2 KORINTIANGKVDVNG 9:13 - ANU LUGOD N. T. (BSI)

¹³ Sc agersok ankangka:namso, nolu Ru:ncpvncmc noluk agom tadnamkokki amin gvmoyc Kristokc tadponc lutaddcm togcsula, odokkc buluk lcgangc noluk aman asin mcngkamdcmpc bidumsunamcm binamdokki odokkc ake appv:dok lcgangc.

2 KORINTIANGKVDVNG 9:13 ပူးပေါင်းရင်းမြစ်များ

METIU 5:16

Noluk pvangcm tani: kvdv:dok kangkolo pva:motoka, odomvlo bulu noluk ainc agerkvdv:dcm ka:begycpc odokkc taycngamo:tok du:nc noluk Abumc bottaru:nc cmna kumycpc.

METIU 9:8

Cdc yadkumsunc tani:kvdv:dc cdcm kangge:la pcssamkang, odokkc bulu Ru:ncpvncmc amincm gvbu:moto, sc:kobv tani:kvdv:dcm cdcmpc ila:nammcm bitu:nc.

LU:KKC 6:46

“Kapila nolu ngom ‘Ru:tuma, Ru:tuma,’ cmna gogdon, odokkc ngo okodcm lulvgdoji cdcm ima:pc?

JO:N 15:8

Odokki ngok Abubv amin gvdag, odomvlo nolu bojcrungko a:yc gcdopc cmna, odokkc ngok agom tadjvgla gvmvnnc tani:yc cmna lcngkancm ibiyc.

AGER KVDVNG 11:18

Cdvlo bulu cdcm tadtoji bulu aso:pc dungapkang odokkc bulu Ru:ncpvncmc amincm gvmoto, scmpc lula, “Cmpcmvlo Angu opvnkvdv:dcmsin Ru:ncpvncbv turnamcm pa:dokupc asin mc:dvrra mcngkutsunamcm bitu:bong.”

AGER KVDVNG 4:21

Odokkc bulu lckoda bulum morvdge:la bulum bulu mclvgtoku, bulum oko dcmpcmopcnam lcgangcmsin tani:kvdv:dok lcgangc pa:ma:la; kapila:nc tani: appv:dc Ru:ncpvncmc aipai bito kapc ika:ji odok lcgangc.

ROMANKVDVNG 10:16

Cmpige:la bulu appv:dc tadponc lutaddcm tattomang; kapila:nc Isaia:bv luto, “Ru:tuma, sc:konu mc:jvgton sc:kobv ngolukkolokkcm tattoji?”

ROMANKVDVNG 12:8

sc:kobv ainc agomcm luyir mc:yirdag, bvk luyirmc:yirkolo, sc:ko murkongcm bidumsudoji, mc:pomcnganna; sc:kobv bidumsunamcm bidonc, kvnggv:pc mc:bola: sc:kobv ayang agercm lcngkandonc, mc:tv:sula, mc:yumsula mc:pomcnganna.

ROMANKVDVNG 15:31

jc ngom Judia:dok mc:jvgma:nckvdv:dokkcm mopvdopc, odokkc jc Jerusalemdok lcga:pc ngok ager gernamdc Ru:ncmc kumnc ainc tani:kvdv:dok lcga:pc torvgsunampc idopc.

ROMANKVDVNG 16:26

Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–

2 KORINTIANGKVDVNG 10:5

Ngolu agom svgla luka:mvnsunam kvdv:dcm odokkc Ru:ncpvnckc kinnam agomdcm motumnc bottapc mc:sunc appv:dcm momvg-mosvgdo, odokkc appvng mc:namsagnamcm Kristokc lcgangc makana:lo tumge:la,

2 KORINTIANGKVDVNG 2:12

Kristokc tadponc lutaddcm cdvlo ngo Troa:pc lubikapc gvtonc, Ru:tumkolo yabgoko ngokkcpc moge:kang;

2 KORINTIANGKVDVNG 8:4

aipc kumnc tani:kvdv:dok cpv:pc ornam ordodcm ormvndopc ngolum aipakpc kumna:sola lula–odokkc sc,

2 KORINTIANGKVDVNG 9:14

Cdvlo bulu nolum asinang odonc odokkc noluk lcgangc kumdonc Ru:ncpvnckc ammemyang abaya:pc nolum aya:namdokki.

GALATIANG KVDVNG 1:24

Odokkc bulu Ru:ncpvncmc amincm gvmoto ngokkokki.

1 TIMOTI: 6:12

Ainc mc:jvgdok lcgangc silvg-siya:la mc:toka lo:dv-longkvpc turnamdcm gagtvla du:toka okodo:pc nolum gogtoji cdvlo no ainc lude:sunamdcm bojcrung lukanbinclok kcra:lo lusukaji.

1 TIMOTI: 6:13

Ru:ncpvnckc dungkolo sc:kobv appvngcm turnamcm bidagji, odokkc Kristo Jisubv sc:ko Bv lukanbinamdo Potindok Pilatkc kcra:do ainc lukanbinamko lutonc,

HIBRIUKVDVNG 10:23

Kajc ngoluk mc:tinnamdok pesunamdcm gagtvla du:lai olototo:pc bcngo:ma:pc, kapcnc sc:kobv pesutoji mc:jvg jvrvgdag;

HIBRIUKVDVNG 13:16

Ainc agercm gerpc mc:yamc:sayok odokkc nolukkc okko du:ji cdcm bisupc, kapcnc cdcmpinc palvgnam kvdv:dc Ru:ncpvncmc mc:lvgsumodag.

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

HIBRIUKVDVNG 4:14

Cdcmpc inamc ngolukkc sc:kobv taycng amongkvdv:do bottcru:nc dormoager gernc du:la, Jisubv, Ru:ncpvnckc Awodc, kajc ngoluk lude:sunamdcm gagtvla du:lai.

HIBRIUKVDVNG 5:9

odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji,

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.