2 KORINTIANGKVDVNG 11:23 - ANU LUGOD N. T. (BSI)

²³ Ngo:sin cdcmpc? Bulu Kristok ager gerya:nci? Ngo aiya:nc ako–ngo simadnc tani:koncmpc ludung–bojcru:yangko bottaya:nc agerkokki, bojcru:yangko makana:lo tumkosula, kvngapla:ma:namko dcmkosula, odokkc lckko: lckko:lo sipcmna ila.

2 KORINTIANGKVDVNG 11:23 ပူးပေါင်းရင်းမြစ်များ

2 KORINTIANGKVDVNG 6:9

kinma:nampc innc odokkc ckvdaggom aiyo:pc kinnamc; sinncmpc innc, odokkc ka:tok ngolu turdung; mogvtmomatnammcmpc innc, odokkc ckvdaggom mokemang; mc:dvrc bi:ncmpc innc, ckvdaggom lo:dvscm mc:pola dung;

2 KORINTIANGKVDVNG 3:6

sc:kobv ru:toji anu lugoddok migom ager gerncpc ngolum motoji, jvgnam lujvglurolo:mang cmpige:la Yalodo; kapila:nc adnam lujvglurodc mokedag, cmpige:la Yalodc turnamcm bidag.

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

KOLOSIANG 1:29

Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

AGER KVDVNG 9:16

kapila:nc ngok lcgangc bv cddvkopc ipusire:ycm pa:pcnammcji bvm lcngkanyc.”

PILEMON 1:9

Ckvdaggom aipc mc:namdok lcgangc ngo nom lurcl lunamdcm mc:ya:to–ngo, Poulbv, migom lutad luya:binnc odokkc su:pak maka:na:lo du:ncsin Kristo Jisukc–

2 TIMOTI 2:9

cdc tadponc lutaddcm okodok lcgangc ngo irvsinyom pa:doji tani:mokencmpc ikoli:ycm koggabkosula dung.

1 KORINTIANG KVDVNG 3:5

Apollo:bv cmpcmvlo sc:kon? Poulbv sc:kon? Ager gerya:nckvdv:dc sckkokki nolu mc:jvgtoji, ako akopc Ru:tumbv lulvgnamdcmpci.

HIBRIUKVDVNG 10:34

Kapcnc nolukkc makana:lo tumnam kvdv:dok lcgangc aya:sitapc mc:namc dungai, odokkc nolu mc:popc noluk kanam-sv:namkvdv:dok rotkutnam kvdv:dcm torvgsuto, kapcnc nolu kindagai jc nolu avkvdv:dokkc aiya:nc kanam-sv:namc dungai odokkc du:mvntvnc ako.

2 TIMOTI 1:16

Ru:tumbv aya:pc mc:yinsunamcm Onesiporu:kc cra:dcm bika:langka, kapcnc bv ngom mcna: mcna:pc du:rasumoto idvrsisongcm la:pakto; bv ngok ikoli:ki kognamdcm anyi:mangai,

2 TIMOTI 1:8

Cdcmpidag anyi:yoka odokkc ngoluk Ru:tummc lukanbipc, cdcmanggom ngom bvk makana:lo tumnamno, cmpige:la tadponc lutaddok lcgangc Ru:ncpvnckc ilanggvlangki du:g gvla lubilangka,

1 TIMOTI: 4:6

Jodi nolu sc luyir lunamkvdv:scm bvrokvdv:dok kcra:do lc:biyc nolu Jisu Kristokc ainc migom ager gerncpc iyc, mc:jvglok agomlo mosv:momola odokkc ainc lukam agom okodcm nolu tadla gvmvntoji.

1 TISSALONIANG 3:2

odokkc ngolu Timoti:mc mclvgto, ngoluk bvrodcm odokkc Ru:ncpvncmc ager gerya:ncdcm Kristokc tadponc lutaddo, noluk mc:jvglo nolum mcjv:sudopc odokkc nolum lusv:mosv:pc,

PILIPIANG KVDVNG 2:17

Cddo:mang ngom noluk mc:jvgdo tolvgla palvgnamdo palvgdaggom, ngo noluk appvngkc lcdulo mc:podag.

PILIPIANG KVDVNG 1:13

Cdcmpc ikang jc cdc kcbang tadnc appv:dc kinapkang odokkc ake appv:do:pc jc ngok makana:lo du:namdc Kristokc lcgangc;

IPESIANG KVDVNG 6:20

okodok lcgangc ngo ikoli:ki yc:nam migom lutad lunncmpc iladung; jc ngo cdcm asin pvtala lugo:bila:ycpc, kapc ngo lupcnammcji.

