2 KORINTIANGKVDVNG 3:17 - ANU LUGOD N. T. (BSI)

¹⁷ Su:pak Ru:tumbv Yalodo, odokkc okoloi Ru:tumkc Yalodc du:nc, odo mc:sarc dung oddoi mo:ro:mo:tiyc.

2 KORINTIANGKVDVNG 3:17 ပူးပေါင်းရင်းမြစ်များ

ROMANKVDVNG 8:2

Kapila:nc Yalodo du:nc Kristo Jisukolok du:nam dagnamdok lujvglurodc ngom pa:bdokkclang sinamdok lujvg-lurodokkcm motuto.

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

JO:N 8:32

“Nolu ngok agomno mc:jvgtvla du:mvlo, nolu aroru:pc ngok agom tadjvgla gvmvnnc, odokkc nolu arodcm kinyc, odokkc arodc nolum motuyc.”

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

2 TIMOTI 1:7

Kapcnc Ru:ncpvncbv ngolum pcsonc yaloko bimangai cmpige:la ilang-gvla:nc yaloko odokkc aipc mc:namc odokkc avycm mentumsula du:namko.

JO:N 6:63

Cdc yalodc:mvn turnamcm bincdc, adindc oko arrcsin kamang; ngok noluk agom lunamkvdv:dc yallolang turnamc.

2 KORINTIANGKVDVNG 3:6

sc:kobv ru:toji anu lugoddok migom ager gerncpc ngolum motoji, jvgnam lujvglurolo:mang cmpige:la Yalodo; kapila:nc adnam lujvglurodc mokedag, cmpige:la Yalodc turnamcm bidag.

1 KORINTIANG KVDVNG 15:45

Cdcmpila cdcm adtag, “Ru:lenpo:nam tani: Adambv turnc tani:pc ikang;” Lcddarkc Adambv turnam-binc yalopc ikang.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.