2 KORINTIANGKVDVNG 11:3 - ANU LUGOD N. T. (BSI)

³ Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

2 KORINTIANGKVDVNG 11:3 ပူးပေါင်းရင်းမြစ်များ

KOLOSIANG 2:8

Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

GALATIANG KVDVNG 1:6

Ngo mcngapla:ma:pc idung jc nolu cddvko lomna mcpakdung Bvm sc:ko nolum Kristokc aya:lo gogtoji odokkc angu tadponc lutadkolo:pc mc:yotdung–

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

KOLOSIANG 2:4

Ngo scm ludung jc nolum sc:kosin yadla agomki yadpcnammang.

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

1 TIMOTI: 2:14

odokkc Adammc yadmangai, cmpige:la nc:dcm yatto odokkc lulvgnam agomcm tadma:pc incpc ikang.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

HIBRIUKVDVNG 13:9

Gvyodla gvngubonc odokkc tadkvma:nam luyircm tadla gvyotmvnyoka; kapcnc cdc mc:yinsunamki asin kvnggv:namdc aiya:dag, okodc buluk mcmangke:ke:pc du:namdcm avkamotoma:ji apin donamkokkimang.

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

GALATIANG KVDVNG 3:1

C:i monba: ba:nc Galatiangkvdvng! Nolum sc:ko luyuton, sc:k ka:de:pc Jisumc tani:ka:de:pc kurusdo pvtketo cmna lulen-lua:la lubiton?

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

2 PITOR 3:17

Nolu cdcmpidag, aipc mc:bomsunamkvdvnga, scm kinpo:suge:la, ansutoka ckvma:mvlo lujvgluro kama:nc tani:kvdv:dok imurki gvyotboyc odokkc noluk avkc du:namdagnamdcm yogmoyc.

GALATIANG KVDVNG 4:11

Ngo pcsodag ngo nolukkolo cmmumpci agercm gertoisong.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

2 PITOR 3:3

Scmmar nolu mcngkinru:pa:yc, jc aima:pc luka:nc tani:kvdvngc aima:pc luka:la du:tcr longcdo lenyc, buluk avkc ka:bomc:bo mc:namkoi odokkc.

2 TIMOTI 3:13

cdvlo aima:nc tani:kvdv:dc aima:namlokkc aima:pc ila gvboycnc, yadnc kvdvngc odokkc yadnamc.

1 TISSALONIANG 3:5

Kapcnc sok lcgangc, cdvlo ngo cmpcsin menrasula:toma:bo:ji, ngo mclvgto jc ngo:jen noluk mc:jvgdcm kinna:ycpc, kapcnc pcsonam lcgangc jc kapcji ila cdc ka:bomc:bomoncdc nolum ka:bomc:bomoto odokkc jc ngoluk ager gernamdc cmmumpc iycpc.

IPESIANG KVDVNG 6:24

Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.

GALATIANG KVDVNG 2:4

Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

TITUS 1:10

Kapcnc bojcrungko agom lunam tadma:nc dung, arvsu:ma:pc lunnc odokkc yadgo:nc, anguru:pc cdc gadpuknc kvdv:dc;

1 TIMOTI: 1:3

Kapc ngo nom lugablvgla lukanc cdvlo ngo Makedoniangdo:pc gvdungaji, Ipesu:do dungge:la, jc no kapin tani:yckkcm angu angupc astrong agomcm luyirma:pcka cmna lujcmlangka,

KOLOSIANG 2:18

Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

2 KORINTIANGKVDVNG 11:29

Sc:kobv torma:nc, odokkc ngo torma:nci? Sc:kom otapdopc motang, odokkc, ngo aglvngsa:ma:nci?

ROMANKVDVNG 12:8

sc:kobv ainc agomcm luyir mc:yirdag, bvk luyirmc:yirkolo, sc:ko murkongcm bidumsudoji, mc:pomcnganna; sc:kobv bidumsunamcm bidonc, kvnggv:pc mc:bola: sc:kobv ayang agercm lcngkandonc, mc:tv:sula, mc:yumsula mc:pomcnganna.

LUNGOR LUNAM 20:2

Odokkc bv alap kanc tabvdcm ycnggabto, cdc leketo:dvkc tabvdcm, okodc Uidc:ji odokkc Satandc, odokkc bvm lv:ying dv:takkopc ycnggabla lc:to, odokkc bvm jiko:do cryi:lvgto,

2 KORINTIANGKVDVNG 11:20

Kapila:nc noluk pagbo tani: akonc iycmvlo cdcm mc:yinsudo, cdcmanggom nolum moyetycmvlo, cdcmanggom nolum mcge:la mc:namko ipc mc:ycmvlo, cdcmanggom nolum yc:bomna gvycku, cdcmanggom nappa:dok nolum piyc.

IPESIANG KVDVNG 4:22

Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

LUNGOR LUNAM 12:15

Cdc tabvdc cdc nc:ng tani:dok lcdu lcdupc a:nc abungkoncmpc asscm toyi:lvgto, bvm Pu:mi asidokki bidpakbomdopc cmna.