2 KORINTIANGKVDVNG 12:10 - ANU LUGOD N. T. (BSI)

¹⁰ Kristokc lcgangc, ngo aima:pc ila:ma:namcbulu dung, luka:nammc, torpc ipusire:nammc odokkc dungkoycko kama:nam pcsonammc; kapila:nc cdvlo ngo ilanggvla:ma:nc oddoi ngo kvnggv:dag.

2 KORINTIANGKVDVNG 12:10 ပူးပေါင်းရင်းမြစ်များ

2 KORINTIANGKVDVNG 12:9

cmpige:la Bv ngom luto, “Ngok aya:dc nokkcpc pv:dag, kapila:nc ngok ilanggvla:dc rcmagdowcm aiyo:pc aidag.” Ngo cdcmyam mc:po:la bottapc lubonsuyc ngok ilang gvlangma:nam kvdv:dok lcgangc, jen Kristokc ilang-gvla:dc ngokkolo du:tvla du:ycpc.

IPESIANG KVDVNG 6:10

Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki.

ROMANKVDVNG 5:3

Cdcmpcyamsin, ngolu ngolum ipusire:kvdv:do mc:pomola:do, ipusire: pa:dolo:sin mentumsula:nam tornamcm lenmodag cmna kinna:yam,

2 KORINTIANGKVDVNG 13:4

Kapila:nc Bv ilang gvla:ma:dodo kuruslo pvtketo, cmpige:la Ru:ncpvnckc tornamkokki turdag. Kapila:nc ngolu Bvkkolo rcmakdag, cmpige:la nolukkokki ido-sa:dodcm ngolu Bvkkoki turyc Ru:ncpvnckc tornamkokki.

JAKOB 1:2

Cdcm appv:dcm mc:pobatsunampc mc:toka, ngokkc bvrrangkvdvnga cdvlo nolu angu angu ipuseire:ycm pa:ycji,

2 KORINTIANGKVDVNG 6:4

Ckvdaggom Ru:ncpvnckc ager gerncpc ngolu avyc avycm appvng lambclo aidopc lusudo: kvnggv:pc mcnga:sula.

AGER KVDVNG 5:41

Odo bulum amindok lcgangc mcnggcsaggcma:nam pa:pcnc kvtc:nam lcgangc mc:po mc:pola kcba:dokkc gvkangku.

2 KORINTIANGKVDVNG 13:9

Kapila:nc ngolu mc:podo cdvlo ngolu torma:ji odokkc cdvlo nolu tordoji. Okodcm ngolu kumdonc cdc noluk aibomla gvnam lcgangc.

2 KORINTIANGKVDVNG 1:4

sc:kobv ngoluk ipusire: pa:do appv:lo ngolum ni:dagji, odomvlo sc:kobulu atv ipusire: pa:ycmvlo ngolu ni:la:ycpc, oko ni:namdokki ngolum avycsin Ru:ncpvnckc ni:namdokki ni:doji.

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

2 KORINTIANGKVDVNG 4:17

Kapila:nc sc adji:oko vgcmpc ipusire: pa:namsc ngolum cdvlosin yogma:nc bottcru:nc amin gvnclo:pc mosv:dung okkomsin luyv:sunam kama:pc.

JO:N 15:21

Ckvdaggom bulu cdc appv:dcm ngok lcgangong iyc, lcga:dc bulu sc:ko ngom mclvgtagji kinmang.

1 KORINTIANG KVDVNG 4:10

Ngolu Kristokc lcgangc monba:ba:nc, cmpige:la nolu Kristokolo kinncpa:nc. Ngolu ilang gvla:ma:nc ckvdaggom nolu ilang-gvla:nc. Nolum mcnggcla du:namc, cmpige:la ngolum amin aima:pc gvmonammc.

LUNGOR LUNAM 2:3

ngo kindag no aso:pc dunggcla odokkc ngok amin lcgangc asinc mcnga:tvla du:namdcm mentumsula dung, odokkc no gerdvr-gersongmang.

2 KORINTIANGKVDVNG 10:18

Kapila:nc cdc avdcm avyc bottapc lusuncdcmmang torvgsunamdc, cmpige:la Ru:tumbv aidag cmna lunamdcmmvn.

2 TISSALONIANG 1:4

Cdcmpidag ngolu Ru:ncpvnckc mondoli:do lubonsula av-avyc lusudo mcnggab garabla du:namdokki odokkc mc:jvgdok lcgangc noluk appvng ipusire: kvdv:do odokkc du:g gvnamlo okodcm nolu menbomna du:nc.

PILIPIANG KVDVNG 1:29

Kapila:nc cdcm nolum bitung jc Kristokc lcgang Bvm mc:jvgo:pcnammang cmpige:la Bvk lcgangc du:gcm gvpcnammc.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

2 KORINTIANGKVDVNG 7:4

Ngokkc bottcru:nc bottcpc mc:sunammc nolukkolo dung; ngo mc:po mcnganc bi:dung. Ngolum ipusire: idag appv:lo, ngolu mc:pobadsudung.

2 KORINTIANGKVDVNG 4:5

Kapila:nc okodcm ngolu lutadbidonc cdc ngoluk av avkcmang, cmpige:la Jisu Kristobv Ru:tumpc incdc cmna, ngolu av-avyc noluk ager gerya:ncpc Jisukc lcgangc.

2 KORINTIANGKVDVNG 5:20

Cdcmpidag ngolu Kristokc lcgangc lutad lubinc, Ru:ncpvncbv Bv kcbang ba:nam lcgang kumnamcm kumdung ngolukkokki ludung. Ngolu Kristokc lcgangc kumna ludung, Ru:ncpvnckolo lckotokuka.

2 TIMOTI 3:11

ngok ipusire: pa:namkvdv:dcm, ngok du:g gvnamkvdv:dcm, okodcm ngo Antiokdo pa:toji, Ikoniumdo, odokkc Listra:do, kapinc ipusire:ycmbulum ngo menya:sula du:toji; ckvdaggom cdc appv:dokkcm ngom Ru:tumbv moturto.