2 KORINTIANGKVDVNG 3:5 - ANU LUGOD N. T. (BSI)

⁵ Ngolukkolokkc jc atvko lensula lusula:ncko cdcmang; ngoluk lula:namdc Ru:ncpvnckolokkc,

2 KORINTIANGKVDVNG 3:5 ပူးပေါင်းရင်းမြစ်များ

LU:KKC 21:15

Kaila:nc ngo nolum nappangkala kinnamko biyc, okodcm noluk agom tadma:pc lunc akosin lurasula:ma:yc cdcmanggom lukepla:ma:ycji.

LU:KKC 24:49

Odokkc ka:toka, ngo ngok Ba:bukc pesula lunamcm nolukkolo tolvgdung; cmpige:la sc nogorso du:tedpo:toka, nolum tayc:tokkc ilang gvla:nanncm moru:lvgma:sisscm.”

JO:N 15:5

Sc:kobv ngokkolo du:mvnycnc, odokkc ngo bvkkolo du:mvnmvlo, bv:na cdc bojcrungkopc a:yc e:ncdc, kapila:nc ngo:ma:mvlo nolu okkomsin ila:mang.

ROMANKVDVNG 15:18

Kapila:nc ngo mc:tapla atv agomcm lula:ma:yc okodcm Kristobv ngokkokki gertonc cdcmma:mvlo Ru:ncpvncmc kinma:nc kvdv:dokkcm lukam tadnamcm gagpc cmna, agomkokkilang ager gernamkokki, ikan gvkanna lcngkanna kanggod kvdv:dokkilang odokkc mcngapla:ma:nam kanggodkvdv:dokki,

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 3:10

Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

1 KORINTIANG KVDVNG 3:6

Ngo lelvgto, Apollo:bv asidcm pvlvgto, cmpige:la Ru:ncpvncbv sa:moto.

2 KORINTIANGKVDVNG 12:9

cmpige:la Bv ngom luto, “Ngok aya:dc nokkcpc pv:dag, kapila:nc ngok ilanggvla:dc rcmagdowcm aiyo:pc aidag.” Ngo cdcmyam mc:po:la bottapc lubonsuyc ngok ilang gvlangma:nam kvdv:dok lcgangc, jen Kristokc ilang-gvla:dc ngokkolo du:tvla du:ycpc.

2 KORINTIANGKVDVNG 2:16

Akonkcpc sikolokkc sikolo:pc nambegc, akondokkcpc turnamlokkc turnamlo:pc namponc. Sc atvkvdv:sokkcpc, sc:ko pv:dang?

2 KORINTIANGKVDVNG 4:7

Cmpige:la ngoluk sc lcngkumnam murko:sc among lcnggcng kvdv:l dung, cdcm lcngkanpc jc appvngcm bottaya:nc ilang gvla:dc Ru:ncpvnckc odokkc ngolukkcmang.

PILIPIANG KVDVNG 2:13

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

PILIPIANG KVDVNG 4:13

Bvkkolo ngo appvng agercm gerra:dag sc:kobv ngom kvnggv:modagji.

2 TIMOTI 2:2

odokkc no okodcm ngokkolokkcm tadtoji bojcrung lukanbinclokkcm mc:jvgnc tani:ycm togc:lvgnam sc:kobulu ammemsin poyirbila:dopc.

JAKOB 1:17

Appvng ainc aman binamkvdv:dc odokkc appvng aiyo:pc ainc bipaknam amanc tayc:tokkc, pva:lok Abukotokkc gvido sckkolo mcngumcnge:yc kamang cdcmanggom langkonsunam, lcgangc.