc odokkc bvkkolo pa:supc, ngok avkc dormo kanamkokkimang, lujvg-lurodokki, cmpige:la jc okodc Kristokolo mc:jvgnamkokkipak, Ru:ncpvnckolokkc dormokanamdc cdc mc:jvglo togcsudag.

AGER KVDVNG 15:14

Simionbv lukanbito kapc Ru:ncpvncbv Bvm kinma:nckvdv:dcm gvla ka:toji, bulum Bvk amin lcgangc la:lenpc.

METIU 10:2

Vyvngkolang anyi agom tadjvgla gvmvnnc tani:kvdv:dok aminkvdv:dc scmpc: minsa:po:pc, Simon, sc:kom Pitorcmna gogdonc, odokkc Andriwubv bvk bvrodc, Jakobbv Jebidi:kc awodc, odokkc Jo:nbv bvk bvrodc; Pilipbv odokkc Bartolmeubv;

1 PITOR 2:7

Nolukkcpc cdcmpidag sc:kobulu mc:jvgdagnc, Bv airu:pc arckannc, cmpige:la cdc sc:kobulu mc:jvgma:nc, “Cdc vlvngardcm okodcm okum monckvdv:dc aimang cmna mcpaktonc cdc sungkendok mosa:nancpc ikang,”

1 PITOR 1:7

cdcmpc jc noluk mc:jvgdok mc:jupmcngkamdc, avncmyam arc kaya:dag okodcm jitpakpcnc daggom vmvlo romka:dagji, aipai binapc lenycpc odokkc amin gvnamdc odokkc mcnggcnamdc Jisu Kristokc lendokudo mcnggcycpc.

TITUS 1:1

Poulbv, ager gerya:nckon Ru:ncpvnckc odokkc Jisu Kristokc mclvgla ager gerncko, Ru:ncpvnckc balennamkvdv:dok mc:jvgdcm mc:barmopc buluk arodok kinnamdcm okodc dormo kanamki lckopc imvndagji,

PILIPIANG KVDVNG 1:29

Kapila:nc cdcm nolum bitung jc Kristokc lcgang Bvm mc:jvgo:pcnammang cmpige:la Bvk lcgangc du:gcm gvpcnammc.

IPESIANG KVDVNG 4:5

Ru:tum ako, mc:jvg ako, baptismong ako Ru:ncpvnc ako odokkc ngoluk appvngkc Abbo.

IPESIANG KVDVNG 3:5

Okodcm tani: awokvdv:dcm kinmomangaji ake opvn kvdv:dcm kapc su:pak cdcm Bvk angunnc mclvgla ager germonam tani:kvdv:dcm lungor lunckvdv:dcm Yalodokki lcngkantoji;

GALATIANG KVDVNG 2:8

(Kapcnc sc:kobv Pitorkokki mclvgla gerpcnam agerdcm gertoji gadpuk-ma:namkvdv:dok lcgangc ngokkokkisin gerto Ru:ncmc Kinma:nc tani:kvdv:dok lcgangc.)

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

1 KORINTIANG KVDVNG 15:9

Kapila:nc mclvgla ager germonam kvdv:dok adjiyarya:ncdc, mclvgla ager germonammc cmna lukanci-ma:namc. Kapila:nc ngo Ru:ncpvnckc mondoli:dcm mojog-morogto.

1 KORINTIANG KVDVNG 9:1

Ngo morvt pa:ncma:lang? Ngo mclvgla ager germonammcma:lang? Ngoluk Ru:tum Jisu Kristomc ka:mangalang. Ru:tumkolo nolu ngok ager gerncma:lang?

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

ROMANKVDVNG 1:17

Kapila:nc Ru:ncpvnckc dormo kanamdc mc:jvgkokki mc:jvglcgangc lenkang; cdcm kapc adla lc:tagji, “Sc:kobv mc:jvgki dormokadagaji turyc.”

JO:N 20:21

Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”

JO:N 1:42

Bv bvm Jisukolo:pc goga:to, Jisubv bvm ka:to, odokkc luto, “Cdcmpidag no Jo:nkc awo Simonbv? Nom Kepas cmna gogyc” (okodcm Pitor cmdoji.)

LU:KKC 11:49

Cmdcmpidag Ru:ncpvnckc Kinnc agomdc:sin ludag, ‘Ngo bulukkolo:pc lungor lunncmlang Ru:ncpvnckc ager gerdopc mclvgnam tani:kvdv:dcm mclvgyc, odokbuluk akedcm bulu mokeyc odokkc irvsinyom iyc.’

METIU 4:18

Galil siycng ru:yido Bv gvgo:la du:dom, Bv bvrokumsu anyiko ka:begto, Simonmc sc:kom Pitorcsin cmna gogdagaji odokkc Andriwumc bvk bvrodcm, csab aborko siycngdo crra du:dom; kapila:nc bulu csab crnai.

PILIPIANG KVDVNG 1:1

Poullang Timoti:bv, Kristo Jisukc ager gerya:nc– Kristo Jisukolo du:nc aipc kumnc tani:kvdvng sc:kobulu Pilipi:do du:nc, paduri:kvdv:dokki odokkc dormo ager igur-gvgurnc kvdv:do:pc:

JAKOB 1:1

Jakobbv, Ru:ncpvnckclang Ru:tum Jisu Kristokc ager gerya:ncko. Vyvngkolang anyi ope: Dugpitsula du:nckvdvngdo:pc: Kumtadsudung.

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc: