Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 KORINTIANGKVDVNG 3:18 - ANU LUGOD N. T. (BSI)

18 Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

အခန်းကိုကြည့်ပါ။ ကော်ပီ




2 KORINTIANGKVDVNG 3:18
24 ပူးပေါင်းရင်းမြစ်များ  

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.


Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.


Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.


Kapila:nc su:pak ngolu arsilo ka:soka:mola ka:do, cmpige:la odo dagrvgsudanna ka:begyc. Ngo su:pak intagongko kindag; odo ngo appv:dcm kinyc, ngo kapc appv:scmci kintoji


Okodcm kinnamlo anumotakji odok ru:ncdok dumsimigmo ila.


Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.


Ngolu among tani:dok mokampc monamdcmpc onampagc, ngolusin taycng among tani:dok mokampc monamdcmpcsin dumsimigmo kamvnnc.


Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.


Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.


Kapcnc jodi akonc agom lunamdcm tadno:pc iyc odokkc lukamdcmpc gerncpc ima:yc, bv tani:akoncmpc idag sc:kobv avkc du:tcng dumsimigmodcm arsilo ka:sudoji;


“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.


ngoluk dormokanam ngoluk ainc ager gernamong kokkimang, cmpige:la Bvk avkc mc:yinsunam aipc mc:jongkokkimvn, opvnkvdv:dcm vrpu:namdokki odokkc Angunnc yalodokki anumonamkokki,


Kapila:nc adinamvrdo mcnga:nc asindc Ru:ncpvnckokki mirupc inamc; cdc Ru:ncpvnckc lujvglurodok lukamdcmpc tadmang, ncrkvgpc cdc tadla:mang;


odomvlo jen lujvglurodok aidag cmnam monamdcm ngolukkolo pv:dopc, sc:kobulu adinamvrdcmpc gvma:ji cmpige:la Yalodcmpcji.


Isaia:bv cdcm luto kapila:nc bv Bvk amin gvnamcm ka:to odokkc bvk agomcm luto.


Cmpige:la Ru:tum Jisumc gctoka, odokkc adin amvrdokkcpc okkomsin lc:yoka, odok mc:namdcm mc:tcsumopc cmna.


Kapila:nc gadpuknamdcmsinmang atvlcgang kvnamdc, cdcmanggom gadpukma:namdc, cmpige:la anupc ru:namdc.


Ru:cpvnckc akirba:d pa:nc tadponc lutaddokkcmpc ima:ji ngom okodokki lugablvgtagji.


Amin gvnamdcm no okodcm ngom bitonc ngo bulum bitobong, bulujen akkongkopc iycpc ngolu akkongkopc ikamdcmpc,


Su:pak Ru:tumbv Yalodo, odokkc okoloi Ru:tumkc Yalodc du:nc, odo mc:sarc dung oddoi mo:ro:mo:tiyc.


Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