2 KORINTIANGKVDVNG 11:26 - ANU LUGOD N. T. (BSI)

²⁶ lckko lckko:lo mo:dopc gvddcm, a:nclok pcsopcnamlo, rodkudnclok pcsopcnamlo, ngok avkc tani:kvdv:dokkc pcsopcnamc, Angu Tani:kvdv:dok pcsopcnamc, nogorlo pcsopcnamc, yumra:lo pcsopcnamc, siycnglo pcsopcnamc, lume: lunc bvrokvdv:dokkc pcsopcnamc;

2 KORINTIANGKVDVNG 11:26 ပူးပေါင်းရင်းမြစ်များ

AGER KVDVNG 14:5

Cdvlo Jiwuclang Girikkvdv:dok anka:la ka:namko itoji, buluk migomdonckvdv:dokki, bulum iki:siyatpc cmna odokkc bulum vlvngki crkepc cmna,

AGER KVDVNG 25:3

odokkc bulu bvm lulvgla luto, tani:dcm Jerusalempc mclvgbinamko itei cmna, bvm lc:sula lambcdo mokepc cmna:

AGER KVDVNG 20:19

Ru:tumkc agercm asin ansvngo:la gerla odokkc migsi dvla odokkc Jiwu kvdv:dok ru:la ru:sula inam ager kvdv:dokki ngokkolo pa:la;

AGER KVDVNG 17:5

Cmpige:la Jiwukvdv:dc ncdagai odokkc tani:kcrc:dok aima:n ajonckkc jonsuge:la, bulu tani:kvdv:dcm kcrcngkopc yadkumsumoto, nogorpakdcm jcnggumna jc:moto, odokkc Jasonkc okumdcm moa:bomkang, bulum tani:kvdv:dok kangkolo:pc la:lenpc cmna mala.

AGER KVDVNG 13:50

Ckvdaggom Jiwukvdv:dc aipc mc:jubnc botta bottanc nc:ngkvdv:dcm odokkc nogordok igur gvgurbonc milbong amikvdv:dcm luwur-lubarlvgto, odokkc Poulmclang Barnaba:mc ipusire:ycm idopc mowurlvgto, odokkc bulum buluk jiladokkc mcnnenlvgto.

GALATIANG KVDVNG 2:4

Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

2 KORINTIANGKVDVNG 11:32

Damasku:do, amo:ru:tumdc Migom Aretakc Kcvgdo Damasku nogordcm ka:sv:mosv:to ngom ycnggappc cmna.

1 KORINTIANG KVDVNG 15:32

Ngo okkom arckapc pa:don jodi, tani:lukampc ludung, Ipesusolo simvnkokki momvnsuka cmmvlo? Sinckvdv:dcm turmokuma:mvlo “Kajc dola: tv:lai, kapila:nc yampo ngolu sipakyc.”

ROMANKVDVNG 15:19

Angunnc Yalodok ilang gvlangkokki, odomvlo jen Jerusalemdokkc odokkc dunggong appvngc Illirikumdo:pc ngo pv:namkopc Kristokc tadponc lutaddcm lugo:bito,

AGER KVDVNG 23:10

Odokkc cdc luka:mvnsunamdc kvnggv:pc bottcnammc, kcba:ba:nc dc, Poulmc bulu tu:nyi tuwumkopc ipakpckc cmna pcsokang, mimagmo nckvdv:dcm gvila bvm sotcr sotcr sogabdopc bulukkolokkcm lulvgto odokkc bvm mimagmonckvdv:dok okumdo:pc langa:to.

AGER KVDVNG 19:23

Odo ayirdo Lambcdok lcgangc adjio:kosin lumvnsunam kamangai.

AGER KVDVNG 19:1

Apollo:bv Korintodo du:dodcm, Poulbv dagdung mo:tak-dok gvko:la gvto odokkc Ipesu:do:pc gvto. Odo bv agom tadjvgla gvmvnnc tani:ckkc pa:to.

AGER KVDVNG 18:12

Cmpige:la Akaia:dok mo:tak akolok migomdoncpc cdvlo Galliobv ila dungaji, Jiwukvdv:dc Poulmc lckko:pc moa:to odokkc bvm kcba:bangkodo:pc boma:to,

AGER KVDVNG 15:40

cmpige:la Poulbv Sila:mc bala la:to odokkc Ru:tumkc ayangki bvrokvdv:dc mclvgla:yam gvpansukang.

AGER KVDVNG 14:19

Cmpige:la Jiwukvdv:dc odopc Antiokdokkclang Ikoniumdokkc gvto; odokkc tani:kvdv:dcm luwurlvgla, Poulmc bulu vlvngkokki crtapto odokkc bvm nogordok ru:yipc solennvgto, bv sika:bong cmna mc:la.

AGER KVDVNG 13:45

Cmpige:la cdvlo cdc yadkumsunc tani:kvdv:dcm Jiwukvdv:dc ka:begtoji, bulu ncrobbomkang, odokkc Poulbv okodcm lutoji lupagamto, odokkc bvm aima:si:ma:pc luto.

AGER KVDVNG 17:13

Ckvdaggom cdvlo Tissalonika:dok Jiwukvdv:dc kintoji Birea:do:sin Poulbv Ru:ncpvnckc agomdcm lutadbito, bulu odopcsin gvto, nvgur nvgbarlvgla odokkc yadkumsunc tani:kvdv:dcm lubonnvgla.

AGER KVDVNG 20:3

Odo bv po:lo pvwumko du:to, odokkc Jiwukvdv:d bvk birudi:pc ru:suko ru:tonc bv Makedonia:dok gvlatla gvkupc cmna mc:scgto.

AGER KVDVNG 27:42

Mimagmonckvdv:dc mc:namdc makana:lo tumnamkvdv:dcm mokepc cmna, ckvma:mvlo akonc ba:la gvpakycpc odokkc gagsipckc;

ROMANKVDVNG 8:35

Ngolum sc:ko Kristokc aipc mc:namdokkcm la:pansula:ycn? Asin mc:dvrc la:pansuycnc, cdcmanggom ipusire:yc cdcmanggom mogvtomomatnammc, cdcmanggom dobegtv:begma:namc, cdcmanggom gcbeg bombegma:namc, cdcmanggom sipcturpcnammc, cdcmanggom madsvgc?

1 KORINTIANG KVDVNG 15:30

Kapila ngo ayir ayirlo pcsokonnom pa:ycn?