2 KORINTIANGKVDVNG 7:4 - ANU LUGOD N. T. (BSI)

⁴ Ngokkc bottcru:nc bottcpc mc:sunammc nolukkolo dung; ngo mc:po mcnganc bi:dung. Ngolum ipusire: idag appv:lo, ngolu mc:pobadsudung.

2 KORINTIANGKVDVNG 7:4 ပူးပေါင်းရင်းမြစ်များ

AGER KVDVNG 5:41

Odo bulum amindok lcgangc mcnggcsaggcma:nam pa:pcnc kvtc:nam lcgangc mc:po mc:pola kcba:dokkc gvkangku.

ROMANKVDVNG 5:3

Cdcmpcyamsin, ngolu ngolum ipusire:kvdv:do mc:pomola:do, ipusire: pa:dolo:sin mentumsula:nam tornamcm lenmodag cmna kinna:yam,

1 KORINTIANG KVDVNG 1:4

Ngo lo:dvscm noluk lcga:pc Ru:ncpvncmc aipaiycm bido Ru:ncpvnckc aya:dok lcga:dokki okodcm Kristo Jisukolo nolum bitungaji.

2 KORINTIANGKVDVNG 1:14

jc nolu ngolukokki bottapc mc:sula:ycpc ngolu kapc nolukkokki mc:la:dagji, Ru:tum Jisukc Longcdo.

2 KORINTIANGKVDVNG 1:4

sc:kobv ngoluk ipusire: pa:do appv:lo ngolum ni:dagji, odomvlo sc:kobulu atv ipusire: pa:ycmvlo ngolu ni:la:ycpc, oko ni:namdokki ngolum avycsin Ru:ncpvnckc ni:namdokki ni:doji.

2 KORINTIANGKVDVNG 10:8

Kapila:nc cdcmv:pc idaggom adji:oko bottapc lusudo ngoluk airu:pc ilang-gvlangcm, okodcm Ru:tumbv mosa:nadopc bitoji odokkc mopenma:pc, ngo ngom anyi:sumoma:yc.

2 KORINTIANGKVDVNG 11:21

Ngo anyi:supc, ngo lupa:ru:yc, ngolu odok lcga:pc airu:pc rcmagdagai. Cmpige:la okkomci sc:koi bottapc lubonsupc asinc mcngkvycnc–ngo monba:ba:ncmpc ludung– ngo:sin cdcm bottapc lubonsupc asinc mc:sudag.

2 KORINTIANGKVDVNG 2:14

Cmpige:la Ru:ncpvncbv aipai pangka:langka, sc:kobv ngolum lo:dvscm Kristokokki mopvla mc:modagji, odokkc ngolukkokki Bvk kinnamlo nampodcm appv:lo:pc mcgo:lvgdag.

2 KORINTIANGKVDVNG 3:12

Ngolukkc cdcmpinc mc:tinko du:namc, ngolu airu:pc asin pvtado, Mose:kcmpcmang,

2 KORINTIANGKVDVNG 7:14

Kapila:nc jodi ngo bvm nolukkolo lubonko lubito, ngom anyi:dopc imangai; cmpige:la nolum lunam appv:dc kapc arodagaji, cdcmpc ngoluk bottapc lusunamdc Titukc kcra:do aropc lcngkanto.

2 KORINTIANGKVDVNG 8:24

Cdcmpidag sc tani:kvdv:scm noluk agomcm lukanbila lubilang, mondoli: kvdv:dok kangko-tadkolo noluk aipc mc:nam agomcmnang nolum ngoluk lubonsula lunamdc.

PILIPIANG KVDVNG 1:14

odokkc bvro appvngkvramdcmci Ru:tumkolo asinc kvnggvngammoto ngok makana:lo du:namkokki, odokkc pcsokonoma:pc Ru:ncpvnckc agomdcm bojcrungyangko kvnggv:yangkang.

PILIPIANG KVDVNG 1:20

Cdcm kapc ngo kvnggv:pc toka:la mc:doji odokkc mc:dag jc ngo cmpcsin anyv:suma:yc, cmpige:la jc asinc kvnggv:pc migang ga:la su:pak lo:dvpc kapc Kristomc mcnggcycnc ngok amvrro, turnamkokki cdcmanggom sinamkokki.

PILIPIANG KVDVNG 1:26

odomvlo jen ngokkolo nolu pv:namkopc Kristo Jisukolo amin gvmonam lcgangcm pa:ycpc.

PILIPIANG KVDVNG 2:17

Cddo:mang ngom noluk mc:jvgdo tolvgla palvgnamdo palvgdaggom, ngo noluk appvngkc lcdulo mc:podag.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

1 TISSALONIANG 2:19

Kapila:nc ngoluk mc:tinamdc okodcn cdcmanggom mc:ponamdcm cdcmanggom bottapc lubonsunamdok dumlubc ngoluk Ru:tum Jisukc kcra:do Bvk gvdokudo?

1 TISSALONIANG 2:2

cmpige:la ngo Pilipi:do cmpci du:gcm gvttoibong odokkc anyv:sudopc ittoibong, kapc nolu cmpci kindagji, ngolukkolo asina:ngc pvtanammc ngoluk Ru:tumkolo dungai nolum Ru:ncpvnckc tadponc lutaddcm lubipc kvnggv:pc birudi:ko kcra:lo.

2 TISSALONIANG 1:4

Cdcmpidag ngolu Ru:ncpvnckc mondoli:do lubonsula av-avyc lusudo mcnggab garabla du:namdokki odokkc mc:jvgdok lcgangc noluk appvng ipusire: kvdv:do odokkc du:g gvnamlo okodcm nolu menbomna du:nc.

PILEMON 1:7

Kapila:nc nokkolokkcm ngo bojcrungko mc:pom odokkc du:po dungancm nok aipc mc:namdokkcm pa:to, ngok bvrra, kapila:nc nokkokki aipc kumnc tani:kvdv:dcm mc:pomoto.

JAKOB 1:2

Cdcm appv:dcm mc:pobatsunampc mc:toka, ngokkc bvrrangkvdvnga cdvlo nolu angu angu ipuseire:ycm pa:ycji,