IPESIANG KVDVNG 4:1

Ngo cdcmpila, Ru:tumkc lcgangc makana:lo tumnamc, kumna ludung nolum gognamdok arckadopc turnamc turra dunggcdopc okolopc nolum gogtoji,

IPESIANG KVDVNG 3:1

Odok lcga:pc ngo, Poulbv, Kristo Jisukc lcgangc makana:lo tumnamc nolu Angu tani:kvdv:dok lcgangc.

2 KORINTIANGKVDVNG 11:5

Ngo cdcm mc:dag jc ngo bottarya:nc mclvgla ager germonam tani:kvdv:scmyam adji:yarya:ncmang.

2 KORINTIANGKVDVNG 10:7

Ka:tok noluk amik kcra:pc okko du:ji. Jodi sc:kaikc aropakpc Kristokcji, cdcmv:pc ngolusin.

2 KORINTIANGKVDVNG 4:11

Kapila:nc cdvlo ngolu turra du:donc ngolu lo:dcm sinamlo jen Jisukc turnamdc ngoluk sipcnc adinso lenycpc.

ROMANKVDVNG 8:36

Cdcm adla lc:namdcmpc, “Nok lcga:pc ngolum longgcm longgcm mokenampc idung; ngolum pakenam bera sobenpc tolvgtag.”

AGER KVDVNG 28:30

Odokkc bv odo bvk avkc murkongki dv:tag anyiko du:to, odokkc bvkkolo:pc sc:kobulu gvangka:nc appv:dcm torvgsuka,

AGER KVDVNG 28:16

Odokkc cdvlo ngolu Ro:mpc gva:toji, Poulbv atcro:dcm du:dopc du:moto, mimag monckvdv:dcm kanggabbomna.

AGER KVDVNG 27:1

Odokkc cdvlo ngolu Itali:pc ko:la gvpcnammc cmna mc:to bulu Augustan Kohort mimag monc lvngkolok gvgcncmc, Julius cmnamko Poulmclang makana:lo tumnam tani:ckkc togc:lvgto.

AGER KVDVNG 25:14

Odokkc bulu bojcru: longcko odo du:namc, Pestu:bv Poulkc ajc:dcm migomdok kcra:do scmpc lula lukanbito, “Pelikbv makana:lo tumla lc:nam tani:ako dung; odokkc ngo cdvlo Jerusalemdo dungaji,

AGER KVDVNG 21:11

Odokkc ngolukkoso:pc gvge:la bv Poulkc tongali:dcm langge:la bvk avkc alcdo:lang alakdo yc:lvgsuto, odokkc luto, “Cdcmpc Angunnc Yalodc ludag, ‘Cdcmv:pc Jerusalemdok Jiwukvdv:dc cdc tani:dcm ycnggabyc sc:ko sc tongali:scm bomdagji odokkc Angunnc tani:kvdv:dcm bvm bipakyc.’ ”

AGER KVDVNG 20:23

Angunnc Yalodc ngom nogor appv:lo makana:lo tumnamcmlang ipusire:yc toya:la dung cmna lubinamdcmma:mvlo.

AGER KVDVNG 14:19

Cmpige:la Jiwukvdv:dc odopc Antiokdokkclang Ikoniumdokkc gvto; odokkc tani:kvdv:dcm luwurlvgla, Poulmc bulu vlvngkokki crtapto odokkc bvm nogordok ru:yipc solennvgto, bv sika:bong cmna mc:la.

1 KORINTIANG KVDVNG 4:1

Cdcmpcna kapc akonc ngolum mcnggcpcnamcnc Kristokc ager gerya:ncmpc odokkc Ru:ncpvnckc mcngapla:ma:nam agomlok kanggab-daggab-ya:ncpc.

1 KORINTIANG KVDVNG 4:9

Kapila:nc ngo kindag jc Ru:ncpncbv ngolum appv:lok lcddarncdcm lcngkanto; sidopc lulvgnam tani:ycmpc; kapila:nc ngolu mo:pvsokkcpc, taycng among lutad lunckvdv:dokkcpc odokkc appvng tani:kvdv:dokkcpc ka:pc kare:nampc ikang.

1 KORINTIANG KVDVNG 4:11

Silokc ayirso:pc ngolu kcnongclang tv:lv:dung, ngolum bcdu gasor kama:pc odokkc dcmko pakosula odokkc okum rvgngong kama:pc ila dung,

GALATIANG KVDVNG 6:17

Cdcmpinamki sc:ko tani:ycsin ngom moki:moatyoka; kapila:nc ngok amvrso Jisukc mogodcm tubjedcm gcbomdag.

2 TIMOTI 3:11

ngok ipusire: pa:namkvdv:dcm, ngok du:g gvnamkvdv:dcm, okodcm ngo Antiokdo pa:toji, Ikoniumdo, odokkc Listra:do, kapinc ipusire:ycmbulum ngo menya:sula du:toji; ckvdaggom cdc appv:dokkcm ngom Ru:tumbv moturto.