2 KORINTIANGKVDVNG 13:9 - ANU LUGOD N. T. (BSI)

⁹ Kapila:nc ngolu mc:podo cdvlo ngolu torma:ji odokkc cdvlo nolu tordoji. Okodcm ngolu kumdonc cdc noluk aibomla gvnam lcgangc.

2 KORINTIANGKVDVNG 13:9 ပူးပေါင်းရင်းမြစ်များ

2 KORINTIANGKVDVNG 13:11

Lungapdoso, bvrokvdvnga, cdcbong. Noluk lambckvdvdcm mosv:toka, ngok lunamkvdv:scm tadgapla ansutoka, akonc akoncm tadmvnsutoka, mcnganna du:la:daglangka, odokkc aya:nclang mcngannclok Ru:ncpvncbv noluk lcdulo du:ycpc.

1 KORINTIANG KVDVNG 4:10

Ngolu Kristokc lcgangc monba:ba:nc, cmpige:la nolu Kristokolo kinncpa:nc. Ngolu ilang gvla:ma:nc ckvdaggom nolu ilang-gvla:nc. Nolum mcnggcla du:namc, cmpige:la ngolum amin aima:pc gvmonammc.

1 TISSALONIANG 3:10

kvnggv:pc mcnga:la kumna yummcmna: longgcm jc ngolu ka:de: ka:de:pc ka:begycpc odokkc noluk mc:jvgdo okodcm kama:ji cdcm bidopc.

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

HIBRIUKVDVNG 12:23

odokkc gvkumsunamdcm opongarnamkvdv:dcm taycng dungkoto amincm adgabtak, odokkc kcba: ba:nckolo:pc sc:kobv appvngkc Ru:ncpvnncji, odokkc tani:kvdv:dc monam aiyo:pc imonam yalo kvdv:dcm, odokkc Jisukolo:pc,

HIBRIUKVDVNG 6:1

Cdcmpidag kajc Kristokc lusa:nam astrong agom lukamo:dcm mcge:la odokkc sv:titsunampc sv:sa:la kvnggv:la gvlai: lckoda sinam ager gernamkvdv:dok lcgangc odokkc Ru:ncpvnckc mc:jvgnamdok lcgangc lckoda dunggcngkoko mosa:ma:pc,

2 TIMOTI 3:17

jc Ru:ncpvnckc tani:dc pv:namkopc iycpc, aipc ainc ager lcgangc mosv:dopc.

KOLOSIANG 4:12

Ipapra:bv sc:kobv nolukkologvng akoncji, Kristo Jisukc pagbo akoncji, nolum kumtadsudag, lo:dv:scm airu:pc bvk kumkolo mc:pa:la, jc nolu kinncpa:ncpc du:ycpc odokkc Ru:ncpvnckc appvng mcnggodlo pv:namkopc arro cmna mc:la.

KOLOSIANG 1:28

Bvm ngolu lutadgo:bido, appvng tani:ycm lutadno:bila odokkc taycng among kinnam appvngki taniycm luyirbila, jen Kristokolo appvng tani:ycm jv:dopc mca:lvgyc.

2 KORINTIANGKVDVNG 11:30

Ngo bottapc lubonru:sumvlo, ngo ngom rcmagdopc lcngkannc atvkvdv:do bottapc lusuyc.

2 KORINTIANGKVDVNG 7:1

Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

ROMANKVDVNG 15:2

ngoluk appvngc kajc bvkkc bvkkc kumrvko:rcm bvk ainam lcgangc bvm aikampomopc cmna aipc mc:molai.

1 KORINTIANG KVDVNG 1:10

Ngo nolum kumna ludung, bvrokvdvnga, ngoluk Ru:tum Jisu Kristokc aminkokki, jc noluk ara:lo luker luyermvnsunammc kapcma:namc, cmpige:la jc nolu asin akko:do lckotoka odokkc c:mo:pinc kcbangcm ba:toka.

1 KORINTIANG KVDVNG 2:3

Odokkc ngo noluk lcdulo ilang gvla:ma:dom odokkc kvnggv:pc pcsodowcm odokkc jindom du:mvnka;

2 KORINTIANGKVDVNG 13:4

Kapila:nc Bv ilang gvla:ma:dodo kuruslo pvtketo, cmpige:la Ru:ncpvnckc tornamkokki turdag. Kapila:nc ngolu Bvkkolo rcmakdag, cmpige:la nolukkokki ido-sa:dodcm ngolu Bvkkoki turyc Ru:ncpvnckc tornamkokki.

2 KORINTIANGKVDVNG 4:12

Cdcmpidag sinamc ngolukkolo ager gerla dung, cmpige:la turnamc nolukkolo.