2 KORINTIANGKVDVNG 5:9 - ANU LUGOD N. T. (BSI)

⁹ Cdcmpidag ngolu mcngkampc du:mvndaggom, ngolu cdcm ngoluk mcngkampc itu:bong Bvm aipc mc:lvgsumopc cmna.

2 KORINTIANGKVDVNG 5:9 ပူးပေါင်းရင်းမြစ်များ

KOLOSIANG 1:10

Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

ROMANKVDVNG 14:18

sc:kobv cdcmpc Kristokc agercm gerdoji Ru:ncpvnckc torvgsupcnammc odokkc tani:kvdv:dc aidag cmna tolvgdag.

2 PITOR 3:14

Cdcmpidag, aipc mc:bomsunamkvdvnga, nolu scmbulum toya:la du:namc, Bvkkokki oko koiyangcmsin kama:pc pa:dokupc cdcmanggom imursiyar kama:dopc, odokkc mcnganna mcngandopc.

1 TIMOTI: 4:10

Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.

1 TISSALONIANG 4:11

noluk agercm avkcm mc:la gerbomdopc, odokkc noluk avkc alagkvdv:dokki agercm gerdopc, kapc nolum ngolu lugaplvgkaji;

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

ROMANKVDVNG 15:20

cdcmpidag tadponc lutaddcm lugo:pc ngok owudpc mc:la gerpvtpc cmna mc:la, okolo Kristomc amincm mintoji odoma:pc,

ROMANKVDVNG 14:8

Ngolu turmvlo, ngolu Ru:tumkc lcgangc turdo, odokkc ngolu sidomvlo, ngolu Ru:tumkc lcgangc sido; cdcmpila cmpcmvlo, ngolu turdunggom sidunggom, ngolu Ru:tumkc.

AGER KVDVNG 10:35

cmpige:la appvng opvnno sc:kobvi Bvm pcsogcycji odokkc okodc aidagji cdcm imvlo Bvkkcpc torvgsula:dag.

HIBRIUKVDVNG 12:28

Cdcmpidag kajc mc:lvgsulai yonku:la:ma:nam migomdungko amo:dcm pa:la:yam, odokkc cdcmpidag kajc Ru:ncpvnckolo:pc tolvglai kvnggv:pc mcnggcru:la;

HIBRIUKVDVNG 4:11

Kajc cdcmpidag cdc du:rasukodo:pc gva:lai, jc sc:kosin cdcmv:pinc agom lukamdcmpc tadma:nampc ingapla siycpc.

KOLOSIANG 1:29

Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.

2 KORINTIANGKVDVNG 5:8

Ngolu asinc bottapc mc:sudo, odokkc amvrdokkci mo:tc:yc odokkc Ru:tumkolo mcngkampc du:mvnyc.

2 KORINTIANGKVDVNG 5:6

Cdcmpidag ngolu lo:dvscm asinc bottapc mc:do; ngolu kindag jc cdvlo ngolu amvrdo avk okumlo dungkampc du:ji ngolu Ru:tumkolokkc mo:tc:pc du:do.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

IPESIANG KVDVNG 1:6

Bvk amin gvnc aya:dokkcpc aipai bipc okodcm Bv ngolukkolo bitonc Mc:bomsunamkvdv:do.