2 KORINTIANGKVDVNG 7:1 - ANU LUGOD N. T. (BSI)

¹ Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

2 KORINTIANGKVDVNG 7:1 ပူးပေါင်းရင်းမြစ်များ

1 TISSALONIANG 4:7

Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn.

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

JAKOB 4:8

Ru:ncpvnckc kcra:pc gva:toka odokkc Bv:sin noluk kcra:pc gva:ycpc. Noluk alagkvdv:dcm mopu:sutoka, c:i papi:kvdvnga, odokkc noluk asinkvdv:dcm narc:motoka, c:i asin ba:nyikopc gcnctani:ya.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 KORINTIANG KVDVNG 6:20

Nolu noluk avkcmang; nolum arckokki rctung. Cdcmpidag Ru:ncpvncmc noluk amvrkvdv:do amin gvmotoka.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.

HIBRIUKVDVNG 4:1

Cmpila, cdvlo Bvk gva:la du:rasukodc du:pakdagnc, kajc pcsola:jc ckvma:mvlo nolukkolok akoncm odopc gva:langkuma:dopc kcbang ba:ycpc.

METIU 5:48

Nolu, cdcmpidag, appvngcm kinbvnpa:danyc, noluk taycng amongkc Abukc kinnbvnkammarcmpc.

METIU 5:8

“Narc:nc asin gcnc kvdv:dc aipc luitpcnamc, kapila:nc bulu Ru:ncpvncmc ka:begyc.

1 JO:N 1:9

Jodi ngoluk pa:pkvdv:dcm lude:suyc, Bv mc:jvg jvgncko odokkc aropc kcba:ba:ncko, odokkc ngoluk pa:pkvdv:dcm mc:yinsubiyc odokkc ngoluk appvng dormo kama:namlokkcm mopu:dag.

IPESIANG KVDVNG 2:3

Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.

ROMANKVDVNG 5:20

Lujvg-lurodc angkang, imursiyardcm ibarmopc cmna; cmpige:la okolo pa:bc bojcka:ji, ayangc cdc appv:dcmyam bojcyangkang,

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

HIBRIUKVDVNG 12:28

Cdcmpidag kajc mc:lvgsulai yonku:la:ma:nam migomdungko amo:dcm pa:la:yam, odokkc cdcmpidag kajc Ru:ncpvnckolo:pc tolvglai kvnggv:pc mcnggcru:la;

HIBRIUKVDVNG 12:23

odokkc gvkumsunamdcm opongarnamkvdv:dcm taycng dungkoto amincm adgabtak, odokkc kcba: ba:nckolo:pc sc:kobv appvngkc Ru:ncpvnncji, odokkc tani:kvdv:dc monam aiyo:pc imonam yalo kvdv:dcm, odokkc Jisukolo:pc,

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

2 KORINTIANGKVDVNG 1:20

Kapila:nc Ru:ncpvnckc pesubinam appv:dc buluk c:vdcm Bvkkolo pa:dag. Cdcmpila:yam Bvkkoki ngolu Amendcm ludo, Ru:ncpvnckc amin gvnam lcgangc.

AGER KVDVNG 9:31

Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.

METIU 12:33

“Vsv:dcmci aimotoka, odokkc odok a:ycdc aiyc; cdcmpcma:mvlo vsvdcm aima:pc imotoka, odokkc odok a:ycdc aima:ycpc; kapcnc vsv:dcm odok a:ycdokki kinna:dag.

HIBRIUKVDVNG 6:9

Ngolu cdcmpc ludaggom, cdcmpc idaggom noluk agomlo, aipc mc:bomsunam kvdvnga, ngolu turnam pa:namdok atvcm aiya:pc mc:dag.

1 PITOR 1:15

cmpige:la Bv sc:ko nolum gogtoji angunnc, nolusin anguntoka noluk appvng agerlo gernamlo;

1 PITOR 1:17

Odokkc jodi nolu Bvk Abukopc gogyc sc:kobv bvkkc bvkkc inamdcmpc akonongcm ka:ma:pc kcbangcm ba:donc, noluk amikc amo:lo yc:bomkosula du:do ayir appv:do pcsokono asinc gcla du:langka.