2 KORINTIANGKVDVNG 13:14 - ANU LUGOD N. T. (BSI)

¹⁴ Ru:tum Jisu Kristokc aya:dc odokkc Ru:ncpnckc aipc mc:namdc odokkc Angunnc Yalodok du:jonnamdc noluk appvngkc lcdulo dungka:langka.

2 KORINTIANGKVDVNG 13:14 ပူးပေါင်းရင်းမြစ်များ

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 7:38

Sc:kobv ngom mc:jvgdagnc, ru:nckc agom jvggabnamdc lukamdcmpc, Bvk asindokkc turnc asidc bittvla du:yc.”

AGER KVDVNG 15:11

Ckvdaggom ngolu mc:jvgdo:jc ngolum Ru:tum Jisukc ayangkokki moturyc bulum moturarkamcmpc.”

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

ROMANKVDVNG 16:20

odo sakpola du:namdok Ru:ncpvncdc mcna:pc uidcm mokela alcki tumvg-momvgyc. Ngoluk Ru:tum Jisukc aya:dc nolukkolo du:mvnka:langka.

ROMANKVDVNG 16:23

Gaiubv, sc:kobv ngom odokkc rcngam appvngcm mibo boncdc, nolum kumtadsudung. Irastubv, nogor murkong mosv:ya:ncdc, odokkc ngoluk bvro Kuartubv, nolum kumtadsudag.

ROMANKVDVNG 16:27

Kinnc-pa:nc Ru:ncpvnc akko:dokkc aminc gvka:langka Jisu Kristokokki lo:dv-longkvpc! Amen.

ROMANKVDVNG 5:5

odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

ROMANKVDVNG 8:39

cdcmanggom ilanggvlangkvdv:dc, cdcmanggom bottcnc agerc, cdcmanggom taycngcba: kcvgc, cdcmanggom ru:namsok atv attarc, Kristo Jisu ngolu Ru:tumkokki Ru:ncpvncmc aipc mc:namdcm la:pansula:daglang.

ROMANKVDVNG 8:9

Cmpige:la nolu adin amvrdo du:mang, nolu Yalodo dung, jodi aropakpc nolukkolo Ru:ncpvnckc Yalodc du:mvlo. Sc:kkci Kristokc Yalodc kama:ji Bvkkcmang.

1 KORINTIANG KVDVNG 12:13

Kapila:nc Yalo akodokki ngolu appvngc amvr akodc baptismongcm langka–Jiwudaggom cdcmanggom Girikdaggom, pagbodaggom cdcmanggom avkc mc:supc du:ncdaggom–odokkc appv:dcm Yalo akkongkolok tv:moto.

1 KORINTIANG KVDVNG 14:16

Ckvma:mvlo, no yalodokki akirba:d bimvlo, kapc akonc ru:yolokkc dungkodok du:ncdc lula:ycn “Amen” dcm noluk aipai binamkvdv:dcm no okodcm ludu:ji cdcm kinma:dodcm?

1 KORINTIANG KVDVNG 16:23

Ru:tum Jisukc aya:dc nolukkolo dungka:langka.

1 KORINTIANG KVDVNG 3:16

Nolu kinma:nci nolujc Runcpvnckc Yalodc:jc nolukkolo du:dag cmna?

1 KORINTIANG KVDVNG 6:19

Nolu kinma:nci jc noluk amvrkvdv:dc Angunnc Yalodok kumko cmna noluk arangv:do okodcm nolu Ru:ncpvnckolokkcm pa:toji?

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

IPESIANG KVDVNG 2:18

Kapila:nc Bvkkokki ngolu anyipagc Yalo akkolo Abukodo:pc gva:napc gva:langcm pa:to.

IPESIANG KVDVNG 2:22

sckkolo nolumsin Ru:ncpvnckc dungko okumpc Yalodokki motagji.

IPESIANG KVDVNG 5:9

pva:dok ommangcmpc lambc gvtok (kapcnc pva:dok a:ycdcm appvng ainamlo odokkc dormokanamlo odokkc arolo pa:do,)

IPESIANG KVDVNG 6:23

Bvrrangkvdv:do:pc mcnganc dungka:langka, odokkc mc:jvgkokki ayangc, Abu Ru:ncpvnckolokkc odokkc Ru:tum Jisu Kristokolokkc.

PILIPIANG KVDVNG 2:1

Cdcmpidag atv asin pvtapc mc:monamko du:mvlo Kristokolo, aipc mc:namlok lubonko lcgangko du:mvlo, Yalodo atv itcngko du:mvlo, atv aisunamkolang aya:pc mc:namko du:mvlo,

1 JO:N 1:3

Jc ngolu okodcm ka:tonc odokkc tattonc ngolu nolum lutadbidu:sin, odomvlo jen ngolukkokki ajon jonsunammcm jonsuycpc; odokkc ngoluk ajon jonsunamdc Abudokki odokkc Bvk Awo Jisu Kristokokki.

1 JO:N 3:16

Odokki ngolu aipc mc:namcm kindag, jc Bvk turnamcm ngoluk lcgangc tolvgto; odokkc ngoluk turnam kvdvngcm bvrokvdv:dok lcgangc tolvgpa:do.

1 JO:N 3:24

Sc:kobulu Bvk lulvgla lunam gagla du:nc appv:dc Bvkkolo du:mvndag, odokkc Bv bulukkolo. Odokkc odokkokki ngolu kindag jc Yalodokki okodcm Bv ngolum bitoji, Bv ngolukkolo du:mvndag.

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.