2 KORINTIANGKVDVNG 13:7 - ANU LUGOD N. T. (BSI)

⁷ Cmpige:la ngolu Ru:ncpvncmc kumdojc nolu germurcm germa:ycpc cmna–ngolu jc ankang kangkvdcm rvgsuycpc cmna:mang, cmpige:la nolujen okodc aidagji cdcm iycpc, ngolum ilang-gvla:ma:dopc ka:daggom.

2 KORINTIANGKVDVNG 13:7 ပူးပေါင်းရင်းမြစ်များ

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

2 TIMOTI 4:18

Ru:tumbv ngom appvng aima:nclokkc moturyc odokkc Bvk taycng dungkodok lcgangc mopvtag. Bvkkcpc amin gvnamdc ika:langka lo:dv-longkcm. Amen.

2 TIMOTI 2:15

Noluk aiyanggerncm gertoka nolu avyc avycm Ru:ncpvnckolo tolvgnam akoncmpc, ager gerncko sc:kobv anyi:supcnammc kama:dopc, aropc aro agomdcm gagdopc.

1 TIMOTI: 2:2

Kapcnc migomkvdv:dc odokkc appv:dc sc:kobulu bottcnnc ager gerkolo du:nc, jc ngolu ansv:nc odokkc mcngannc turnamcm turdopc, dormokanc odokkc mcnggcnammc appvng lambclo.

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

PILIPIANG KVDVNG 4:8

Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

2 KORINTIANGKVDVNG 13:9

Kapila:nc ngolu mc:podo cdvlo ngolu torma:ji odokkc cdvlo nolu tordoji. Okodcm ngolu kumdonc cdc noluk aibomla gvnam lcgangc.

2 KORINTIANGKVDVNG 10:18

Kapila:nc cdc avdcm avyc bottapc lusuncdcmmang torvgsunamdc, cmpige:la Ru:tumbv aidag cmna lunamdcmmvn.

2 KORINTIANGKVDVNG 10:10

Kapila:nc bulu ludag, “Bvk do:jvgkvdv:dc i:ddag odokkc tordag, cmpige:la bvk adin amvrpc du:mvnnamdc rcmakdag, odokkc bvk agomdc okopcsin aimang.”

2 KORINTIANGKVDVNG 8:21

Kapila:nc ngolu ka:mila okodc mcnggcnammcji cdcm ka:la gvdo Ru:tumkc ka:po:mang cmpige:la tani:kvdv:dok kangkolo:sin.

2 KORINTIANGKVDVNG 6:4

Ckvdaggom Ru:ncpvnckc ager gerncpc ngolu avyc avycm appvng lambclo aidopc lusudo: kvnggv:pc mcnga:sula.

1 KORINTIANG KVDVNG 11:19

Kapila:nc noluk ara:do pamvnsunc pakerpayernc kcrcngc du:ru:pc sc:kobulu noluk ara:do mc:jupmcngkapdagji kangkinna:ma:dopc.

ROMANKVDVNG 16:10

Apelle:mc kumtadsubilang, sc:komc Kristokolo ainc cmna lutoji. Aristobulukc ope:dokkcpc inckvdv:dcm kumtadsubilang.

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

ROMANKVDVNG 12:17

Aima:n agerdok lcgangc aima:ncm agercm gerlatsuyoka, cmpige:la appvngkc kangkolo okodc aidagji cdcmpinc mc:namsagnamcm mc:langka.

JO:N 17:15

Bulum rcngamsokkcm la:pakbomkangkulangka cmna ngo kummang, cmpige:la no bulum aima:nc incdokkcm moya:langka.

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

ROMANKVDVNG 1:28

Odokkc Ru:ncpvncmc bulu arro cmna ka:tomang, Ru:ncpvncbv bulum mcngkinma:nam asinno:pc tolvgto odokkc aima:nc inamgvnamlo:pc.

2 KORINTIANGKVDVNG 13:6

Ngo mc:dag nolu pa:ycpc jc ngolu ilang-gvla:ma:pc imang.

2 KORINTIANGKVDVNG 13:8

Kapila:nc arodok biruddi:pc atvkosin ila:mang, cmpige:la arodok lcgango:pc.