2 KORINTIANGKVDVNG 5:17 - ANU LUGOD N. T. (BSI)

¹⁷ Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

2 KORINTIANGKVDVNG 5:17 ပူးပေါင်းရင်းမြစ်များ

JO:N 3:3

Jisubv bvm lubito, “Aro-aroru:pc, ngo nolum lubidung, akoncm anupc otenkuma:-sisscm, bv Ru:ncpvnckc migom doko mo:pvdcm ka:begma:yc.”

GALATIANG KVDVNG 6:15

Kapila:nc gadpuknamdcmsinmang atvlcgang kvnamdc, cdcmanggom gadpukma:namdc, cmpige:la anupc ru:namdc.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

JO:N 15:5

Sc:kobv ngokkolo du:mvnycnc, odokkc ngo bvkkolo du:mvnmvlo, bv:na cdc bojcrungkopc a:yc e:ncdc, kapila:nc ngo:ma:mvlo nolu okkomsin ila:mang.

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

ROMANKVDVNG 7:6

Cmpige:la su:pak ngolum lujvglurodokkc mclenlvgkunammcbong cdc sikodokkcm okodc ngolum makana:lo ycnggabla lc:tungaji, odomvlojen ngolu aku lujvgluro adgabnamdcmpc germa:yc cmpige:la Yalodok turnamdcmpc.

2 KORINTIANGKVDVNG 5:16

Su:pakkolokkc, cdcmpidag, ngolu sc:komsin tani: mcngkam sagkampc kinma:bong; cdcmpidaggom Kristomc lcko tani: mcnggodlok mc:la mcnggcdagagomsinci Bvm su:pak ngolu cdcmpc cdvlosin mcngkuma:bong.

JO:N 3:5

Jisubv lubito “Aro-aroru:pc, ngo nolum lubidung, akoncm asiloklang Yalodokki okuma:sisscm, bv Ru:ncpvnckc migom doko mo:pvdo:pc gva:a:ma:yc.

IPESIANG KVDVNG 2:15

Bvk adindokki luyirla lulvgnamkvdv:do lujvglurodcm odokkc lutcmla lunam lujvglurodcm la:pakla, jc Bv:jen Bvkkolovng anu tani:ko ru:ladopc anyidok dungkodo,

GALATIANG KVDVNG 3:28

Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

JO:N 17:23

ngo bulukkolo odokkc no ngokkolo, bulujen aiyo:pc akkongkopc idopc, odomvlo rcngamso:jen kinycpc ngom jen no mclvgtung odokkc bulum aipc mc:to no ngom aipc mcngkamdcmppvng.

JO:N 14:20

Odo longcdo nolu kinycpc ngo:jc ngok Abukolo du:dag cmna, odokkc nolu ngokkolo, odokkc ngo nolukkolo.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

METIU 12:33

“Vsv:dcmci aimotoka, odokkc odok a:ycdc aiyc; cdcmpcma:mvlo vsvdcm aima:pc imotoka, odokkc odok a:ycdc aima:ycpc; kapcnc vsv:dcm odok a:ycdokki kinna:dag.

METIU 24:35

Taycng amongtc: odokkc tani:amo:sc yogpagyc, ckvdaggom ngok agomkvdv:dc yogma:yc.

1 KORINTIANG KVDVNG 13:11

Cdvlo ngo kowowa:ji, ngo kowawkoncmpc agomcm luka, ngo kowawkoncmpc asinc mcngka, ngo kowawkoncmpc lugodcm luka. Cdvlo ngo bottaka:ji ngo inam gvnam lambckvdv:dcm ko:kangcmpc mcpakto.

2 KORINTIANGKVDVNG 5:19

cdcna, Kristokolo Ru:ncpvncbv lckomodungakui Bvkkokki rcngamscm, buluk imursiyarcm buluk birudi:pc, odokkc ngolum lckomokunamdok lutadcm togclvgla.

2 KORINTIANGKVDVNG 12:2

Ngo tani: akoncm kindag Kristokolo sc:kobvm dv:tak tagyvngkolang takpi:ko po:pc taycng among awumpc dc:sa:moto– amvrtc:tc:pc manggom cdcmanggom amvrkama:pc ngo kinmang, Ru:ncpvncbv kindag.

PILIPIANG KVDVNG 4:21

Kristo Jisukolo aipc kumnc tani: appvngcm kumtadsunamcm bilangka. Sc:ko bvrokvdv:dc ngok lcdulo du:mvndu:nc nolum kumtadsudag.

ROMANKVDVNG 16:7

Andronikumc odokkc Junia:mc kumtadbilangka, ngok ope:ncgvngc odokkc ngok makana:lo du:jonc; bulu mclvgla ager gernamkvdv:dok amin gvnc tani:yc, odokkc ngokkcmyam po:pc bulu Kristokolo dungai.

ROMANKVDVNG 16:11

Ngok ope:ncgvng Herodionmc kumtadsubilang. Sc:kobulu Ru:tumkcpc du:nc sc:kobulu Narkisukc ope:dokkcpc idagnc cdcmbulum kumtadsubilang. Cdc Ru:tumkolo ager gernckvdv:dcm kumtadsubilang,

ROMANKVDVNG 16:3

Priska:mclang Akila:mc aipai cmtadlang, Kristo Jisukolo ngok ajon ager gerjonc,

ROMANKVDVNG 16:9

Urbanumc kumtadsubilang, Kristokolo ngoluk ager gerjondcm, odokkc ngok aipc mc:nam Istaykumc.

ROMANKVDVNG 16:10

Apelle:mc kumtadsubilang, sc:komc Kristokolo ainc cmna lutoji. Aristobulukc ope:dokkcpc inckvdv:dcm kumtadsubilang.

LU:KKC 5:38

Cmpige:la anu angur ala:dcm alang pvgcngkolo pvpa:ru:yc.