2 KORINTIANGKVDVNG 11:15 - ANU LUGOD N. T. (BSI)

¹⁵ Cdcmpidag Bvk avkc ager gerya:nc kvdv:dc:sin lc:sula lcngkansunamdc mcngapla:ma:nampc imang dormokanc ager gerya:ncpc lcngkansupc. Buluk ager gernamkvdv:do buluk du:tcrolo dungapyc.

2 KORINTIANGKVDVNG 11:15 ပူးပေါင်းရင်းမြစ်များ

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

LUNGOR LUNAM 9:11

Buluk ara:lo migompc innc du:tcr kama:pc inc jiko:dok taycng among lutad lunnc dung; Hibriulo bvk amincm Abaddon cmtag, odokkc Giriklo bvm Apollion cmna gogdag.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

2 KORINTIANGKVDVNG 3:9

Kapila:nc aimang cmna mokenamdok adla lc:namdc jodi unjvgdagamvlo, dormokanck agomdok adla lc:namdc bojcru:yangko unjvgya:yc.

AGER KVDVNG 13:10

“C:i uikc aowa no appvng dormo kanamlok mirua, yadnam agom kannc odokkc lujcgjcgmona, Ru:tumkc lambcdcm gc:yodgc:madmonamdcm ingasuma:ycbonci!

LUNGOR LUNAM 13:14

odokkc kanggod kvdv:dokki okodc cdcm ager gerdopc mclvgdagji simvndok dungkolo, cdc yaddag sc:kobulu mo:pvso du:dagji, bulum simvndokkcpc monam moimangko modopc lulvgko lula: lula okodcm madsvgdokki pakedaggom turra du:toji;

LUNGOR LUNAM 13:2

Odokkc cdc simvndc ngok ka:namdc Nangorputuki: takar adorkoncmpc idagai, odok alckvdv:dc situm adorkonclokkcmpc idagai, odokkc odok nappa:dc inggolok nappangcmpc idagai. Odokkc cdcm cdc alapkanc tabvdc bvk ilang gvla:dcm bito odokkc bvk migom dungkodcm odokkc bottcru:pc migom ilang-gvlangcm.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

IPESIANG KVDVNG 6:12

Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc.

2 KORINTIANGKVDVNG 11:23

Ngo:sin cdcmpc? Bulu Kristok ager gerya:nci? Ngo aiya:nc ako–ngo simadnc tani:koncmpc ludung–bojcru:yangko bottaya:nc agerkokki, bojcru:yangko makana:lo tumkosula, kvngapla:ma:namko dcmkosula, odokkc lckko: lckko:lo sipcmna ila.

2 KORINTIANGKVDVNG 11:13

Kapila:nc cdcmpinc tani:kvdv:dc lume:pc lunc mclvgla ager germonamkvdvngc, yadgo:nc ager gernc, av avkvdv:dc Kristokc mclvgla ager germonammc cmna lc:sula lcngkansudag.

1 KORINTIANG KVDVNG 9:11

Ngolu yalo ainc agomcm nolukkolo pittomvlo, cdc airu:pc nolukkolok attarko avpc pa:namdcm gadkumvlo bojcyen.

ROMANKVDVNG 2:6

Kapila:nc Bv tani: appvngcm Bvk ager gerkamdcmpc bipcnammcm biyc:

ROMANKVDVNG 3:8

Odokkc kapila aima:nc agercm ainc lendopc germa:nc? kapc tani: akke aima:pc lugcla ngolum lua:dang cdcmpc lula. Bulum kcba:ba:la mokenam kvdv:dc arodo.