2 KORINTIANGKVDVNG 11:29 - ANU LUGOD N. T. (BSI)

²⁹ Sc:kobv torma:nc, odokkc ngo torma:nci? Sc:kom otapdopc motang, odokkc, ngo aglvngsa:ma:nci?

2 KORINTIANGKVDVNG 11:29 ပူးပေါင်းရင်းမြစ်များ

1 KORINTIANG KVDVNG 9:22

Asin kvnggv:ma:nc kvdv:dokkcpc ngo kvnggv:ma:ncpc ito, jc ngo:jen kvnggv:ma:nc kvdv:dcm mopvla:pc cmna. Ngo appv: tani:lo:pc appv:pc itobong, jc appv:pc ila ngo akkemci mopvla:ycpc cmna.

1 KORINTIANG KVDVNG 8:13

Cdcmpidag, donamdc jodi ngok bvrokc imur lcga:pc ido, ngo cdvlosin adincm doma:yc, ckvma:mvlo ngo ngok bvrodcm domurmoncpc idag.

LUNGOR LUNAM 2:20

Cmpige:la sc nok birudi:pc ngokkc dung, jc no Jejebel nc:dcm mc:yinsuto, sc:kobv av avdc lungor lunnc cmna lusudagji odokkc ngok ager gerya:nc kvdv:dcm aisi:ma:nc agercm geryiddopc odokkc moimang kvdv:dok kcra:lo tvlvgnam donamcm dodopc luyirdung odokkc yaddag.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;

GALATIANG KVDVNG 6:2

Akonc akonkc jo:namcm jo:langka, odokkc cdcmpc Kristokc lujvglurodcm gvpvtlangka.

GALATIANG KVDVNG 2:14

Cmpige:la cdvlo ngo ka:to jc bulu yvgcmpc agomcm tadponc lutaddok arodcm ludodcm lumang, ngo luto buluk appv:dok kcra:do Kepa:mc, “Ngo jodi, Jiwuge:la:gom, Ru:ncmc kinma:nc tani:ycmpc du:yc odokkc Jiwucmpc du:mang, kapc no Ru:ncmc kinma:nc kvdv:dcm Jiwucmpc du:dopc du:moru:la:ycn?”

2 KORINTIANGKVDVNG 13:9

Kapila:nc ngolu mc:podo cdvlo ngolu torma:ji odokkc cdvlo nolu tordoji. Okodcm ngolu kumdonc cdc noluk aibomla gvnam lcgangc.

1 KORINTIANG KVDVNG 15:36

Ci monba:ba:nc tani:ya! No okodcm piddonc cdc sima:sisscm sa:ma:yc.

1 KORINTIANG KVDVNG 12:26

Adinamvr akonc rammvlo, appv:dc ramdag lckko:pc; akoncm mcnggcycmvlo, appv:dc lckko:pc mc:podag.

1 KORINTIANG KVDVNG 11:22

Okkon! Nolukkc dopcla: tv:pc okumc kama:nci? Cdcmpcmanggom nolu Ru:ncpvnckc mondoli:dcm tayumdonci odokkc cdc sc:kobulukkc okkosin kama:ji anyv:sumodonci? Okkom ngo nolum luyya:n? Ngo odo nolum aidag cmna luycnci? Ma:, ngo luma:yc.

ROMANKVDVNG 15:1

Ngolu sc:kobulu ilang gvla:dagji rcmagnc kvdv:dcm gerdumsupcnammc, odokkc ngolu avyc avycm aipc mc:tvngsupcnammang;

ROMANKVDVNG 12:15

Sc:kobulu mc:po mcngandagnc buluk lcdulo mc:po mcnganmvnnangka, sc:kobulu kabdagji buluk lcdulo kablangka.

JO:N 2:17

Bvk agom tadjvgla gvmvnnc tani:kvdv:dc mc:pa:toku cdcmjc adla lc:tagnc cmna, “Nok okumdok lcganc mc:bomsunamdc ngom mcngkesula simoyc.”

METIU 11:6

Odokkc sc:kobv ngok gvkolo gvnyi:ma:ycnc bv akirba:d pa:nc.”

1 KORINTIANG KVDVNG 8:9

Kanggabo:lang ckvma:mvlo sc noluk dolvngcm donamdc kapcjila lcsudsuko sv:tu:pc sckkai mcngkinma:nc kvdv:dokkcpc iyc.