2 KORINTIANGKVDVNG 6:5 - ANU LUGOD N. T. (BSI)

⁵ Ipusire: pa:namlo, torpc ager gernam kvdv:lo, dungko-ycko kama:pc ipusire: pa:dom, dcmdokvdv:dcm, makana:lo tumla lc:dom, uru:sare:dowcm, kvnggv:pc mcnggapla ager gerdom, toya:la darra du:dom, doma:pc menna du:dom.

2 KORINTIANGKVDVNG 6:5 ပူးပေါင်းရင်းမြစ်များ

2 KORINTIANGKVDVNG 11:27

kvnggv:pc ager gerdomnang torpc ager gerdom pcsopcnamc, bojcrungko yubbegma:nam yumclo, kcnongclang tv:lv:lo, lckko lckko:lo donam kama:pc, svkvrra akud ali:pc dungkolo,

AGER KVDVNG 17:5

Cmpige:la Jiwukvdv:dc ncdagai odokkc tani:kcrc:dok aima:n ajonckkc jonsuge:la, bulu tani:kvdv:dcm kcrcngkopc yadkumsumoto, nogorpakdcm jcnggumna jc:moto, odokkc Jasonkc okumdcm moa:bomkang, bulum tani:kvdv:dok kangkolo:pc la:lenpc cmna mala.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

HIBRIUKVDVNG 13:23

Nolu kinpcnammc jc ngoluk bvro Timoti:bvm mclennvgtoku, sc:kokokki ngo nolum ka:begycku bv jodi lomdanna gvyc.

HIBRIUKVDVNG 13:17

Noluk igur-gvgurbonc kvdv:dok lukam tadlangka odokkc bulukkolo tolvgsulangka; kapcnc bulu noluk yalokvdv:dcm kanggabya:la dung, isabcm bikupcnc tani:kvdv:dcmpc. Bulum mc:po-mcnganla scm germotoka, odokkc mc:dvrra ima:pc, kapcnc cdc nolukkcpc ipo-siyanncpc ima:yc.

HIBRIUKVDVNG 11:36

Akedc moki:-moadcm mokosuto odokkc sabukkokki dcmnamcm, odokkc ikoli:ki yc:namcm odokkc makana:lo tumnamcm.

2 TIMOTI 4:5

Nokkcdan, lo:dcm du:tvdagtvncpc itoka, du:g-gvnamcm gvlangka, lutad lubinc tani:lok agercm gerlangka, nok migom ager gernamcm gerpvtlang.

2 TIMOTI 2:9

cdc tadponc lutaddcm okodok lcgangc ngo irvsinyom pa:doji tani:mokencmpc ikoli:ycm koggabkosula dung.

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

1 TIMOTI: 4:10

Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.

1 TISSALONIANG 2:9

Kapcnc nolu ngoluk ager gernamclang kvnggv:pc ager gernamcm kindag, bvrokvdvnga; ngolu yummcmnang longgcm agercm gerto, odomvlo nolukkolok sc:komsin jo:namko jo:dopc ima:dopc, cdvlo ngolu Ru:ncpvnckc tadponc lutaddcm nolukkolo lubitoji.

PILIPIANG KVDVNG 1:13

Cdcmpc ikang jc cdc kcbang tadnc appv:dc kinapkang odokkc ake appv:do:pc jc ngok makana:lo du:namdc Kristokc lcgangc;

IPESIANG KVDVNG 3:1

Odok lcga:pc ngo, Poulbv, Kristo Jisukc lcgangc makana:lo tumnamc nolu Angu tani:kvdv:dok lcgangc.

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 7:5

Akoncm akonc nv:paksuyoka asudowko mcngkvla tolvgsunamdok ma:mvlo, jc no avyc kumnamno kumna du:ma:mvlo; cmpige:la odokkc lckoda gvpumsulangkuk, ckvma:mvlo nolum ka:bomc:bomoyc avyc asinc mc:tumsula:ma:la.

