2 KORINTIANGKVDVNG 10:4 - ANU LUGOD N. T. (BSI)

⁴ Kapila:nc ngoluk mimag monanc gvdv:-yoktung kvdv:dc mo:pvsokkcmang cmpige:la kvnggv:pc morasula dungkodok momvgla:nanc taycng among ilang gvlangc,

2 KORINTIANGKVDVNG 10:4 ပူးပေါင်းရင်းမြစ်များ

AGER KVDVNG 7:22

Odokkc Mose:mc Igiptolok appvng kinnam agomcm luyirgvyirtungai, odokkc bvk agom lukolo:lang agerlo airu:pc kindagai.

ROMANKVDVNG 13:12

yumcdc bojcrungko mo:tc:pc gvpakka:bong, longcdc aninpc pvnga:dandu:bong. Kajc ngolu cmpcmvlo kcmolok agerdcm mcpakla odokkc pva:lok mimagmonanc attarkvdv:dcm gclai

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

1 KORINTIANG KVDVNG 2:5

jc noluk mc:jvgdc tani:lok kinnampa:namlo du:ma:ycpc cmpige:la Ru:ncpvnckc ilanggvla:lo du:yc.

1 KORINTIANG KVDVNG 9:7

Sc:konu avkc murkongcm pidsula mimag monc agercm gerdon? Sc:ko angur ba:ri:ycm avyc a:ycm dosuma:pc idon. Sc:konu simvn kcrcngko odok gakvrko yumma:pc kanggabdonc?

2 KORINTIANGKVDVNG 10:8

Kapila:nc cdcmv:pc idaggom adji:oko bottapc lusudo ngoluk airu:pc ilang-gvlangcm, okodcm Ru:tumbv mosa:nadopc bitoji odokkc mopenma:pc, ngo ngom anyi:sumoma:yc.

2 KORINTIANGKVDVNG 13:10

Ngo scm addung cdvlo ngo nolukkolokkc mo:tc:doji, cdcmpc ipc cmna jc cdvlo ngo gvycji ngo:jen ngom Ru:tumbv bikaji cdc ilang gvlangdcm lunadodo kvnggv:pc luma:ycpc mosv:nanc lagangc odokkc mopennapc lcga:mang.

2 KORINTIANGKVDVNG 3:5

Ngolukkolokkc jc atvko lensula lusula:ncko cdcmang; ngoluk lula:namdc Ru:ncpvnckolokkc,

2 KORINTIANGKVDVNG 4:7

Cmpige:la ngoluk sc lcngkumnam murko:sc among lcnggcng kvdv:l dung, cdcm lcngkanpc jc appvngcm bottaya:nc ilang gvla:dc Ru:ncpvnckc odokkc ngolukkcmang.

2 KORINTIANGKVDVNG 6:7

dormokanamdok yoktung-katokki lagbvk alakdok lcgangc odokkc lakkedok lcgangc;

1 TISSALONIANG 5:8

Cmpige:la, ngolu longcdokkcpc ila:yam, kajc ngolu asinc ansv:lai, odokkc mc:jvgloklang aipc mc:namlo angkcng torasunancdcm gclai, odokkc tukkudok tornc dumlupko moturdokkcm gclai.

1 TIMOTI: 1:18

Sc lujcmscm ngo nom lulvgdung, Timoti:ya, ngok aowa, lungor lunamdok lukamdcmpc okodc nokkolo:pc sudkandagnc, jc cdc bulukkokki ilanggvlangcm pa:la nolu ainc mimagcm motoka, mc:jvgdcm mcnggabbomla odokkc ainc mcngc-saggcm mcnggabbomna.

2 TIMOTI 2:3

Irisinyo pa:namlo Jisu Kristokc ainc mimagmonc koncmpc ilang-gvlangka.

HIBRIUKVDVNG 11:30

Mc:jvgkokii Jeriko:do bulu kvnvd longckopc gvyetla gvridodokkc bare:kvdv:dc openamkang.