2 KORINTIANGKVDVNG 6:16 - ANU LUGOD N. T. (BSI)

¹⁶ Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.

2 KORINTIANGKVDVNG 6:16 ပူးပေါင်းရင်းမြစ်များ

LUNGOR LUNAM 21:3

odokkc ngo bottapaknc gomugko migomdungkodokkc ludopc ngo tatto, “Ka:toka, tani:kvdv:dok lcdulo Ru:ncpvnckc du:nam dagnamc. Bv buluk lcdulo du:mvnyc, odokkc bulu Bvk tani:pc iyc, odokkc Ru:ncpvncbv avdci buluk lcdulo du:mvnyc;

HIBRIUKVDVNG 8:10

Sc:na Israel okum cra:dokki lugoddcm luycnc ngo odo longckvdv:dok lcdulo, Ru:tumbv ludag ngok lujvg lurrom buluk asin ara:do lvgyc, odokkc buluk asin ara:do adyc, odokkc ngo buluk Ru:ncpvncpc iyc, odokkc bulu ngok tani:pc iyc.

1 KORINTIANG KVDVNG 6:19

Nolu kinma:nci jc noluk amvrkvdv:dc Angunnc Yalodok kumko cmna noluk arangv:do okodcm nolu Ru:ncpvnckolokkcm pa:toji?

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

1 JO:N 4:15

Sc:kobvi lude:suyc Jisubv Ru:ncpvnckc Aowo, Ru:ncpvncbv Bvkkolo du:mvndo, odokkc Bv Ru:ncpvnckolo.

IPESIANG KVDVNG 3:17

odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.

JO:N 6:56

Sc:kobv ngok adincm doycji odokkc ngok i:ycm tv:ycji ngok dungkodo lcdulo du:mvn-dagmvndag, odokkc ngo:sin bvk dungkolo du:mvndo.

HIBRIUKVDVNG 3:6

cmpige:la Kristobv awo akoncmpc Ru:ncpvnckc okumdo mc:jvgjvrvgdagai. Odokkc ngolu Bvk okumc ngolu jodi mc:tinsutvla du:mvlo odokkc ngoluk mc:tinno bottcpc mc:sutvmvlo.

1 PITOR 2:5

odokkc turnc vlvngkoncmpc nolu av-avkvdvngc dormokanam yalokvdvng okumpc mosa:toka, angunnc dormo ager gerncpc, dormokanam yalolok palvgnampc bulu Jisu Kristokokki Ru:ncpvnckolo bisula:dopc.

2 TIMOTI 1:14

Angunnc Yalodokki oko arodcm nom togc:lvgtaganc aipc mc:toka okodc ngolukkolo du:ji.

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.

ROMANKVDVNG 9:26

“Odokkc odo okolo cdcmbulum lukaji, ‘Nolu ngok tani:mang,’ bulum luyc ‘Turra du:nc Ru:ncpvnckc awokvdvngc.’ ”

ROMANKVDVNG 8:9

Cmpige:la nolu adin amvrdo du:mang, nolu Yalodo dung, jodi aropakpc nolukkolo Ru:ncpvnckc Yalodc du:mvlo. Sc:kkci Kristokc Yalodc kama:ji Bvkkcmang.

IPESIANG KVDVNG 2:20

mclvgla ager germonam odokkc lungor lunckvdv:dok tayclo mosa:nammc, Kristo Jisubv avdci su:kdok vlv:pc ila:yam,

METIU 6:24

“Sc:kosin ru:tum anyilok agom tadla agercm gerbila:mang; bv akoncm tayumyc odokkc akondcm aipc mc:yc, cdcmanggom akondc aipakpc mc:yc odokkc akondcm aima:pc mc:la mcpakyc. Nolu Ru:ncpvncmc odokkc murkong uidok agercm lckko:pc gerra:mang.

LUNGOR LUNAM 2:1

“Ipesu:dok mondoli:dok taycng among lutad luncdo:pc adtoka: “Bvk agom kvdv:dcm sc:kobv takar kvnvddcm Bvk lagbvk alagdo bomdagji, sc:kobv kvnvd avn saki: lcnggcng arangkvdv:do gvgo:dagji.

METIU 16:16

Simon Pitorbv luto, “No:na Kristodc, turra du:nc Ru:ncpvnckc Awodc.”

JO:N 14:23

Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.

1 KORINTIANG KVDVNG 10:21

Nolu Ru:tumkc tv:nanc ko:pdcmsin odokkc uidok tv:nanc ko:pdcm tv:la:mang. Nolu Ru:tumkc tcbuldcmnang uikc tcbuldcm du:bosula:mang.

IPESIANG KVDVNG 2:22

sckkolo nolumsin Ru:ncpvnckc dungko okumpc Yalodokki motagji.

1 TIMOTI: 3:15

jodi ngo lcdupc gvyc, nolu kinpa:yc jc kapc Ru:ncpvnckc okumcra:dcm ka:sv:mosv:pcnamcji, okodc turnc Ru:ncpvnckc mondoli:ycji, arolok du:rasunc gai kunta odokkc gcrinamdc.

JAKOB 4:5

Cdcmanggom cdcm nolu mcngka:la ka:donci jc astro:dc arusu:ma:pc lutag cmna, “Bv ka:ruka:ma:la ngoluk ara:lo yalodcm du:motung cmna?”

LU:KKC 5:36

Bv bulum kvkanna kvnam do:yvngkosin kvbito: “Sc:kosin anu gainlokkcm pedlenge:la odokkc aku gainkolo cdcm potaglvgmang; bv cdcmpc imvlo, bv cdc anudcm bedboyc, odokkc anudok inyopdc akudo omlusuguma:yc.