2 KORINTIANGKVDVNG 10:10 - ANU LUGOD N. T. (BSI)

¹⁰ Kapila:nc bulu ludag, “Bvk do:jvgkvdv:dc i:ddag odokkc tordag, cmpige:la bvk adin amvrpc du:mvnnamdc rcmakdag, odokkc bvk agomdc okopcsin aimang.”

2 KORINTIANGKVDVNG 10:10 ပူးပေါင်းရင်းမြစ်များ

1 KORINTIANG KVDVNG 1:17

Kapila:nc Kristobv ngom baptismo bidopc mclvgmangai cmpige:la tadponc lutaddcm lukapcmvn, odokkc tadpopc agom lujo:namkokkimang, ckvma:mvlo Kristokc kurusdc odok ilang gvla:namdc kama:pc ipakycpc.

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

2 KORINTIANGKVDVNG 10:1

Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!

2 KORINTIANGKVDVNG 10:11

Cdcmpinc tani:kvdv:dcm kinmotoka jc cdvlo ngolu kama:ycji odo okkom ngolu do:jvgkokki ludonc, ngolu cdcm du:dodo ido.

2 KORINTIANGKVDVNG 10:9

Ngo nolum ngok do:jvg-kvdv:sokki pcsomoma:dopc ka:dung.

2 KORINTIANGKVDVNG 11:21

Ngo anyi:supc, ngo lupa:ru:yc, ngolu odok lcga:pc airu:pc rcmagdagai. Cmpige:la okkomci sc:koi bottapc lubonsupc asinc mcngkvycnc–ngo monba:ba:ncmpc ludung– ngo:sin cdcm bottapc lubonsupc asinc mc:sudag.

2 KORINTIANGKVDVNG 11:6

Cdcmv:pci ngo agom lukolo lujo:ncmang, ngo kinncpa:ncmang; appvng lambclok ngolu scm nolum kinkur kinle:motung appvng agerlo.

2 KORINTIANGKVDVNG 13:3

Kristobv:jc ngokkokki agom ludag cmnamdcm kangodko ka:lvgdagnc. Bv nolum iko-sangkolo tornam kama:pc imang, cmpige:la Bv nolukkolo torncrungc.