2 KORINTIANGKVDVNG 5:8 - ANU LUGOD N. T. (BSI)

⁸ Ngolu asinc bottapc mc:sudo, odokkc amvrdokkci mo:tc:yc odokkc Ru:tumkolo mcngkampc du:mvnyc.

2 KORINTIANGKVDVNG 5:8 ပူးပေါင်းရင်းမြစ်များ

2 KORINTIANGKVDVNG 5:6

Cdcmpidag ngolu lo:dvscm asinc bottapc mc:do; ngolu kindag jc cdvlo ngolu amvrdo avk okumlo dungkampc du:ji ngolu Ru:tumkolokkc mo:tc:pc du:do.

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

JO:N 14:3

odokkc cdvlo ngo gvlangkula noluk lcgangc dungkoko mosv:yckumvlo, ngo lckoda gvlatycku odokkc ngo nolum ngokkolo:pc la:rvgsuycku, ngo okolo du:yckunc nolusin odo du:yckupc.

2 KORINTIANGKVDVNG 5:9

Cdcmpidag ngolu mcngkampc du:mvndaggom, ngolu cdcm ngoluk mcngkampc itu:bong Bvm aipc mc:lvgsumopc cmna.

LUNGOR LUNAM 22:3

Odo oko pelvgnammcsin kama:ycbong, cmpige:la Ru:ncpvnckc migom dungkodc odokkc cdc Awome:r sobendc odo du:yc, odokkc Bvk ager gerya:nc kvdv:dc Bvm kumyc;

AGER KVDVNG 21:13

Odo Poulbv luto, “Nolu okkom idu:n, ngok asinscm kabla bedmodu:nci? Kapila:nc ngo makana:lo tumkosuppong cmnai mosv:sumang cmpige:la Ru:tum Jisukc amin lcgangc Jerusalemolo sipcsincimvn mosv:sutung.”

JO:N 17:24

“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

LU:KKC 2:29

“Ru:tuma, su:pak nok ager gerya:ncdcm no mc:po:pc mclvgtungkubong, nok agom lukamdcmpc;

METIU 25:23

Bvk ru:tumdc bvm luto, ‘Aroru:pc aipc ito, ainc odokkc mc:dap-darapnc ager gerya:na; no adjio:doksin mc:dapdarapto, ngo nom bojcru:lokkcpc tolvgyc; nok ru:tumkc mc:pokolo mc:pomvntoka.’

METIU 25:21

Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.