2 KORINTIANGKVDVNG 12:2 - ANU LUGOD N. T. (BSI)

² Ngo tani: akoncm kindag Kristokolo sc:kobvm dv:tak tagyvngkolang takpi:ko po:pc taycng among awumpc dc:sa:moto– amvrtc:tc:pc manggom cdcmanggom amvrkama:pc ngo kinmang, Ru:ncpvncbv kindag.

2 KORINTIANGKVDVNG 12:2 ပူးပေါင်းရင်းမြစ်များ

AGER KVDVNG 22:17

“Cdvlo ngo Jerusalempc gvlattokuji odokkc kumko okumdo kumla dungaji, ngo siangkang odokkc ngo Bvm ngom ludopc ka:begto,

LUNGOR LUNAM 4:2

Vgcmpc ngo Yalodo dungai, odokkc ka:toka, taycngamong migom dungkoko lenkang, akonc migom dungkodo du:la tedangkang!

1 TISSALONIANG 4:17

odokkc ngolu sc:kobulu turra du:ji, sc:kobulum mcpaktagji, buluk lcdulo lckko:pc la:sa:bomycku Ru:tummc mukka:lo csardo rvgsukapc; odokkc ngolu lo:dvscm Ru:tumkc lcdulo du:mvnyc.

2 KORINTIANGKVDVNG 11:11

Odokkc kapila? Lcga:dc ngo nolum aipc mc:ma:nci? Ru:ncpvncbv kindag ngo mc:do!

LUNGOR LUNAM 12:5

bv milbong awoko pa:to, cdc sc:kobv opvn appv:dcm yogvr dangi:asongki bomna migom doyckuji, cmpige:la bvk awodcm Ru:ncpvnckolo:pc la:sa:to odokkc Bvk migom dungkodo:pc

HIBRIUKVDVNG 9:24

Kapcnc Kristobv alakkoki monam kumko mo:takkolo:pc gvangtomang, arodoggarcmpinc kangkonsunamko, cmpige:la taycng among dungkoru:do:pci gvangkang, su:pak ngoluk Ru:ncpvnc kcra:pc lcngkansubipc.

IPESIANG KVDVNG 4:10

Sc:ko Bv gvitonc cdc Bv sc:ko taycng among appvngcmyam owudru:pc mo:tc:pc dc:sangkangku, jc Bv:jen appvng attarcm pvngapmoycpc.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

GALATIANG KVDVNG 1:22

Odokkc ngo odosin ngom Kristokc mondoli:kvdv:dc Judiadok ka:de:pc kinmangada; bulu tadlangong dungai cdcm ludag,

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

ROMANKVDVNG 16:7

Andronikumc odokkc Junia:mc kumtadbilangka, ngok ope:ncgvngc odokkc ngok makana:lo du:jonc; bulu mclvgla ager gernamkvdv:dok amin gvnc tani:yc, odokkc ngokkcmyam po:pc bulu Kristokolo dungai.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

AGER KVDVNG 14:6

bulu cdcm kinsuto odokkc Listra:pclang Derbi:pc odokkc, dungo:ycgo:dok do:lungkvdv:do:pc;

JO:N 6:56

Sc:kobv ngok adincm doycji odokkc ngok i:ycm tv:ycji ngok dungkodo lcdulo du:mvn-dagmvndag, odokkc ngo:sin bvk dungkolo du:mvndo.

LU:KKC 24:51

Bv bulum aipai bila du:dodcm, Bv bulukkolokkc mcpansuto, odokkc taycngamo:pc gvbokangku.

LUNGOR LUNAM 1:10

Ngo Yalodo Ru:tumkc longcdo dungai, odokkc ngok lamkubo ngo bottcru:nc tapungko munnamcmpc scmpc lunam gomugko tadbegto,

2 KORINTIANGKVDVNG 13:5

Avycm avyc anka:sula ka:sutoka, noluk mc:jvgcm mcnggaptvla du:ji du:ma:ji. Avycm avyc ankang kangkvsutoka. Nolu mcngkvsuma:nci nolujc Jisu Kristokolo du:nc?– aroru:pc nolu ankang kangkvnamdcm ka:la:ma:mvlo!

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

ROMANKVDVNG 16:3

Priska:mclang Akila:mc aipai cmtadlang, Kristo Jisukolo ngok ajon ager gerjonc,

ROMANKVDVNG 16:9

Urbanumc kumtadsubilang, Kristokolo ngoluk ager gerjondcm, odokkc ngok aipc mc:nam Istaykumc.

ROMANKVDVNG 16:10

Apelle:mc kumtadsubilang, sc:komc Kristokolo ainc cmna lutoji. Aristobulukc ope:dokkcpc inckvdv:dcm kumtadsubilang.

HIBRIUKVDVNG 4:14

Cdcmpc inamc ngolukkc sc:kobv taycng amongkvdv:do bottcru:nc dormoager gernc du:la, Jisubv, Ru:ncpvnckc Awodc, kajc ngoluk lude:sunamdcm gagtvla du:lai.