1 KORINTIANG KVDVNG 4:11

Silokc ayirso:pc ngolu kcnongclang tv:lv:dung, ngolum bcdu gasor kama:pc odokkc dcmko pakosula odokkc okum rvgngong kama:pc ila dung,

AGER KVDVNG 28:30

Odokkc bv odo bvk avkc murkongki dv:tag anyiko du:to, odokkc bvkkolo:pc sc:kobulu gvangka:nc appv:dcm torvgsuka,

AGER KVDVNG 26:29

Odokkc Poulbv luto, “su:pakdagba: aso:pcdagba, ngo Ru:ncpvnckolo:pc kumdung jc nowyo:mang cmpige:la silokc longcsok cdc tadnc appv:dcm ngokkcmpc iycpc cmnasc ikoli:sokki yc:namscm mcge:la.”

AGER KVDVNG 26:10

Odokkc ngo cdcmv:pc Jerusalemdo ito; ngo bojcrungko aipc kumnc tani:kvdv:dcm makana:lo tummangongai, kumnam ager gernc kvdv:dok bottarya:nckvdv:dok ilang gvla:namdok do:jvgkokki, cmpige:la cdvlo bulum mokedungaji ngok asincm buluk birudi:pc tolvgka.

AGER KVDVNG 24:27

Cmpige:la dv:tak anyiko idodcm Pelikkc dungkodo Porkiu Pestu:bv pa:to; odokkc Jiwu kvdv:dok mcngkampc ibinamko ibipc cmna mc:la, Poulmc Pelikbv makana:do tumna mcpakto.

AGER KVDVNG 23:35

“Ngo nok agomcm tadyc cdvlo nom lugcnam kvdv:dc lenycji.” Odokkc bv bvm Herodkc kcbang bangkodo ka:sv:la du:dopc lulvgto.

AGER KVDVNG 23:10

Odokkc cdc luka:mvnsunamdc kvnggv:pc bottcnammc, kcba:ba:nc dc, Poulmc bulu tu:nyi tuwumkopc ipakpckc cmna pcsokang, mimagmo nckvdv:dcm gvila bvm sotcr sotcr sogabdopc bulukkolokkcm lulvgto odokkc bvm mimagmonckvdv:dok okumdo:pc langa:to.

AGER KVDVNG 20:31

Cdcmpidag ansu-ka:sutoka, ngo:jc dv:tak tagumkopc yummcm longgcm appvngcm migsidvla ainc agomcm luyirka cmnam mc:pa:tvla.

AGER KVDVNG 14:23

Odokkc cdvlo bulu mondoli: appv:lo buluk lcgangc abv:nc ka:sv:ncm agercm togc:lvgotonc, doma:pc menna kumnamki, bulu Ru:tumkolo tolvgto sc:kom bulu mc:jvgtoji.

AGER KVDVNG 14:19

Cmpige:la Jiwukvdv:dc odopc Antiokdokkclang Ikoniumdokkc gvto; odokkc tani:kvdv:dcm luwurlvgla, Poulmc bulu vlvngkokki crtapto odokkc bvm nogordok ru:yipc solennvgto, bv sika:bong cmna mc:la.

AGER KVDVNG 13:3

Doma:tv:ma:pc dungge:la kumdag lcdudcm odokkc buluk tayc:lo alagcm pigabge:la kumto odokkc bulum mcpaglvgto.

AGER KVDVNG 5:18

odokkc ncla:yam bulu mclvgla ager germonam kvdv:dcm ycnggabamto odokkc bulum cmpc tumpongko makana:do tumla lc:to.

METIU 14:10

bv mclvgto odokkc Jo:nmc makanang arangolo tukkudcm papvrmoto,

METIU 14:3

Kapila:nc Herodbv Jo:nmc sogapka odokkc ycnggabge:la makana:lo lvgto, Herodiangkc lcgangc, bvk bvrodok Philipkc nc:ngc;

METIU 9:15

Odo Jisubv bulum lubito, “Mida:dok mibokvdv:dc buluk lcdudo magbodc du:do takamcm mc:dvrmc:sola:dolang? Longckoncm pvnga:yc, cdvlo bulukkolokkcm magbodcm gvpakboyckubong, odokkc bulu menyc.