2 KORINTIANGKVDVNG 12:21 - ANU LUGOD N. T. (BSI)

²¹ Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

2 KORINTIANGKVDVNG 12:21 ပူးပေါင်းရင်းမြစ်များ

2 KORINTIANGKVDVNG 13:2

Ngo lukanbitobong cdc sc:kobulu po:pc pa:bcm itonc odokkc ake appv:dcm, odokkc ngo lutaddung su:pak bulu kama:doscmsin, ngok lckon gvdodcm du:do dokkcmpc, jc ngo lckoda gvmvlo ngo bulum cpv:pc mc:yinsuma:yc–

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

GALATIANG KVDVNG 5:19

Su:pak adin amvrdok agerkvdv:dc lendanna dung: nc:ng milbo:pc gvmang la:ma:pc la:mvnsunam, narc:ma:nam, ka:bomc:bogo:la gvnamc,

1 KORINTIANG KVDVNG 5:1

Aropakpc cdcmpc lubidung jc noluk ara:lo aisi:ma:pc imvngvmvnsutung, odokkc cdcmpc inamc ui-inc kvdv:dok ara:lo:sinci ka:begmang; Kapila:nc tani:akonc bvk abudok nc:lok lcdulo du:mvndung.

LUNGOR LUNAM 22:20

Sc:kobv sc agomkvdv:scm lukanna lubidagji ludag, “Aroru:pc ngo lomdanna gvdokubong” Amen. Gvtokuka, Ru:tum Jisua!

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

JU:D 1:23

Akkem vmvdokkcm, bulum tvgpakla mopvttoka; akkem pcsoki mc:yinsula, adin–amvrdokki narc:ma:dopc inam gasor galukdcm tayumna:gomci.

JU:D 1:7

Kappar Sodomdc:lang Gomora:dc odokkc dunggo:-ycgong nogor kvdv:dcm, okodc cdcmv:pc aisi:ma:pc itoji odokkc ipcgvpcma:namcm mc:boka:bom mc:toji, lukan-bikancmpc idag lo:dvlongkvpc turnamdok palvgnam pa:la.

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.

HIBRIUKVDVNG 13:4

Noluk ara:lo yamnc gvnam-la:namc aipc mcnggcsuka:langka, odokkc midang monamdok asubc narc:pc:scng ka:langka; kapcnc Ru:ncpvncbv aima:pc asin gcnckvdv:dcm odokkc ami miycng langgo:nckvdv:dcm kcbangcm ba:ycku.

2 KORINTIANGKVDVNG 12:7

Odokkc ngom lungor lumamdok pv:sepv:yepc lula kvnggv:pc mc:pola bottcpc mc:namdokkc lc:pc, ta:ngko ngok amvrso bitungai, uilok lutad luncko, ngom moki:moatpc, ngok kvnggv:pc mc:pobadnam dokkcm langcrpc.

2 KORINTIANGKVDVNG 10:6

appvng agomtadma:pc inam-gvnamcm palvg lvgpc cmna mosv:sula du:la cdvlo nolu agom lunamdcm tadnamdc pv:namkopc ingapycji.

2 KORINTIANGKVDVNG 8:24

Cdcmpidag sc tani:kvdv:scm noluk agomcm lukanbila lubilang, mondoli: kvdv:dok kangko-tadkolo noluk aipc mc:nam agomcmnang nolum ngoluk lubonsula lunamdc.

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

ROMANKVDVNG 9:2

jc ngok asinbo kvnggv:pc mc:dvrdag odokkc gvngasuma:nam du:gcm gvnamki.