2 KORINTIANGKVDVNG 13:4 - ANU LUGOD N. T. (BSI)

⁴ Kapila:nc Bv ilang gvla:ma:dodo kuruslo pvtketo, cmpige:la Ru:ncpvnckc tornamkokki turdag. Kapila:nc ngolu Bvkkolo rcmakdag, cmpige:la nolukkokki ido-sa:dodcm ngolu Bvkkoki turyc Ru:ncpvnckc tornamkokki.

2 KORINTIANGKVDVNG 13:4 ပူးပေါင်းရင်းမြစ်များ

JO:N 10:18

Sc:kobvsin cdcm ngokkolokkcm la:mang, ckvdaggom ngo cdcm ngok mcngkampc tolvgdo. Ngokkc cdcm lc:nanc lc:lang-gvlangc dung, odokkc ngokkc cdcm langkunannc la:lang-gvlangc dung; cdc lulvgdcm ngok Abukolokkcm ngo pa:to.”

AGER KVDVNG 2:36

“Israelkc ope: appv:dcm aroru:pc kinmotoka jc Runcpvncbv Bvm Ru:tumpclang Kristopc imoto, cdc Jisumc sc:kom nolu kuruslo pvtketoji.”

AGER KVDVNG 3:16

Odokkc bvk amindc, bvk amindcm mc:jvgkokki, sc aminscm tormotoku sc:kom nolu ka:begdu:nc odokkc kindu:nc; odokkc Jisukokki mc:jvgnamdc:na okodc sc amiscm aiyo:pc ainc amvr-ammom bitokunc noluk appvngkc kcra:do:pc.

ROMANKVDVNG 1:4

odokkc Ru:ncpvnckc Awopc togc:lvgnam ilang-gvlangkokki Angunnc Yalodokkcmpc Bvk sikolokkc turkunamdokki, Jisu Kristobv ngoluk Ru:tumc,

ROMANKVDVNG 14:9

Kapila:nc odok lcgangci Kristobv sikang odokkc lckoda turkangku, odomvlojen Bv sinc kvdv:doklang turnckvdvng anyipaklok Ru:tumpc ila:dopc cmna.

ROMANKVDVNG 6:4

Ngolum cdcmpila Bvk lcdulo agolo lc:to sinamlo:pc baptismo binamdokki, odomvlo jen Kristomc sikolokkcm turmokunamcmpc Abudok amingvnamdokki, ngolusin turnamlok lambcm gvpcnammc.

1 KORINTIANG KVDVNG 1:25

Kapila:nc Ru:ncpvnckc monba:ba:namdc tani:ycmyam kinya:pa:dag.

1 KORINTIANG KVDVNG 15:43

Cdcm mcnggcma:pc pidlvgto, cdcm rcmakpc pitto, cdcm torpc la:sa:toku.

1 KORINTIANG KVDVNG 2:3

Odokkc ngo noluk lcdulo ilang gvla:ma:dom odokkc kvnggv:pc pcsodowcm odokkc jindom du:mvnka;

1 KORINTIANG KVDVNG 6:14

Odokkc Ru:ncpvncbv Ru:tummc turmotoku odokkc ngolumsin Bvk ilang gvlangkokki turmoycku.

2 KORINTIANGKVDVNG 10:10

Kapila:nc bulu ludag, “Bvk do:jvgkvdv:dc i:ddag odokkc tordag, cmpige:la bvk adin amvrpc du:mvnnamdc rcmakdag, odokkc bvk agomdc okopcsin aimang.”

2 KORINTIANGKVDVNG 12:10

Kristokc lcgangc, ngo aima:pc ila:ma:namcbulu dung, luka:nammc, torpc ipusire:nammc odokkc dungkoycko kama:nam pcsonammc; kapila:nc cdvlo ngo ilanggvla:ma:nc oddoi ngo kvnggv:dag.

2 KORINTIANGKVDVNG 13:9

Kapila:nc ngolu mc:podo cdvlo ngolu torma:ji odokkc cdvlo nolu tordoji. Okodcm ngolu kumdonc cdc noluk aibomla gvnam lcgangc.

PILIPIANG KVDVNG 3:10

Jc ngo:jen Bvm kinycpc odokkc Bvk sikolokkc turkunamdcm, odokkc Bvk du:g gvnamdcm gvtc:mvnna:ycpc, Bvggvngkcmpc imvnpc Bv sikolo,

HIBRIUKVDVNG 5:7

Bvk adinamvrki inamdok lcdudo, Jisubv kumnamclang amikc lcgang bottcru:pc kabla odokkc miksi dvla kumnamcm kumka, Bvm sc:kobv Bvm sikolokkc motula:dagaji, odokkc Bvm Bvk dormokanam pcsokokki taddungai.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

1 PITOR 3:22

Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.