2 KORINTIANGKVDVNG 4:5 - ANU LUGOD N. T. (BSI)

⁵ Kapila:nc okodcm ngolu lutadbidonc cdc ngoluk av avkcmang, cmpige:la Jisu Kristobv Ru:tumpc incdc cmna, ngolu av-avyc noluk ager gerya:ncpc Jisukc lcgangc.

2 KORINTIANGKVDVNG 4:5 ပူးပေါင်းရင်းမြစ်များ

METIU 23:8

Ckvdaggom nolu robbi cmkosupcnammang, kapila:nc nolukkc luyirnc akkongko dung, odokkc nolu appvngc bvrrangongc

METIU 3:11

‘Ngo nolum asin mc:dvrra mclatsukunam lcgangc baptismongcm bidung, cmpige:la sc:kobv ngok lcdupc gvmvndu:nc ngomyam tornam kaya:dag, sc:kokc panoti:ycm ngo jo:pci ainckomang; Bv nolum Angunnc Yalodokki odokkc vmvkokki baptismongcm biyc.

JO:N 7:18

Sc:kobv avkc lulang-gvlangkokki luycnc avkc amin gvnamcm masudag; cmpige:la sc:kobv Bvm mclvgncdok amin gvnamcm maycji bv arro, odokkc bvkkolo lume: lunamc kamang.

AGER KVDVNG 10:36

Israelkvdv:pc oko agomcm mclvgtagji nolu kindag, Jisukokki mcngannok tadponc do:yv:dcm lutad lugo:bila (Bv appv:lok Ru:tumc,)

AGER KVDVNG 2:36

“Israelkc ope: appv:dcm aroru:pc kinmotoka jc Runcpvncbv Bvm Ru:tumpclang Kristopc imoto, cdc Jisumc sc:kom nolu kuruslo pvtketoji.”

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

1 KORINTIANG KVDVNG 1:23

cmpige:la ngolu kuruslo pvtkenam Kristomc lutadbigo:do. Jiwu kvdv:dokkcpc lcsutsunam sv:tungc odokkc Angu tani: kvdv:dokkcpc monba:ba:nc,

1 KORINTIANG KVDVNG 10:33

ngo kapc appvng agercm gerdon appvng tani:ycm mc:lvgsudopc ikvla ka:do, ngok avkc ainamcm masuma:pc, cmpige:la bojcrungc aidopc, bulujen turdopc.

1 KORINTIANG KVDVNG 12:3

Cdcmpidag ngo nolum mcngkintoka cmna mc:dag jc sc:kosin Ru:ncpvnckc Yalodokki luncdc “Jisumc pelvgnampc ika:langka!” Cmna luma:yc, odokkc sc:kobv:sin Angunnc Yalodokkima:mvlo “Jisubv Ru:tumc” cmna lula:ma:yc.

1 KORINTIANG KVDVNG 15:47

Lenpo:nc tani:dc mo:pvsokkai, among tani:yc; tani: akondc taycngtokkai.

1 KORINTIANG KVDVNG 2:2

Kapila:nc nolukkolok Jisu Kristomc kurusdo pvtkenam agomdokma:mvlo okkomsin kinge:mang cmna mc:tckto.

1 KORINTIANG KVDVNG 4:15

Kapila:nc nolukkc kvngapla:ma:nam gvyirnc Kristokolo dunggom, nolukkc bojcrungko tadponc lutaddokkc Kristokolo abupc ikang.

1 KORINTIANG KVDVNG 8:6

Ckvdaggom ngolukkcpc Ru:ncpvnc akkongko dung, Abudc, okolokkc appvng attarcm ru:lentoji odokkc okolokkc ngolu du:doji, odokkc Ru:tumako, Jisu Kristobv, sckkokki appvng attarkvdv:dc odokkc sckkokki ngolu du:du:ji.

2 KORINTIANGKVDVNG 1:19

Kapila:nc Ru:ncpvnck Awodc, Jisu Kristobv, sc:kom ngolu noluk ara:lo lutadbitonc, Silbanubv odokkc Timoti:bv odokkc ngo, ngolu C: odokkc Ma: cmmangai; cmpige:la Bvkkolo cdc lo:dcm c:vyc.

2 KORINTIANGKVDVNG 1:24

Cdc cdcmang jc ngolu noluk mc:jvgdok tayc:do ru:tumpc imang; ngolu noluk lcdulo agercm gerto noluk mc:ponam lcganc, kapila noluk mc:jvglo nolu kvnggv:la dung.

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

PILIPIANG KVDVNG 1:15

Akkedan buluk amik ka:la:ma:namki odokkc ngo:pcya:-bv:pcya: cmnamkokki Kristomc lutadbigo:dag.

PILIPIANG KVDVNG 2:11

odokkc appvng aiyyo lude:supa:do jc Jisu Kristobv Ru:tumdc, Ru:ncpvnc Abudok amin gvnamdok gvdopc.

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

TITUS 1:11

bulum aso:pc du:moru:pa:yc; bulu crang appvngcm aglvng sangapmola:yam aima:pc ncrkvg arc pa:nam lcgangc poyirgo:la:yam okodcm bulukkc poyirpcnam sotto kama:ji.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.