2 KORINTIANGKVDVNG 12:20 - ANU LUGOD N. T. (BSI)

²⁰ Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

2 KORINTIANGKVDVNG 12:20 ပူးပေါင်းရင်းမြစ်များ

1 PITOR 2:1

Cdcmpidag appvng ka:ru-ka:mangnammcm mc:pagamtoka odokkc yadgo:pagongcm odokkc mc:jubmcngkabma:nc asincm odokkc Ka:ruka:mangcm odokkc appvng lume:pc lujcmnam lunamcm.

GALATIANG KVDVNG 5:15

Cmpige:la nolu akonc akoncm rckka:mvnsuyc odokkc metka:mvnsuyc ansulanka jc nolu akonc akonkokki mokemvnsumangka.

1 KORINTIANG KVDVNG 1:11

Kapila:nc cdcm ngom Kloedok tani:kvdv:dokki lubitag jc noluk ara:lo pamvnsunamc dung, ngok bvrokvdvnga.

ROMANKVDVNG 1:29

Bulukkc appvng aisi:ma:nc ager gernam ipa:ma:nam ager, ka:bomc:bonam, ncnamc pv:namkopc dungai. Mirupc mc:namongc bi:la, tani:mokenc, pamvnsunamc, yadnamc, cmpcsin ka:lv:mvnsuma:namc, bulu pvsvpasapc agom luka:mvnsunc,

JU:D 1:16

Cdcbulu ngvr ngvrainc, mc:tv:suma:nc migom birudi:pc, buluk avkc mcngkam gvkampc incgvnnc, bottcpc nappangc bc:la lubonna lusunc, atv arcko pa:pc cmna tani:kvdv:dcm luyumlupola.

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.

GALATIANG KVDVNG 5:26

Kajc ngolu asinc bottaya:pc mcsuyoka; akoncm akonc aglvng sa:moyoka, akoncm akonc ncka:mvnsuyoka.

2 KORINTIANGKVDVNG 12:21

Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

2 KORINTIANGKVDVNG 13:2

Ngo lukanbitobong cdc sc:kobulu po:pc pa:bcm itonc odokkc ake appv:dcm, odokkc ngo lutaddung su:pak bulu kama:doscmsin, ngok lckon gvdodcm du:do dokkcmpc, jc ngo lckoda gvmvlo ngo bulum cpv:pc mc:yinsuma:yc–

2 KORINTIANGKVDVNG 10:6

appvng agomtadma:pc inam-gvnamcm palvg lvgpc cmna mosv:sula du:la cdvlo nolu agom lunamdcm tadnamdc pv:namkopc ingapycji.

2 KORINTIANGKVDVNG 10:2

Ngo nolum kumna:sola ludung jc cdvlo ngo gvpv:ycji ngo:jen asin bottap mc:namdcmpc lcngkanpcnampc ima:yc cdcmpinc mc:jvgkokki kapc ngo ngolum mo:pvsok ikam-gvkampc gvdag cmna mc:dagji lcngkanla.

2 KORINTIANGKVDVNG 1:23

Cmpige:la ngo Ru:ncpvncmc ngok birudi:pc lukan lubidopc gogdo– cdc nolum aya:pc mc:namc du:langci ngo Korinto:pc gvma:pc dung.

1 KORINTIANG KVDVNG 14:33

Kapila:nc Ru:ncpvncbv mc:mur mcyarnclok Ru:ncpvncmang.

ROMANKVDVNG 1:30

lume:pc ammem lujcg lugo:nc, Ru:ncpvncmc tayumnc, bottapc mc:la lusunc, pirtapc mansunc, lubonsula lusunc, aima:nc agercm la:lennc, ancabu agom tadma:nc,

ROMANKVDVNG 2:8

cmpige:la cdc sc:kobulu birudi:dagnc odokkc arodcm lukamdcmpc tadma:nc, cmpige:la aima:nc agerdcm lukamdcmpc taddagnc, odo aglvngclang aglv:la ager gernamc lenyc.

1 KORINTIANG KVDVNG 5:2

Odokkc nolu ngolluong cmna mc:sunc tani:yc! Nolu cdcmyam mc:dvrra kappc-ripcnammangalang? Sc:kobv cdcm itoji noluk ara:lokkcm la:pakmotok.

2 KORINTIANGKVDVNG 2:1

Kapila:nc ngok asincm ngo mc:dvrra nolum lckoda gvka:la kangge:ma:bong cmna mc:tobong.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.